ລິ້ງ ສຳຫລັບເຂົ້າຫາ

ວັນສຸກ, ໒໓ ກຸມພາ ໒໐໒໔

ພວກຕາລີບັນ ຍຶດເມືອງ Kunduz​ ໃນການໂຈມຕີ ຢູ່ ອັຟການິສຖານ


ທະຫານຮັກສາຄວາມປອດໄພ ກວດຍາມ ຖ້າມກາງການຕໍ່ສູ້ທີ່ກຳລັງດຳເນີນຢູ່ ລະຫວ່າງພວກ ຫົວຮຸນແຮງ ຕາລີບັນ ແລະ ທະຫານຮັກສາຄວາມບອດໄພ ອັຟການິສຖານ ໃນເມືອງ Kunduz, ເມືອງຫຼວງຂອງແຂວງ Kunduz ທາງພາກຕາເວັນອອກສຽງເໜືອຂອງ ອັຟການິສຖານ. 28 ກັນຍາ, 2015.
ທະຫານຮັກສາຄວາມປອດໄພ ກວດຍາມ ຖ້າມກາງການຕໍ່ສູ້ທີ່ກຳລັງດຳເນີນຢູ່ ລະຫວ່າງພວກ ຫົວຮຸນແຮງ ຕາລີບັນ ແລະ ທະຫານຮັກສາຄວາມບອດໄພ ອັຟການິສຖານ ໃນເມືອງ Kunduz, ເມືອງຫຼວງຂອງແຂວງ Kunduz ທາງພາກຕາເວັນອອກສຽງເໜືອຂອງ ອັຟການິສຖານ. 28 ກັນຍາ, 2015.

ພວກ​ຫົວ​ຮຸນ​ແຮງ ຕາ​ລີ​ບັນ ກ່າວ​ວ່າ ພວກ​ເຂົາ​ເຈົ້າໄດ້ຍຶດ​ເອົາ ເມືອງ Kunduz​
ທາງພາກເໜືອຂອງອັຟການິສຖານ ຫຼັງຈາກທີ່ໄດ້ວາງແຜນຍຸດທະສາດ ກ່ອນດຳເນີນການໂຈມຕີຈາກຫຼາຍທິດທາງ.

​ແຫຼ່ງຂ່າງ​ທ້ອງ​ຖິ່ນ​ລາຍ​ງານ​ວ່າ ກຸ່ມ​ຫົວ​ຮຸ່ນ​ແຮງ ​ໄດ້​ຍຶດ​ເອົາ​ສຳນັກງານ​ແຂວງ ​ໂຮງພະຍາບານ​ທີ່​ມີ 200 ຕຽງ ​ແລະ​ຕຶກ​ສຳນັກງານ​ອື່ໜມອີກ​ນຳ.

ຕຳຫຼວດ​ກ່າວ​ວ່າ ການ​ປະ​ທະ​ກັນ​ໜັກໜ່ວງ​ໃນ​ເມືອງ Kunduz ​ແຕ່​ບໍ່​ໄດ້ຢືນຢັນ​ວ່າ​ກຸ່ມ
ຕາ​ລີ​ບັນ ໄດ້ຍຶດ​ເອົາ​ຈຸດ​ສຳຄັນໃດໆ​ເທື່ອ.

ໂຄສົກ​ກະຊວງ​ພາຍ​ໃນ ທ່ານ Sedig Sedigi ບອກກັບ VOA ກອງກຳລັງຮັກສາຄວາມ ປອດໄພແຫ່ງຊາດ ໄດ້ສັງຫານກຸ່ມຫົວຮຸນແຮງເກືອບ 25 ຄົນ ແລ້ວ ແຕ່ບໍ່ໄດ້ມີຜູ້ໃດບາດ ເຈັບລົ້ມຕາຍຈາກກອງກຳລັງ ອັຟການິສຖານ. “ພວກຕໍ່ຕ້ານ​ລັດຖະບານ​ໄດ້​ມີ​ສ່ວນ​ຮ່ວມ​ໃນ​ການ​ຕໍ່ສູ້​ທີ່​ດຸ​ເດືອດໃນ​ເມືອງ Kunduz ​ຕັ້ງ​ແຕ່ເດືອນ​ເມສາ​ທີ່​ຜ່ານ ​ເຊິ່ງ​ເມືອງ​ດັ່ງກ່າວ​ຄັ້ງ​ໜຶ່ງ​ເຄີຍ​ເປັນ​ເມືອງ​ທີ່​ງຽບ​ສະຫງົບ.”

