ສະຕີີໝາຍເລກນຶ່ງຂອງສະຫະລັດ ທ່ານນາງ Michelle Obama ເດີນທາງໄປຢ້ຽມຢາມສູນພວກຜູ້ນຳແມ່ຍິງ ທີ່ປະເທດ Liberia ໃນວັນຈັນວານນີ້ ອັນເປັນ ພາກສ່ວນນຶ່ງໃນການດຳເນີນຄວາມພະຍາຍາມ ເພື່ອຊຸກຍູ້ການສຶກສາສຳລັບພວກແມ່ຍິງໃນອາຟຣິກາ.
ທ່ານນາງ Obama ໄດ້ພົບປະກັບພວກຍິງສາວ ທີ່ໂຄງການຂອງອົງການອາ ສາສະໝັກເພື່ອສັນຕິພາບ ທີ່ເມືອງ Kakata ລຸນຫລັງໄດ້ຮັບການຕ້ອນຮັບເປັນ ຢ່າງດີພິເສດ ທີ່ນະຄອນຫຼວງຂອງ Liberia ຮວມທັງການຟ້ອນແບບພື້ນເມືອງ.
ໃນຕອນເຊົ້າມື້ວານນີ້ ທ່ານນາງໄດ້ພົບປະກັບປະທານາທິບໍດີ Liberia ທ່ານນາງ Ellen Johnson ແມ່ຍິງຄົນທຳອິດທີ່ໄດ້ຖືກເລືອກເປັນປະມຸກຂອງປະ ເທດໃນອາຟຣິກາ.
ສະຕີໝາຍເລກນຶ່ງຂອງສະຫະລັດ ໄດ້ເດີນທາງໄປຢ້ຽມຢາມພ້ອມດ້ວຍລູກສາວ ນາງ Malia ອາຍຸ 18 ປີ ທີ່ໄດ້ຮຽນຈົບມັດທະຍົມໃນປີນີ້ ແລະນາງ Sasha ອາຍຸ 15 ປີ ພ້ອມດ້ວຍແມ່ເຖົ້າຂອງພວກເດັນທັງສອງ ຄືຍານາງ Marian Robinson.
ການເດີນທາງຢ້ຽມຢາມເປັນເວລາ 6 ມື້ແມ່ນຮວມທັງການຢຸດແວ່ທີ່ Morocco ແລະສະເປນ ແລະຈະກ່າວຢ້ຳເຖິງການໃຫ້ໂອກາດແກ່ພວກເດັກຍິງໄດ້ຮຽນ ຊຶ່ງເປັນນຶ່ງໃນຂໍ້ລິເລີ້ມຂອງທ່ານນາງ Obama ນັ້ນ.
