ການຕິດຕັ້ງສາຍດ່ວນ ຫລື hotline ໂດຍຄະນະລັດຖະບານຂອງປະທານາທິບໍດີທຣໍາ
ເພື່ອໃຫ້ປະຊາຊົນສາມາດລາຍງານການກໍ່ອາດຊະຍາກໍາໂດຍພວກເຂົ້າເມືອງທີ່ຜິດ
ກົດໝາຍໄດ້ຖືກຕິຕຽນຮ້ອງໂຮຈາກພວກປະທ້ວງ ແລະຂີ້ດື້ຫົວແຂັງ.
ສາຍດ່ວນ ຫລື hotline ທີ່ມີຊື່ວ່າ ຫ້ອງການພົວພັນຜູ້ເຄາະຮ້າຍຈາກການກໍ່ອາດຊະຍາ
ກໍາທາງດ້ານການເຂົ້າເມືອງ ຫລື VOICE ໄດ້ເລີ້ມເປີດນໍາໃຊ້ໃນວັນພຸດຜ່ານມານີ້ ໂດຍ
”ຫ້ອງການປະຕິບັດກົດລະບຽບດ້ານຄົນເຂົ້າເມືອງ ແລະພາສີຂອງສະຫະລັດອາເມຣິກາ
ຫລື ICE.
ພວກຕໍາໜິວິຈານການຕິດຕັ້ງສາຍດ່ວນນີ້ ໄດ້ໃຊ້ສັງຄົມອອນລາຍ ເພື່ອເຮັດເຍາະເຍີ້ຍ
ແລະ ບອກໃຫ້ຄົນໂທໄປຫາ hotline ເພື່ອລາຍງານກ່ຽວກັບມະນຸດຕ່າງດາວທີ່ມາຈາກ
ອາວະກາດ.
ທ້າວ Alex McCoy ຜູ້ຕໍາໜິວິຈານລະບົບດັ່ງກ່າວ ແມ່ນຜູ້ນຶ່ງທີ່ບອກໃຫ້ຄົນໂທໄປກວນ.
ລາວກ່າວຕໍ່ສໍານັກຂ່າວ NBC News ວ່າ "ຂ້ອຍຄິດວ່າອັນນີ້ເປັນໂອກາດນຶ່ງ ທີ່ຈະຕ້ານ
ວິທີການທີ່ທຣໍາໃຊ້ເພື່ອເຮັດໃຫ້ຊຸມຊົນ ຄົນເຂົ້າ ເມືອງເກີດຄວາມຢ້ານກົວ. ຄວາມຄິດນີ້
ກໍເລີ້ມຂຶ້ນອີ່ຫລີ," ລາວເວົ້າຕື່ມວ່າ ລາວຫວັງວ່າ ຄວາມພະຍາຍາມຂອງລາວຈະນໍາໄປສູ່
ການປິດລົງຂອງລະບົບສາຍດ່ວນນີ້.
ອີງຕາມສໍານັກຂ່າວສານ Fox News ການໂທໄປຫລິ້ນເພື່ອລົບກວນ ເຮັດໃຫ້ສາຍຕິດ
ສໍາລັບພວກທີ່ຢາກໂທໄປລາຍງານກ່ຽວກັບອາດຂະຍາກໍາ.ເຈົ້າໜ້າທີ່ຂອງຫ້ອງການ
ICE official ກ່າວຕໍ່ສໍານັກຂ່າວ Fox News ວ່າ
"ທ່ານ John Kelly ລັດຖະມົນຕີກະຊວງຮັກສາຄວາມປອດໄພພາຍໃນຂອງສະຫະລັດ
ໄດ້ ເວົ້າແຈ້ງໃນວັນພຸດຜ່ານມາແລ້ວວ່າ ລະບົບໂທລະສັບນີ້ ແມ່ນໃຊ້ເພື່ອໃຫ້ຜູ້ໄດ້ຮັບ
ເຄາະຮ້າຍ ຂໍເອົາຂໍ້ມູນ ແລະການຊ່ວຍເຫລືອຕ່າງໆ.
