ກອງທັບໄນຈີເຣຍ ກ່າວວ່າ ພວກຕົນໄດ້ສັງຫານ ພວກກໍ່ການຮ້າຍ
ມຸສລິມຫົວຮຸນແຮງ Boko Haram 53 ຄົນ ໃນລະຫວ່າງ ທີ່ພວກ
ເຂົາທຳການໂຈມຕີ ຄ້າຍທະຫານແຫ່ງນຶ່ງ ທີ່ເມືອງ Damboa
ທາງພາກຕາເວັນອອກສຽງເໜືອຂອງປະເທດ.
ໂຄສົກກອງທັບກ່າວວ່າ ມີທະຫານ 6 ຄົນເສຍຊີວິດໃນຄັ້ງນີ້.
ຊາວບ້ານໃນທ້ອງຖິ່ນກ່າວວ່າ ພວກກໍ່ການຮ້າຍໄດ້ຈູດເຜົາ
ອາຄານຈຳນວນໜຶ່ງ ລວມທັງຄ້າຍຕຳຫລວດ ໃນການໂຈມຕີເມື່ອ
ຄ່ຳຄືນ ຂອງວັນສຸກທີ່ຜ່ານມາ.
ເມືອງ Damboa ແມ່ນຢູ່ໃນລັດ Borno ແລະໃກ້ກັບໝູ່ບ້ານ Chibok ບ່ອນທີ່ ພວກ Boko Haram ໄດ້ລັກພາຕົວນັກຮຽນຍິງ ຫຼາຍກວ່າ 200 ຄົນໄປ ໃນເດືອນເມສາທີ່ຜ່ານມາ. ພວກເດັກຍິງເຫຼົ່ານັ້ນ ແມ່ນຍັງຖືກຈັບໄວ້ເປັນຕົວປະກັນຢູ່.
ພວກ Boko Haram ໄດ້ສັງຫານ ຫຼາຍພັນຄົນໄປແລ້ວ ໃນການປຸກລະດົມກໍ່ການຮ້າຍ ເພື່ອຫັນປ່ຽນ ພາກເໜືອຂອງໄນຈີເຣຍ ໃຫ້ເປັນລັດອະນຸລັກນິຍົມມຸສລິມ.
