ເຮືອລຳໜຶ່ງເຕັມໄປດ້ວຍອົບພະຍົບ ທີ່ເດີນທາງໄປຈາກລີເບຍ
ແລະມຸ້ງໜ້າສູ່ອີ ຕາລີ ໄດ້ປະສົບອຸບັດເຫດຫລົ້ມ. ບັນດາເຈົ້າ
ໜ້າທີ່ມີຄວາມຢ້ານກົວວ່າ ປະມານ 200 ຄົນໄດ້ເສຍຊີວິດ.
ພວກເຈົ້າໜ້າທີ່ກ່າວວ່າ ໜ່ວຍຍາມຝັ່ງລີເບຍ ໄດ້ຊ່ວຍກູ້ໄພອີກ
200 ຄົນຈາກເຮືອທີ່ຫລົ້ມ ຢູ່ນອກຝັ່ງເມືອງ Zuwara ຂອງລີ
ເບຍ ໃນຕອນແລງວັນພະຫັດວານນີ້.
ບັນດາເຈົ້າໜ້າທີ່ຮັກສາຄວາມປອດໄພ ກ່າວວ່າ ສ່ວນໃຫຍ່
ຂອງອົບພະຍົບທີ່ຢູ່ໃນເຮືອລຳດັ່ງກ່າວ ແມ່ນມາຈາກເຂດໃຕ້
ທະເລຊາຍ ຊາຮາຣາ ໃນອາຟຣິກາ ປາກິສຖານ ຊີເຣຍ
ໂມຣົກໂກ ແລະບັງກລາແດັສ.
ອົບພະຍົບຄົນໜຶ່ງກ່າວຕໍ່ ອົງການຂ່າວຣອຍເຕີ ວ່າເຮືອຢູ່ໃນສະພາບຊຸດໂຊມ ຫລາຍ.
ລາວກ່າວວ່າ ເສັ້ນທາງຈາກລີເບຍ ເຄີຍຮ້ອງວ່າ “ເປັນເສັ້ນທາງແຫ່ງຄວາມຕາຍ” ແຕ່
ບັດນີ້ຮູ້ກັນວ່າ “ເປັນບ່ອນຝັງສົບຂອງທະເລເມດີເຕຣານຽນ.”
ພວກເຈົ້າໜ້າທີ່ກ່າວວ່າ ຢ່າງໜ້ອຍ 2,400 ຄົນໄດ້ເສຍຊີວິດ ທີ່ພະຍາຍາມເດີນ ທາງ
ໄປ ຢູໂຣບໂດຍທາງເຮືອໃນປີນີ້ ຊຶ່ງເປັນຈຳນວນທີ່ສູງກວ່າໄລຍະເວລາດຽວ ກັນ ຂອງ
ປີແລ້ວນີ້.
ອົບພະຍົບຄົນໜຶ່ງກ່າວວ່າ “ພວກເຮົາກຳລັງຍົກຍ້າຍ ແລະແນ່ນອນ ມັນເປັນການຜິດ
ກົດໝາຍ ແມ່ນເປັນທີ່ຮູ້ກັນດີ ແລະເຮືອພວກເຮົາໄດ້ຫລົ້ມຢູ່ໃນທະເລ. ເຮືອລຳນີ້ ຢູ່ໃນ
ສະພາບທີ່ຊຸດໂຊມ ແລະມີຜູ້ຄົນເສຍຊີວິດນຳພວກເຮົາ. ຊາວລີເບຍ ໄດ້ຊ່ວຍກູ້ພວກ
ເຮົາໄວ້ ຂໍໃຫ້ພະເຈົ້າ ຈົ່ງປົກປັກຮັກສາເຂົາເຈົ້າ.”
