ພວກຫົວຮຸນແຮງທາລິບານກຸ່ມນຶ່ງໄດ້ໂຈມຕີຖານທັບອາກາດ
ໃນພາກຕາເວັນຕົກສຽງເໜືອ ຂອງປາກິສຖານ ໃນຕອນເຊົ້າ
ວັນສຸກມື້ນີ້ ເຮັດໃຫ້ຢ່າງໜ້ອຍ 17 ຄົນ ເສຍຊີວິດ ແລະໄດ້ຮັບ
ບາດເຈັບອີກຫລາຍຄົນ.
ໂຄສົກກອງທັບ ນາຍພົນຕີ Asim Bajwa ກ່າວວ່າ ໜ່ວຍ
ປະຕິບັດງານຕອບໂຕ້ທີ່ວ່ອງໄວຂອງກອງທັບໄດ້ຮັບມືກັບ
ພວກໂຈມຕີທີ່ຖານທັບອາກາດ Badaber ໃກ້ໆກັບເມືອງ
Peshawar ແລະ ໄດ້ສັງຫານ ພວກຫົວຮຸນແຮງ 13 ຄົນ.
ທ່ານກ່າວວ່າ ເຈົ້າໜ້າທີ່ທະຫານຄົນນຶ່ງ ໄດ້ເສຍຊີວິດໃນ
ການຍິງຕໍ່ສູ້ກັນ ໃນຂະນະທີ່ທະຫານ ອີກ 10 ຄົນ ໄດ້ຮັບ
ບາດເຈັບ.
ນາຍພົນ Bajwa ກ່າວວ່າ ພວກຫົວຮຸນແຮງພາກັນນຸ່ງເຄື່ອງແບບ ກຳລັງຮັກສາຄວາມ
ສະຫງົບ ແລະໄດ້ເຂົ້າໄປໃນຖານທັບດັ່ງກ່າວ ໂດຍແບ່ງເປັນສອງກຸ່ມດ້ວຍກັນ.
ກຸ່ມນຶ່ງໄດ້ໂຈມຕີວັດ ບ່ອນທີ່ພວກທະຫານຢູ່ໃນຄ້າຍ ພາກັນສູດມົນ ໃນຕອນເຊົ້າ ທ່ານ
ກ່າວເພີ້ມອີກວ່າ ການໂຈມຕີນີ້ໄດ້ເຮັດໃຫ້ພວກສູດມົນ 16 ຄົນເສຍຊີວິດ.
ຜູ້ບັນຊາການທະຫານປາກິສຖານ ນາຍພົນ Raheel Sharif ໄດ້ເດີນທາງໄປ ຢ້ຽມຄ້າຍ
ດັ່ງກ່າວ ຫລັງຈາກການໂຈມຕີເປັນເວລາສາມຊົ່ວໂມງຍຸດຕິລົງບ່ອນ ທີ່ທ່ານໄດ້ພົບພໍ້ກັບ
ເຈົ້າໜ້າທີ່ຮັກສາຄວາມສະຫງົບ ທີ່ເຂົ້າຮ່ວມໃນການປະຕິບັດ ງານໂຈມຕີຕອບໂຕ້ຄືນ.
ໂຄສົກຄົນນຶ່ງຂອງກຸ່ມທາລິບານທ້າວ Mohammad Khurasani ກ່າວວ່າ ພວກວາງລະເບີດສະຫຼະຊີບຂອງຕົນ ເປັນຜູ້ນຳພາການໂຈມຕີ ຄ້າຍດັ່ງກ່າວນີ້ ໂດຍປິດລ້ອມພວກທະ
ຫານຫລາຍສິບຄົນຢູ່ທີ່ນັ້ນແລະໄດ້ສັງຫານສ່ວນໃຫຍ່ຂອງພວກເຂົາເຈົ້າ. ການກ່າວອ້າງ ຂອງກຸ່ມທາລິບານ ຍັງບໍ່ສາມາດໄດ້ຮັບການຢືນຢັນຢ່າງເປັນອິດສະຫຼະເທື່ອ.
ຕໍ່ມາໂຄສົກຂອງທາລິບານ ໄດ້ອີແມລຮູບພາບວີດີໂອ ມາໃຫ້ວີໂອເອ ທີ່ສະແດງໃຫ້ເຫັນຜູ້
ຊາຍ 16 ຄົນ ກຳລັງພົບພໍ້ກັບຜູ້ກຳກັບເຂົາເຈົ້າ ໂດຍກ່າວວ່າ ເຂົາເຈົ້າເປັນ ຜູ້ວາງລະເບີດ
ສະຫຼະຊີບ ທີ່ໄດ້ເຂົ້າຮ່ວມການໂຈມຕີຢູ່ທີ່ຖານທັບອາກາດ.
ກຸ່ມທາລິບານໃນປາກິສຖານ ໄດ້ທຳການໂຈມຕີຢ່າງນອງເລືອດ ເພື່ອຈະນຳໃຊ້ລະບົບສາ
ສະໜາອິສລາມຂອງພວກເຂົາ ຢູ່ໃນປະເທດດັ່ງກ່າວ ແລະແກ້ແຄ້ນຕໍ່ການໂຈມຂອງພວກ
ທະຫານ ໃສ່ທີ່ໝັ້ນຂອງເຂົາເຈົ້າ ໃນເຂດຊົນເຜົ່າ ທາງພາກຕາເວັນຕົກສຽງເໜືອທີ່ມີຊາຍ
ແດນຕິດກັບອັຟການິສຖານ.
ຊາວປາກິສຖານ ຫລາຍສິບພັນຄົນ ໄດ້ເສຍຊີວິດ ໃນທົດສະວັດທີ່ຜ່ານມາ ໃນການກໍ່ກະ
ບົດດັ່ງກ່າວນີ້.
