ພັກຝ່າຍຄ້ານທີ່ສຳຄັນສຸດຂອງມຽນມາ ຮຽກຣ້ອງໃຫ້ມີ
ການເຈລະຈາຫາລືກັບບັນດາປະເທດຕາເວັນຕົກ ເພື່ອຊັ່ງ
ຊາຕີລາຄາເບິ່ງວ່າການລົງໂທດຂອງນາໆຊາດຕໍ່ລັດຖະ
ບານທີ່ຄວບຄຸມໂດຍພວກທະຫານນັ້ນວ່າສາມາດດັດ
ແປງແກ້ໄຂໄດ້ຫຼືບໍ່ ເພື່ອເຮັດໃຫ້ສະພາບເສດຖະກິດຂອງ
ຜູ້ຄົນທຳມະດາສາມັນທົ່ວໄປດີຂຶ້ນ.
ພັກສັນນິບາດແຫ່ງຊາດເພື່ອປະຊາທິປະໄຕ ທີ່ຢູ່ພາຍໃຕ້
ການນໍາພາຂອງທ່ານນາງອອງຊານຊູຈີ ໄດ້ອອກຖະແຫລງ
ການສະບັບນຶ່ງໃນວັນອັງຄານມື້ນີ້ວ່າ ບໍ່ຄວນຈະຍົກເລີກ
ການລົງໂທດ ຕາບໃດທີ່ຍັງມີພວກນັກໂທດທາງການເມືອງ
ຫຼາຍກວ່າ 2,000 ຄົນ ຖືກຄຸມຄັງຢູ່ໃນຄຸກນັ້ນ.
ແຕ່ວ່າພັກດັ່ງກ່າວໄດ້ຮຽກຮ້ອງໃຫ້ມີການສົນທະນາກັນກັບອົງການສະຫະປະຊາຊາດ,
ສະຫະພາບຢູໂຣບ, ການາດາ ແລະອອສເຕເລຍ ເພື່ອພິຈາລະນາວ່າເມື່ອໃດ, ດ້ວຍວິທີ
ໃດແລະພາຍໃຕ້ສະພາບການແບບໃດ ການລົງໂທດຈຶ່ງ ອາດຈະສາມາດໄດ້ຮັບການ
ດັດແປງແກ້ໄຂເພື່ອເຫັນແກ່ຜົນປະໂຫຍດສຳລັບປະຊາທິປະໄຕ ສິດທິມະນຸດແລະເຮັດ
ໃຫ້ບັນຍາກາດທາງດ້ານເສດຖະກິດມີຄວາມເຂັ້ມແຂງ.
ຖະແຫລງການຍັງຮຽກຮ້ອງໃຫ້ມີການວິໄຈສຶກສາໂດຍພວກນັກຊ່ຽວຊານກ່ຽວກັບຜົນກະ
ທົບຂອງການລົງໂທດ, ໄດ້ມີການອ້າງເອົາຄໍາເວົ້າຂອງຮອງປະທານພັກສັນນິບາດແຫ່ງ
ຊາດເພື່ອປະຊາທິປະໄຕ ທ່ານ Tin Oo ທີ່ກ່າວໃນວັນຈັນ ວານນີ້ວ່າການຄົ້ນຄວ້າສຶກສາ
ຂອງພັກຕົນນັ້ນສະແດງໃຫ້ເຫັນວ່າມາດຕະການ ດັ່ງກ່າວສ່ວນໃຫຍ່ແລ້ວມີຜົນກະທົບແຕ່
ຕໍ່ພວກຜູ້ນໍາຂອງລັດຖະບານ ແລະພວກນັກທຸລະກິດທີ່ເປັນສະມັກພັກພວກທັງຫຼາຍ ບໍ່ແມ່ນພວກສາມັນຊົນທົ່ວໄປ.