ວັນ​ອາທິດ​ວານ​ນີ້​ຢູ່​ພາກ​ຕາ​ເວັນ​ອອກ​ຂອງ ອັ​ຟກາ​ນິສຖານ, ບັນດາ​ເຂົ້າ​ໜ້າ​ທີ່​ໄດ້​ກ່າວ​ວ່າ ພວກ​ຫົວ​ຮຸນ​ແຮງ​ລັດ​ອິສລາມ ຫຼາຍ​ຮ້ອຍ​ຄົນ​ໄດ້​ຕັ້ງ​ການ​ໂຈມ​ຕີ​ພ້ອມ​ກັນ​ໃນ​ຕອນ​ເຊົ້າ​ມືດ​ ​ໃສ່ຄ້າຍ​ທະຫານຮັກສາ​ຄວາມ​ປອດ​ໄພ​ທີ່​ສຳຄັນ​ໃນແຂວງ Nangarhar. ​ແຕ່ທະຫານ
​ອັ​ຟກາ​ນິສຖານ ​ໄດ້ບັງຄັບ​ໃຫ້​ພວກ​ຫົວ​ຮຸນ​ແຮງ​ຕ້ອງ​ຖອຍ​ໂຕ​ອອກ​ໄປ.

ບັນດາ​ເຈົ້າ​ໜ້າ​ທີ່​ໄດ້​ກ່າວ​ວ່າ ມັນ​ເປັນ​ການ​ໂຈມ​ຕີ​ໃຫຍ່​ຄັ້ງ​ທຳ​ອິດ​ໂດ​ຍ ພວກ​ຫົວ​ຮຸນ​ແຮງ ລັດ​ອິ​ດສລາມ ຕໍ່​ທະຫານ​ ອັ​ຟກາ​ນິສຖານ, ​ເຊິ່ງໄດ້​ເກີດ​ຂຶ້ນ​ຫຼັງ​ຈາກ​ຫຼາຍ​ເດືອນ​ຂອງ​ການ ລາຍ​ງານ​ວ່າ ກຸ່ມພວກ​ຫົວ​ຮຸນ​ແຮງໄດ້​ມີ​ກຳລັງ​ທີ່​ແຂງ​ແກ່ນ​ຫຼາຍ​ຂຶ້ນ​ເລື້ອຍ​ໆ​ໃນ ອັຟກາ​ນິສ​ຖານ.

ລາຍ​ງານ​ກ່າວ​ວ່າ ພ​ວກຫົວ​ຮຸນແຮງ 85 ຄົນ ​ແລະ ຕຳຫຼວດ​ ​ອັ​ຟກາ​ນິສຖານ 3 ຄົນ​ໄດ້​ຖືກ​ຂ້າ​ຕາຍ. ​ເຈົ້າ​ຄອງ​ແຂວງ Achin ທ່ານ Haji Ghalib Mujahid ​ໄດ້​ກ່າວ​ຕໍ່​ວີ​ໂອ​ເອ ​ໃນ​ນະຄອນຫຼວງ Islamabad ວ່າ ພວກ​ຫົວ​ຮຸນ​ແຮງ​ທີ່​ຕິດ​ອາວຸດ​ໜັກ​ສ່ວນໃຫຍ່​ແມ່ນ​ຄົນ
ປາ​ກິ​ສຖານ.

