ລິ້ງ ສຳຫລັບເຂົ້າຫາ

ຟອງການປະທ້ວງຖະຫຼົ່ມ ພາກຕາເວັນອອກກາງ


ການປະທ້ວງຕໍ່ຕ້ານລັດຖະບານ ທີ່ປະເທດເຢເມນ (12 ກຸມພາ 2011)

ພວກນັກເຄື່ອນໄຫວຢູ່ອາລຈີເຣຍ ເຢເມນແລະບາຫະເຣນ
ກຳລັງຮຽກຮ້ອງ ໃຫ້ມີການປະທ້ວງຕໍ່ຕ້ານລັດຖະບານຊຶ່ງ
ເປັນເຫດການລ່າສຸດຂອງຄື້ນຟອງການປະທ້ວງຢູ່ໃນພາກ
ຕາເວັນອອກກາງ ທີ່ນຳໄປສູ່ການໂຄ່ນລົ້ມ ຜູ້ນຳໃນອີຈິບ
ແລະຕູນີເຊຍ.

ໃນວັນເສົາມື້ນີ້ ພວກເດີນຂະບວນໄດ້ໂຮມຊຸມນຸມປະທ້ວງ
ຕໍ່ຕ້ານລັດຖະບານທີ່ນະຄອນຫຼວງອາລເຈຍຂອງອາຈີເຣຍ
ບ່ອນທີ່ຕຳຫຼວດຫຼາຍພັນຄົນ ພວມທຳການລາດຕະເວນຢູ່
ຕາມຖະໜົນຫົນທາງ. ລັດຖະບານອາລຈີເຣຍ ປະກາດວ່າ
ໃນໄວໆນີ້ຕົນຈະຍົກເລີກພາວະສຸກເສີນ ທີ່ປະກາດໃຊ້ມາໄດ້ 19 ປີແລ້ວນັ້ນໃນການຈັດຕັ້ງ ປະຕິບັດເພື່ອຕໍ່ຕ້ານຂັດຂວາງການກໍ່ກະບົດຂອງພວກມຸສລິມຫົວຮຸນແຮງທີ່ເພີ່ມທະວີຂຶ້ນ.

ສ່ວນການປະທ້ວງຕໍ່ຕ້ານລັດຖະບານຢູ່ທີ່ນະຄອນຫຼວງ Sanaa ຂອງເຢເມນນັ້ນໄດ້ເລີ້ມມາ
ແຕ່ຄືນວັນສຸກ ແລະຍັງສືບຕໍ່ໃນວັນເສົາມື້ນີ້.

ພວກນັກເຄື່ອນໄຫວທີ່ບາຫະເຣນກໍຮຽກຮ້ອງໃຫ້ມີການປະທ້ວງເລີ້ມແຕ່ມື້ວັນຈັນຈະມາ. ໃນ
ການດຳເນີນຄວາມພະຍາຍາມເພື່ອສະໜອງຕອບຕໍ່ຄຳຮຽກຮ້ອງຂອງພວກປະທ້ວງນັ້ນ ກະ
ສັດຂອງບາຫະເຣນຊົງປະກາດໃນມື້ວັນສຸກວານນີ້ວ່າ ທຸກໆຄອບຄົວຢູ່ໃນລາຊະອານາຈັກທີ່ ອຸດົມສົມບູນໄປດ້ວຍນໍ້າມັນດັ່ງກ່າວຈະໄດ້ຮັບເງິນສົດຄອບຄົວລະ 1,000 ໂດລາ ເພື່ອເປັນ ຮ່ອງຮອຍໃນການສະແດງອອກເຖິງຄວາມກະຕັນຍູຮູ້ບຸນຂອງກະສັດຕໍ່ປະຊາຊົນຊາວບາຫະ
ເຣນ.

XS
SM
MD
LG