ເຈົ້າໜ້າທີ່ຂອງອີຣັກ ກ່າວວ່າ ກຸ່ມຫົວຮຸນແຮງ ໄດ້ສັງຫານນັກ
ໂທດຢ່າງນ້ອຍ 51 ຄົນ ແລະຕຳຫຼວດອີກ 8 ຄົນ ໃນການໂຈມ
ຕີຂະບວນລົດ ໃນພາກເໜືອຂອງນະຄອນ Baghdad.
ການໂຈມຕີໃນວັນພະຫັດມື້ນີ້ ໄດ້ເກີດຂຶ້ນໃນຂະນະທີ່ຂະບວນ
ລົດກຳລັງລຳລຽງ ພວກນັກໂທດ ຈາກຄ້າຍທະຫານ ໃນເມືອງ
Taji ທີ່ຢູ່ຫ່າງຈາກນະຄອນຫຼວງ ປະມານ 20 ກິໂລແມັດ. ພໍຂະ
ບວນລົດໄດ້ຢຽບລະເບີດແລ້ວນັ້ນ ພວກຫົວຮຸນແຮງ ກໍເລີ້ມທຳ
ການຍິງໂຈມຕີ.
ອີຣັກໄດ້ປະເຊີນກັບຄວາມຮຸນແຮງທີ່ເພີ້ມຂຶ້ນ ໂດຍສະເພາະ
ໃນເຂດພາກເໜືອຂອງປະເທດ ບ່ອນທີ່ພວກຫົວຮຸນແຮງຊຸນນີ່ ໄດ້ຍຶດເອົາພື້ນທີ່ອັນກ້ວາງໃຫຍ່ ເພື່ອສ້າງເປັນລັດອິສລາມ.
ເລຂາທິການໃຫຍ່ຂອງອົງການສະຫະປະຊາຊາດ ທ່ານ Ban Ki-moon ກຳລັງປະເຊີນ ກັບ ໄພຂົ່ມຂູ່ຕໍ່ຄວາມຢູ່ລອດ ແຕ່ປະເທດດັງກ່າວສາມາດເອົາຊະນະໄດ້ ໂດຍການສ້າງ ຕັ້ງລັດຖະບານທີ່ຮວມເອົາທຸກພັກຝ່າຍໃນວົງກວ້າງ.
ທ່ານ Ban ໃຫ້ຄວາມເຫັນດັ່ງກ່າວໃນວັນພະຫັດມື້ນີ້ ຊ້ອງໜ້ານາຍົກລັດຖະມົນຕີອີຣັກ ທ່ານ Nouri al-Maliki ທີ່ນະຄອນຫຼວງ Baghdad.
ບຸກຄົນທັງສອງໄດ້ພົບກັນເພື່ອສົນທະນາຫາລືກ່ຽວກັບວ່າ ຈະແກ້ໄຂວິກິດການ ທີ່ພາໃຫ້ ມີການເພີ້ມທະວີຄວາມຮຸນແຮງຢູ່ໃນອີຣັກໄດ້ແນວໃດ.
ສະມາຊິກສະພາອີຣັກມີກຳນົດທີ່ຈະລົງຄະແນນສຽງໃນວັນພະຫັດມື້ນີ້ ເພື່ອເລືອກເອົາປະ ທານາທິບໍດີຄົນໃໝ່ ໃນຂະນະທີ່ພວກທ່ານສືບຕໍ່ຫາທາງສ້າງຕັ້ງລັດຖະບານຊຸດໃໝ່ຫລັງ ຈາກການເລືອກຕັ້ງໃນເດືອນເມສາຜ່ານມາ.
ລັດຖະບານທີ່ນຳພາໂດຍທ່ານ Maliki ທີ່ນັບຖືສາສະໜາອິສລາມນິກາຍຊີໄອທ໌ນັ້ນໄດ້ ຖືກຕຳໜິຕິຕຽນວ່າ ກີດກັນພວກນິກາຍຊຸນນີ່ແລະຊາວເຄີດທີ່ເປັນຊົນກຸ່ມນ້ອຍ.
