ລິ້ງ ສຳຫລັບເຂົ້າຫາ

ວັນຈັນ, ໒໒ ກໍລະກົດ ໒໐໒໔

ຢ່າງໜ້ອຍ 61 ຄົນ ເສຍຊີວິດ ຍ້ອນ ແຜ່ນດິນໄຫວ ຢູ່ ເມັກຊິໂກ


ຕຶກອາຄານ ທີ່ໄດ້ຮັບຄວາມເສຍຫາຍ ຍ້ອນແຜ່ນດິນໄຫວ ທີ່ເຂດແຄມຝັ່ງມະຫາສະໝຸດປາຊີຟິກ ໃນພາກໃຕ້ ຂອງປະເທດເມັກຊິໂກ ໃນແລງວັນພະຫັດ ຜ່ານມາ.
ຕຶກອາຄານ ທີ່ໄດ້ຮັບຄວາມເສຍຫາຍ ຍ້ອນແຜ່ນດິນໄຫວ ທີ່ເຂດແຄມຝັ່ງມະຫາສະໝຸດປາຊີຟິກ ໃນພາກໃຕ້ ຂອງປະເທດເມັກຊິໂກ ໃນແລງວັນພະຫັດ ຜ່ານມາ.

ການ​ປະຕິບັດ​ງານ​ເພື່ອ​ຊ່ອຍ​ກູ້​ໄພ​ຍັງ​ດຳ​ເນີນ​ຢູ່​ຕໍ່​ມາ ​ໃນ​ພາກ​ໃຕ້​ຂອງ​ປະ​ເທດ​ເມັກ​ຊິ​ໂກ ​
ໃນ​ວັນ​ເສົາ​ມື້ນີ້ ຫຼັງ​ຈາກ​ໄດ້​ເກີດ​ແຜ່ນດິນ​ໄຫວ​ຂະໜາດ​ແຮງ​ຢູ່​ໃນ​ເຂດ​ດັ່ງກ່າວ ​ໃນ​ຕອນ​
ແລງ​ຂອງ​ວັນ​ພະຫັດ ທີ່​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 61 ຄົນ.

​ເຈົ້າໜ້າ​ທີ່​ໃນ​ເມືອງ Oaxaca ກ່າວ​ວ່າ ຈຳ​ນວນ​ຜູ້​ເສຍ​ຊີວິດ ຄາດ​ວ່າ​ຈະ​ເພີ່ມຂຶ້ນຕື່ມ.

ປະທານາທິບໍດີ​ເມັກ​ຊິ​ໂກ ທ່ານ Enrique Pena Nieto ກ່າວ​ໃນ​ວັນ​ສຸກ​ວານນີ້ວ່າ ​ແຜ່ນ
ດິນ​ໄຫວ​ເທື່ອ​ນີ້ ​ແມ່ນ​ໃຫຍ່​ກວ່າ​ແຜ່ນດິນ​ໄຫວ ໃນ​ປີ 1985 ທີ່​ເຮັດໃຫ້ຫຼາຍພັນ​ຄົນເສຍ​ຊີ
ວິດ​ໄປ​ນັ້ນ. ​ໃນ​ການ​ກ່າວ​ຄຳ​ປາ​ໄສ​ ທາງ​ໂທລະພາບ ​ໃນຕອນ​ແລງວານ​ນີ້ ປະທານາທິບໍ
ດີ​ເມັກ​ຊິ​ໂກໄດ້​ປະກາດ​ໄວ້​ທຸກ​ທົ່ວ​ປະ​ເທດ​ເປັນ​ເວລາ 3 ມື້ແລະ​ໃຫ້​ຄຳ​ໝັ້ນສັນຍາ​ວ່າ ລັດ
ຖະບານ​ຈະ​ຊ່ອຍ​ ໃນ​ການ​ບູລະນະ​ສ້າງສາຄືນ​ໃໝ່.

ທ່ານ Pena Nieto ກ່າວ​ວ່າ “ຄວາມ​ແຮງ​ຂອງ​ແຜ່ນດິນ​ໄຫວນີ້ິ້​ແມ່ນ​ຮ້າຍ​ແຮງ​ຫຼາຍ” ​ແຕ່​
ທ່ານ​ກໍ​ກ່າວ​ຕື່ມ​ວ່າ ການ​ຕອບ​ຮັບ​ຂອງ​ເມັກ​ຊິ​ໂກ​ແມ່ນ “​ຈະ​ໃຫຍ່​ກວ່ານັ້ນອີກ.”

​ແຜ່ນດິນ​ໄຫວ​ທີ່​ມີ​ຄວາມ​ແຮງ 8.2 ​ໄດ້​ເກີດ​ຂຶ້ນ ໃນ​ເຂດ​ແຄມ​ຝັ່ງມະຫາ​ສະໝຸດ​ປາຊີ​ຟິກ
ໃນ​ພາກ​ໃຕ້​ຂອງປະເທດ​ເມັກ​ຊິ​ໂກກ່ອນ​ທ່ຽງ​ຄືນ​ໜ້ອຍ​ນຶ່ງປະມານ 100 ກິ​ໂລ​ແມັດ​ຫ່າງ
ຈາກ​ເມືອງ Tonala. ​ປະທານາທິບໍດີ​ກ່າວ​ວ່າ ແຜ່ນດິນ​ໄຫວ​ໃນ​ຄັ້ງນີ້ ​ແມ່ນໃຫຍ່​ສຸດ ​ໃນ
​ຮອບ 100 ກວ່າ​ປີ ຢູ່​ໃນ​ປະ​ເທດ​ເມັກ​ຊິ​ໂກ.

​ແຜ່ນດິ​ນ​ໄຫວ ​ໄດ້​ກໍ່​ໃຫ້​ເກີດ​ຟອງ​ຍັກ​ສຸ​ນາ​ມີ ທີ່​ສູງ​ນຶ່ງ​ແມັດ ອີງ​ຕາມ​ສູນ​ກາງ​ເຕືອນ​ໄພ​ສຸ​
ນາ​ມີ​ເຂດ​ປາຊີ​ຟິກ ​ແຕ່​ຍັງ​ບໍ່​ມີ​ລາຍ​ງານເທື່ອວ່າຟອງ​ສຸ​ນາ​ມີ​ດັ່ງກ່າວ​ໄດ້​ສ້າງ​ຄວາມ​ເສຍ
​ຫາຍຫຼືບໍ່.

ຄວາມ​ສັ່ນ​ສະ​ເທືອ​ນ ຂອງ​ແຜ່ນດິນ​ໄຫວ ​ແມ່ນ​ຮູ້ສຶກ​ໄປ​ເຖິງ​ນະຄອນຫຼວງ​ເມັກ​ຊິ​ໂກຊີ້ຕີ້
​ແລະ​ກວາ​ເຕມາລາ​ຊີ້ຕີ້. ປະຊາຊົນ​ໃນ​ເຂດ​ນະຄອນຫຼວງ​ຂອງ​ເມັກ​ຊິ​ໂກ​ໄດ້​ພາກັນ​ແລ່ນ​
ອອກ​ໄປ​ສູ່​ຖະໜົນ​ຫົນທາງ ຫຼາຍໆ​ຄົນ​ແມ່ນ​ຍັງ​ຢູ່​ໃນ​ຊຸດ​ນອນຍ້ອນຢ້ານ​ວ່າ​ຕຶກ​ອາຄານ​
ຈະ​ພັງ​ລົງ​ມາ​ທັບ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG