ລິ້ງ ສຳຫລັບເຂົ້າຫາ

ຄວາມຮຸນແຮງໃນເມັກຊິໂກ

  • ໄພສານ ວໍຣະຈັກ

ເຈົ້າໜ້າທີ່ເມັກຊິໂກ ກ່າວວ່າ ໄດ້ມີການພົບເຫັນ ສົບຄົນຕາຍ ຢ່າງນ້ອຍ 14 ສົບ ທີ່ເມືອງ Acapulco ບ່ອນຕາກອາກາດ ແຄມຝັ່ງມະຫາສະມຸດປາຊີຟິກ ຂອງເມັກຊິໂກ.

ເຈົ້າໜ້າທີ່ກ່າວວ່າພວກເຄາະຮ້າຍ ທີ່ຖືກມັດແລະປິດຕາ ຫລາຍໆຄົນ ໄດ້ມີຈົດໝາຍ ຝາກຂໍ້ຄວາມ ຈາກກຸ່ມຄ້າຢາເສບຕິດ ປະໄວ້ໃກ້ໆສົບ ຂອງພວກເຂົາເຈົ້າ ໃນມື້ວັນສຸກ ວານນີ້.

ສ່ວນໃນເຂດອື່ນໆ ຂອງເມັກຊິໂກນັ້ນ ມີລະເບີດທີ່ຫ້າງໃສ່ລົດ 2 ຄັນ ໄດ້ແຕກຂຶ້ນ ຢູ່ທີ່ ແຂວງ Tamaulipas ໃນພາກເໜືອ ຂອງປະເທດ ບ່ອນທີ່ເຈົ້າໜ້າທີ່ ກຳລັງສືບສວນ ກ່ຽວກັບການສັງຫານໝູ່ ພວກຄົນເຂົ້າເມືອງ 72 ຄົນນັ້ນ.

ລະເບີດລູກນຶ່ງ ໄດ້ແຕກຂຶ້ນຢູ່ນອກ ສະຖານີໂທລະພາບ ທີ່ເຮັດໃຫ້ ລາຍການອອກອາກາດ ຢຸດຊະງັກໄປ ຊົ່ວໄລຍະນຶ່ງ ໃນມື້ວານນີ້ ແຕ່ບໍ່ມີລາຍງານວ່າ ມີຜູ້ໃດໄດ້ຮັບບາດເຈັບ. ເຈົ້າ ໜ້າທີ່ເວົ້າວ່າ ລະເບີດລູກທີ 2 ແຕກຂຶ້ນຢູ່ຕໍ່ໜ້າຫ້ອງການ ຕຳຫຼວດຈະລາຈອນ.

ເຫດລະເບີດທັງສອງ ເກີດຂຶ້ນ 3 ມື້ ຫຼັງຈາກໄດ້ມີການພົບເຫັນສົບ ຂອງພວກຄົນເຂົ້າເມືອງ ທີ່ເຊື່ອວ່າ ມາຈາກອະເມຣິກາກາງ ແລະອະເມຣິກາໃຕ້ ຊຶ່ງໄດ້ມີການຄົ້ນ ທີ່ໄດ້ພົບເຫັນ ຢູ່ ຟາຣ໌ມແຫ່ງນຶ່ງ ໃນລັດດັ່ງກ່າວ

XS
SM
MD
LG