ສັນນິບາດຊາດອາຣັບ ໄດ້ໃຫ້ການສະໜັບສະໜຸນ ແກ່ການຮືຟື້ນການເຈລະຈາສັນຕິພາບກັນທາງອ້ອມ ຄືນໃໝ່ ລະຫວ່າງອີສຣາແອນແລະຝ່າຍ
ປາເລສໄຕນັ້ນ ຊຶ່ງພາໃຫ້ເກີດຄວາມຫວັງວ່າ ຈະມີການຮື້ຟື້ນການດຳເນີນຂັ້ນຕອນສ້າງສັນຕິພາບໃນພາກຕາເວັນອອກກາງ ທ່ີຕົກຢູ່ໃນສະພາບ
ບໍ່ໄປບໍ່ມານັ້ນ ຄືນມາອີກ. ການຕັດສິນໃຈດັ່ງກ່າວ ໄດ້ປະກາດໃຫ້ຮູ້ໃນວັນເສົາວານນີ້ ຫລັງຈາກການພົບປະກັນຂອງບັນດາລັດຖະມຸນ ຕີຕ່າງ
ປະເທດ ຈາກພວກປະເທດສະມາຊິກຂັ້ນສູງຂອງສັນນິບາດຊາດອາຣັບ ທ່ີປະຊຸມກັນຢູ່ Cairo ນະຄອນຫລວງຂອງເອຈິບນັ້ນ ຊຶ່ງການສະໜັບ
ສະໜຸນທ່ີວ່ານີ້ ມີຂຶ້ນຫລັງຈາກທ່ານນາງຮີນລາຣີ ຄລິນຕັນ ລັດຖະມຸນຕີການຕ່າງປະເທດສະຫະລັດ ໄດ້ປະກາດໃຫ້ຮູ້ວ່າ ການເຈລະຈາກັນທາງ
ອ້ອມຈະມີ້ຂຶ້ນ ພາຍໃນອີກບໍ່ເທົ່າໃດມື້ຂ້າງໜ້ານີ້.
ສະຫະລັດໄດ້ຮຽກຮ້ອງໄປຍັງພວກປະເທດອາຣັບທັງຫລາຍ ໃຫ້ຊ່ອຍຊຸກຍູ້ການເຈລະຈາສັນຕິພາບລະຫວ່າງອີສຣາແອນແລະປາເລສໄຕນີ້ ໂດຍ
ກ່າວວ່າ ຊາວປາເລສໄຕຈະຕ້ອງມີປະເທດຂອງເຂົາເຈົ້າເອງ.
ວັນເສົາ, ໒໑ ທັນວາ ໒໐໒໔
