ສະໄລດ໌ຮູບຂອງ Michael Phelps ຮັບລາງວັນນັກລອຍນໍ້າດີເດັ່ນໃນວັນທີ 4 ສິງຫາ, 2012
Michael Phelps ນັກກິລາລອຍນໍ້າທີ່ເກັ່ງທີ່ສຸດ ໃນປະຫວັດສາດຂອງໂອລິມປິກໄດ້
ສີ້ນສຸດອາຊີບລອຍນໍ້າຂອງຕົນ ດ້ວຍການຄວ້າເອົາຫລຽນຄໍາອີກຫລຽນນຶ່ງ ໃນຂະນະທີ່
ພວກນັກກິລາອັງກິດ ໄດ້ກ້າວຂຶ້ນຍາດເອົາຫລຽນຄໍາໄດ້ 3 ຫລຽນ ໃນກິລາແລ່ນ ແລະ
ລານ ໃນໄລຍະເວລາພາຍໃນນຶ່ງຊົ່ວໂມງ.
ນາຍ Phelps ໄດ້ລອຍທ່າ butterfly ຫລືແມງກະເບື້ອທີ່ເປັນເອກະລັກຂອງຕົນ ເພື່ອ
ຊ່ວຍທິມສະຫະລັດ ໃຫ້ໄດ້ຮັບໄຊຊະນະໃນການລອຍປ່ຽນຜຽນກັນ 4 ຄົນ ໄລຍະ
100 ແມັດ ຫລື 4X100 ໃນທ່າຕ່າງໆປົນກັນ ຊຶ່ງເປັນການແຂ່ງຂັນອັນສຸດທ້າຍຂອງ
ລາວ ໃນການຄອງຕໍາແໜ່ງຜູ້ຊະນະເລີດຜູ້ດຽວໃນກິລາໂອລິມປິກມາຕະຫລອດນຶ່ງ
ທົດສະວັດ ນັ້ນ ໂດຍໄດ້ຮັບ 18 ຫລຽນຄໍາ 2 ຫລຽນເງິນ ແລະ 2 ຫລຽນທອງແດງ ລວມເປັນ 22 ຫລຽນ ທັງໝົດ.
ເບິ່ງວີດິໂອກ່ຽວກັບການສັນນິຖານກ່ຽວກັບນັກລອຍນໍ້າເກັ່ງເຊັ່ນ Michael Phelps
ຕໍ່ມາໃນເວລາບໍ່ພໍເທົ່າໃດຊົ່ວໂມງ ນັກແລ່ນອັງກິດ Mo Farah ກໍໄດ້ຊະນະການແຂ່ງແລ່ນ
ໄກ ໄລຍະ 10 ພັນແມັດ ແຊງໜ້າຄູ່ຮ່ວມຝຶກ ຊາວອາເມຣິກັນ Galen Rupp ທີ່ໄດ້ທີ 2 ແລະ Tariku Bekele ຈາກອີທີໂອເປຍ ທີ່ໄດ້ທີສາມ.
ກ່ອນໜ້ານັ້ນ ຜູ້ຊົມທີ່ສະໜາມກິລາແລ່ນແລະລານອັນໜາແໜ້ນ ໄດ້ພາກັນຮ້ອງໂຮຂຶ້ນ
ດ້ວຍຄວາມ ຕື່ນເຕ້ນດີໃຈ ຂະນະທີ່ນາງ Jessica Ennis ຈາກທີມເຈົ້າພາບ ຫລືອັງກິດ ໄດ້ສະຫລຸບການແຂ່ງຂັນແລ່ນ ແລະລານແບບປະສົມ 7 ຢ່າງ ຫລື heptathlon ໂດຍ
ຄ້ວາເອົາໄຊຊະນະມາໄດ້ ໃນການແລ່ນ 800 ແມັດ. ຫລຽນທີ່ໄດ້ມາຕື່ມໃນມື້ວານນີ້ ເຮັດ
ໃຫ້ອັງກິດກ້າວຂຶ້ນມາເປັນອັນດັບ 3 ໃນຈໍານວນຫລຽນທັງໝົດ ຄືໄດ້ໄປ 29 ຫລຽນ ໃນ
ຕອນທີ່ອ່ານຂ່າວຢູ່ນີ້ ນໍາຫລັງສະຫະລັດ ທີ່ໄດ້ 54 ຫລຽນ ແລະຈີນ 53 ຫລຽນ.
ທ້າວ Oscar Pistorius ຈາກອາຟຣິກາໃຕ້ ກໍໄດ້ສ້າງປະຫວັດສາດໃຫ້ແກ່ກິລາໂອລິມປິກ
ເຊັ່ນກັນໃນວັນເສົາວານນີ້ ໂດຍໄດ້ເປັນນັກກິລາແລ່ນຂາກຸດທັງສອງເບື້ອງ ທີ່ໄດ້ເຂົ້າແຂ່ງກິ
ລາໂອລິມປິກ.
ທ້າວ Pistorius ທີ່ໃສ່ຂາທຽມພິເສດ ຢູ່ທັງສອງຂາ ໄດ້ເປັນທີສອງໃນການແຂ່ງຂັນຮອບຄັດ
ເລືອກຂອງການແຂ່ງແລ່ນ 400 ແມັດຊາຍ ຊຶ່ງອໍານວຍໃຫ້ຜູ້ກ່ຽວໄດ້ເຂົ້າແຂ່ງໃນຮອບກ່ອນຊິງ ຊະນະເລີດ ຫລື semifinal.
ນອກນັ້ນ ນາງ Shelly-Ann Fraser-Pryce ຈາກປະເທດເກາະ Jamaica ກໍສາມາດຮັກ
ສາຕໍາແໜ່ງແຊ້ມໂອລິມປິກຂອງລາວໄວ້ໄດ້ ໂດຍການຄວ້າເອົາຫລຽນຄໍາ ໃນການແຂ່ງແລ່ນ
ໄລຍະ 100 ແມັດຍິງ ໂດຍທໍາເວລາໄດ້ 10.7 ວິນາທີ ແລະເອົາຊະນະນັກ ແລ່ນຈາກອາເມ
ຣິກາ ນາງ Carmelita Jeter ຊຶ່ງໄດ້ແລ່ນຂ້າມ ເສັ້ນໄຊໃນເວລາ 10.78 ວິນາທີ. ສ່ວນ
Veronica Campbell-Brown, ນັກກິລາອີກຜູ້ນຶ່ງ ຈາກ Jamaica ໄດ້ຍາດເອົາຫລຽນ
ທອງແດງໄປ ໂດຍທໍາເວລາໄດ້ 10.81 ວິນາທີ.
ໃນຂະນະດຽວກັນ ນັກກິລາລອຍນໍ້າຈາກຈີນ ທ້າວ Sun Yang ກໍໄດ້ທໍາລາຍສະຖິຕິ ຂອງ
ຜູ້ກ່ຽວເອງ ໃນການລອຍແບບຕາມໃຈໄລຍະ 1,500 ແມັດ ຫລັງຈາກຍາດຫລຽນຄໍາມາ
ໄດ້ ໃນການແຂ່ງລອຍ ໄລຍະ 400 ແມັດ.
ສະຖິຕິການຄວ້າເອົາຫລຽນຕ່າງໆ ຂອງປະເທດເຂົ້າຮ່ວມກິລາໂອລິມປິກ
