ອະດີດສະຕີໝາຍເລກນຶ່ງສະຫະລັດ ທ່ານນາງ Michelle Obama ໄດ້ຕິຕຽນຄໍາສັ່ງ ໃໝ່ຂອງລັດຖະບານທ່ານທຣໍາ ກ່ຽວກັບອາຫານທ່ຽງຢູ່ໂຮງຮຽນ ໃນໄລຍະທີ່ທ່ານນາງ
ໄດ້ປະກົດໂຕຕໍ່ປວງຊົນທີ່ສຳຄັນຄັ້ງທໍາອິດ ນັບແຕ່ໄດ້ອອກຈາກທຳນຽບຂາວໄປ.
ທ່ານນາງ Obama ທີ່ໄດ້ນຳພາຄວາມພະຍາຍາມຫລຸດຜ່ອນຄວາມອ້ວນພີຂອງເດັກ
ນ້ອຍ ທົ່ວປະເທດໃນຂະນະທີ່ທ່ານນາງເປັນສະຕີໝາຍເລກນຶ່ງ ໄດ້ກ່າວຢູ່ໃນກອງ
ປະຊຸມສຸຂະພາບປະຈຳປີ ໃນນະຄອນຫລວງວໍຊິງຕັນ ໃນວັນສຸກວານນີ້ວ່າ ອາຫານ
ທ່ຽງໃນໂຮງຮຽນທີ່ມີທາດບໍາລຸງຫລາຍຂື້ນ ແມ່ນມີຄວາມສຳຄັນ ເພາະວ່າ ເດັກນ້ອຍ
ຫລາຍລ້ານຄົນໄດ້ຮັບການຊ່ວຍເຫລືອໃນການຈ່າຍຄ່າເຂົ້າທ່ຽງຈາກລັດຖະບານກາງ.
ລັດຖະບານທ່ານທຣໍາ ກ່າວຫວ່າງມໍ່ໆມານີ້ວ່າ ຈະເຮັດໃຫ້ການປະຕິບັດກົດລະບຽບ
ລັດຖະບານກາງ ທີ່ສົ່ງເສີມໂດຍທ່ານນາງ Obama ທີ່ແນໃສ່ພະຍາຍາມເຮັດໃຫ້ອາ
ຫານທ່ຽງຂອງໂຮງຮຽນທາດບໍາລຸງຕໍ່ສຸຂະພາບຫລາຍຂຶ້ນນັ້ນ.
ໂດຍບໍ່ໄດ້ກ່າວຊື່ລັດຖະບານທ່ານທຣໍາຢ່າງເຈາະຈົງ ທ່ານນາງ Obama ໄດ້ຊຸກຍູ້
ໃຫ້ບັນດາພໍ່ແມ່ທັງຫລາຍຄິດກ່ຽວກັບ ຄໍາສັ່ງໃໝ່ຂອງລັດຖະບານ ແລະເຫດຜົນຢູ່
ເບື້ອງຫລັງ ຂອງມັນ.
ທ່ານນາງໄດ້ກ່າວຢູ່ໃນລະຫວ່າງການກ່າວຄຳປາໄສທີ່ສຳຄັນວ່າ “ຂ້າພະເຈົ້າບໍ່ສົນ
ວ່າ ທ່ານຈະຢູ່ໃນລັດໃດ ບໍ່ຕ້ອງເອົາຂ້າພະເຈົ້າມາຂ້ອງກ່ຽວກັບເລື່ອງນີ້ ຈະມັກຂ້າ
ພະເຈົ້າ ຫລືບໍ່ມັກຂ້າພະເຈົ້າກໍຕາມ ແຕ່ຂໍໃຫ້ບັນດາທ່ານຄິດເບິ່ງວ່າເປັນຫຍັງມີບາງ
ຄົນຄົນເຫັນວ່າ ການທີ່ລູກຂອງທ່ານທີ່ກິນອາຫານບໍ່ດີ ກໍ່ບໍ່ເປັນຫຍັງ. ເປັນຫຍັງທ່ານ
ຈຶ່ງຈະໄປປຶ້ມຕິຍິນດີກັບຄວາມຄິດແບບນັ້ນ?
ທ່ານນາງກ່າວວ່າ ການກິນອາຫານທ່ຽງທີ່ມີສຸຂະພາບດີຢູ່ໂຮງຮຽນ ບໍ່ສົມຄວນທີ່ຈະ
ເອົາມາເປັນບັນຫາການເມືອງເລີຍ.
