ລິ້ງ ສຳຫລັບເຂົ້າຫາ

ຜູ້ປົກຄອງລັດ ຂອງ ເມັກຊິໂກ ລາອອກ ຫຼັງຈາກ ນັກສຶກສາ ຫາຍສາບສູນ


ທ່ານ Angel Aguirre ຜູ້ປົກຄອງລັດ Guerrero ປະກາດລາອອກ ໃນກອງປະຊຸມ ຖະແຫຼງຂ່າວ ທີ່ເມືອງ Chilpancingo (23 ຕຸລາ 2014)

ຜູ້ປົກຄອງ ລັດ Guerrero ຂອງເມັກຊິໂກ ໄດ້ລາອອກຈາກຕຳ
ແໜ່ງ ໃນວັນພະຫັດວານນີ້ ເກືອບນຶ່ງເດືອນ ຫຼັງຈາກການຫາຍ
ສາບສູນຂອງນັກສຶກສາ 43 ຄົນທີ່ຍັງແກ້ໄຂບໍ່ໄດ້ຊຶ່ງມີສ່ວນພົວ
ພັນ ກັບພວກນັກການເມືອງ ຕຳຫຼວດ ແລະກຸ່ມຄ້າຢາເສບຕິດ.

ທ່ານ Angel Aguirre Rivero ກ່າວຕໍ່ສື່ສັງຄົມວ່າ ທ່ານມີຄວາມ
ເຊື່ອໝັ້ນວ່າທ່ານໄດ້ທຳການຕັດສິນໃຈແບບມີຄວາມຮັບຜິດຊອບ ໃນການລາອອກດັ່ງກ່າວ. ທ່ານກ່າວຕື່ມວ່າສະພາຂົງເຂດຈະເປັນ
ຜູ້ເລືອກເອົາຜູ້ທີ່ຈະເຂົ້າມາຮັບຕຳແໜ່ງ ແທນທ່ານ.

ພວກນັກສຶກສາ ຈາກໂຮງຮຽນເຝິກອົບຮົມຄູ ໃນເຂດຊົນນະບົດ
ແຫ່ງນຶ່ງໄດ້ຫາຍສາບສູນໄປ ຫຼັງຈາກໄດ້ມີການປະເຊີນໜ້າກັບຕຳຫຼວດ ທີ່ເມືອງ Iguala ເມື່ອວັນທີ 26 ກັນຍາຜ່ານມາ. ເຫດການ ທີ່ພາໃຫ້ເກີດຄວາມຮຸນແຮງນັ້ນ ແມ່ນຍັງບໍ່ທັນ ເປັນທີ່ຈະແຈ້ງເທື່ອ. ແຕ່ແນວໃດກໍຕາມ ມີ 6 ຄົນໄດ້ເສຍຊີວິດຄາທີ່ ແລະ ອີກຫລາຍສິບ ຄົນໄດ້ຮັບບາດເຈັບ ຫຼັງຈາກຕຳຫຼວດແລະກຳລັງປະກອບອາວຸດພົນລະເຮືອນໄດ້ຍິງປືນ ເຂົ້າໃສ່ລົດໂຮງຮຽນ 3 ຄັນ ທີ່ເຕັມໄປດ້ວຍພວກນັກສຶກສາ.

ເຈົ້າໜ້າທີ່ ໄດ້ສັ່ງໃຫ້ຈັບ ເຈົ້າເມືອງ Iguala ພັນລະຍາ ແລະຜູ້ຊ່ອຍເຈົ້າເມືອງ ໂດຍກ່າວ ຫາບຸກຄົນທັງ 3 ວ່າ ເປັນຜູ້ບົງການຢູ່ເບື້ອງຫຼັງ ການໂຈມຕີໃນຄັ້ງນີ້. ຕຳຫລວດທ້ອງຖິ່ນ ຫຼາຍສິບຄົນແລະສະມາຊິກຂອງກຸ່ມຄ້າຢາເສບຕິດ Guerreros Unidos ໄດ້ຖືກຈັບກຸມ ຍ້ອນພົວພັນໃນຄະດີນີ້.

XS
SM
MD
LG