​ເຊັ່ນ​ດຽວ​ກັນ ​ໃນ​ວັນ​ອາທິດ​ວານ​ນີ້, ​ມື​ລະ​ເບີດ​ສະຫຼະ​ຊີ​ບຄົນ​ໜຶ່ງ​ໄດ້​ລະ​ເບີດ​ຕົນ​ເອງ​ໃນ​ການ​ແຂ່ງຂັນ​ກິລາ​ຕີ​ບານ ທີ​ແຂວງ Paktika, ໄດ້​ເຮັດ​ໃຫ້​ຢ່າງ​ໜ້ອຍ 9 ຄົນ​ເສຍ​ຊີວິດ ​ແລະ ບາດ​ເຈັບ​ປະມານ 50. ​ແຕ່​ບໍ່​ມີ​ໃຜ​ອອກ​ມາ​ອ້າງຄວາມ​ຮັບຜິດຊອບ.

ກິດຈະກຳ​ທີ່​ເພີ່ມຂຶ້ນ​ໂດຍພວກ​ຫົວ​ຮຸນ​ແຮງ, ​ໂດຍ​ສະ​ເພາະ​ໃນ​ແຂວງ Nangarhar ​ເຊິ່ງ​ເປັນ​ບ່ອນ​ທີ່​ພວກ​ເຂົາ​ໄດ້​ຕໍ່ສູ້​ກັບ​ພວກ ຕາ​ລີ​ບານ, ​ແລະ ​ໄດ້​ສ້າງ​ຄວາມ​ກົດ​ດັນ​ໃສ່​ທະຫານ​ນັກ​ສາ​ຄວາມ​ປອດ​ໄພ ອັ​ຟກາ​ນິສ​ຖານ ​ເພື່ອ​ຄວາມ​ຄຸມ​ພວກ​ຫົວ​ຮຸນ​ແຮງ.

​ແຕ່​ມີ​ຄວາມເປັນ​ຫ່ວງ​ໃນ ອັ​ຟກາ​ນິສຖານ ວ່າ ຄວາມ​ຂັດ​ແຍ້​ງຂອງ​ການ​ເປັນ​ຜູ້ນຳໃນ​ບັນດາ​ພວກ ຕາລີ​ບານ ອາ​ດນຳ​ໄປ​ສູ່​ການ​ແຍກ​ຕົວ​ອອກ​ໄປ​ຫາ​ພວກ ລັດ​ອິ​ສລາມ, ​ເຮັດ​ໃຫ້​ຕຳ​ແໜ່ງຂອງ​ພວກ​ເຂົາແຂງ​ແກ່ນ​ຂຶ້ນ​ກວ່າ​ເກົ່າ​ໃນ ອັຟກາ​ນິສ​ຖານ.

​ເຈົ້າ​ໜ້າ​ທີ່​ອາວຸ​ໂສ ກະຊວງ​ການ​ຕ່າງປະ​ເທດ ​ໄດ້​ກ່າ​ວ່າ​ໃນ​ສັບປະ​ດາ​ທີ່​ຜ່ານ​ມາ​ວ່າ ສະຫະລັດ ກ່າວ​ວ່າ ພວກ​ເຂົາ​ເຈົ້າ​ມີ​ຄວາມ​ເປັນ​ຫ່ວງ​ກ່ຽວ​ກັບ ຄວາມ​ພະຍາຍາມ​ທີ່​ຈະ​ສ້າງ​ເຂດ​ທີ່​ໝັ່ນ​ໃນ ອັ​ຟກາ​ນິສຖານ ຂອງ​ພວກ ລັດ​ອິສລາມ. “ມັນ​ບໍ່​ສາມາດ​ຄາດ​ເດົາ​ໄດ້​ເທື່ອ​ສຳ​ລັບ​ວິທີ​ທີ່​ພວກ​ເຂົາ​ອາດຈະ​ພັດທະນາ​ຂຶ້ນ​ມາ. ​ມັນ​ແມ່ນ​ບາງ​ສິ່ງທີ່ພວກ​ເຮົາກຳລັງ​ເຮັດ​ເອົາ​ຈິງ​ເອົາ​ຈັງນຳ.”

XS
SM
MD
LG