ເຈົ້າໜ້າທີ່ສືບສວນຂອງອອສເຕຣເລຍແລະມາເລເຊຍ ມີຄວາມກະຕືລືລົ້ນທີ່ຈະໄດ້ກວດສອບເບິ່ງໃນອັນທີ່ອາດຈະເປັນສ່ວນນຶ່ງຂອງຊາກເຮືອບິນໂດຍສານມາ ເລເຊຍຖ້ຽວບິນ MH370 ທີ່ໄດ້ຫາຍສາບສູນໄປໃນລະຫວ່າງເດີນທາງແຕ່ນະ ຄອນກົວລາລຳເປີໄປຫາ ປັກກິ່ງເມື່ອສອງປີກ່ອນ.
ເຮືອບິນໂດຍສານລຳນີ້ ບັນທຸກຜູ້ໂດຍສານແລະຈຸບິນ 239 ຄົນ ເວລາຫາຍສາບສູນໄປ ໃນເດືອນມີນາປີ 2014.
ຊາກທີ່ອາດເປັນຂອງເຮືອບິນລຳດັ່ງກ່າວ ໄດ້ຖືກນ້ຳທະເລພັດຂຶ້ນຝັ່ງເມື່ອໄວໆມານີ້ ທີ່ປະ ເທດມາດາກາສກ້າ ແລະເກາະດອນນຶ່ງທີ່ຢູ່ພາກໃຕ້ຂອງອອສເຕຣເລຍ.
ທີ່ມາດາກາສກ້າ ສ່ວນນຶ່ງຂອງບ່ອນນັ່ງແລະແຜ່ນປົກຂອງປີກເຮືອບິນໄດ້ມີການພົບເຫັນ.
ຂະນະດຽວກັນ ຊິ້ນສ່ວນອີກອັນນຶ່ງຂອງເຮືອບິນກໍໄດ້ມີການພົບເຫັນທີ່ເກາະ Kangaroo ຂອງອອສເຕຣເລຍທີ່ມີຄຳເວົ້າທີ່ຂຽນວ່າ ຫ້າມຢຽບ ຢູ່ໃນນັ້ນ.
ພວກເຈົ້າໜ້າທີ່ເຊື່ອວ່າ ຖ້ຽວບິນ MH370 ໄດ້ປະສົບອຸບັດເຫດຕົກລົງໃສ່ທະເລ ແຕ່ບໍ່ສາ ມາດພົບເຫັນຊາກຂອງເຮືອບິນດັ່ງກ່າວຢູ່ພື້ນທະເລ.
