ກຸ່ມຫົວຮຸນແຮງທີ່ຕິດອາວຸດເຕັມອັດຕາກຸ່ມໜຶ່ງ, ລວມທັງ ມືລະເບີດສະຫຼະຊີບຫຼາຍຄົນ,
ໄດ້ບຸກເຂົ້າໄປ ໃນສະຖານີກະຈາຍສຽງລັດຖະບານແຫ່ງໜຶ່ງ ໃນພາກຕາເວັນອອກຂອງ
ປະເທດ ອັຟການິສຖານ, ເຮັດໃຫ້ປະຊາຊົນຢ່າງໜ້ອຍ 2 ຄົນເສຍຊີວິດ ແລະ ຄົນອື່ນໆ
ໄດ້ຮັບບາດເຈັບຢ່າງໜ້ອຍ 20 ຄົນ, ອີງຕາມຄຳຖະແຫຼງຂອງບັນດາເຈົ້າໜ້າທີ່.
ເຈົ້າໜ້າທີ່ ແລະ ຜູ້ເຫັນເຫດການຫຼາຍຄົນ ໄດ້ກ່າວຕໍ່ບັນດານັກຂ່າວທ້ອງຖິ່ນວ່າ ການ
ໂຈມທີ່ເມືອງ ຈາລາລາບັດ ໃນວັນພຸດມື້ນີ້, ເຊິ່ງເປັນເມືອງຫຼວງຂອງແຂວງ ນັນກາຮາ,
ໄດ້ເລີ່ມຂຶ້ນ ດ້ວຍພວກລະເບີດສະ ຫຼະຊີບ ບີບຄະນວນລະເບີດໃຫ້ແຕກຂຶ້ນ, ເພື່ອເປີດ
ຫົນຫາງ ໃຫ້ຄົນອື່ນໆ ບຸກເຂົ້າໄປ ໃນອາຄານສະຖານີວິທະຍຸ ແລະ ໂທລະພາບແຫ່ງ
ຊາດ ອັຟການິສຖານ, ຫຼື RTA.
ຍັງບໍ່ມີກຸ່ມໃດອອກມາອ້າງເອົາຄວາມຮັບຜິດຊອບໃນທັນທີເທື່ອ.
ກຸ່ມກະບົດໃຫຍ່ ຕາລີບານ ໄດ້ປະຕິເສດການມີສ່ວນຮ່ວມ, ໂດຍກ່າວວ່າ ພວກເຂົາບໍ່ມີ
ສ່ວນກ່ຽວຂ້ອງຫຍັງກັບການໂຈມຕີ.
ພວກຫົວຮຸນແຮງທີ່ເຊື່ອມໂຍງກັບກຸ່ມ ລັດອິສລາມ ກໍໄດ້ປະຕິບັດການໃນແຂວງ ນັນກາ
ຮາ ເຊັ່ນກັນ ແລະ ໄດ້ທຳການໂຈມຕີຢູ່ເປັນປະຈຳຕໍ່ສະຖານທີ່ຕ່າງໆຂອງລັດຖະບານ ພ້ອມກັບກອງກຳລັງອັຟການິສຖານ ແລະ ສະຫະລັດ ທີ່ດຳເນີນການປະຕິບັດການຮ່ວມ
ກັນຢູ່ໃນແຂວງ ເພື່ອກຳຈັດພວກລູກມືຂອງກຸ່ມກໍ່ການຮ້າຍທີ່ມີຖິ່ນຖານໃນປະເທດ ຊີ
ເຣຍ.
