ພວກເຈົ້າໜ້າທີ່ແມັກຊິໂກເວົ້າວ່າ ແຜ່ນດິນໄຫວທີ່ມີຄວາມແຮງ 6.5 ຣິກເກີ ໄດ້ເຮັດໃຫ້ຄົນ
ເສຍຊີວິດຢ່າງໜ້ອຍ 2 ຄົນ ພາຍຫລັງ ທີ່ໄດ້ຖະຫລົ່ມແຄວ້ນ Guerrero ຢູ່ພາກຕາເວັນ
ຕົກຂອງປະເທດ ໃນຄືນວັນເສົາວານນີ້.
ພວກເຈົ້າໜ້າທີ່ຍັງເວົ້າອີກວ່າ ເຮືອນຫລັງນຶ່ງໄດ້ພັງລົງ ແລະໄດ້ເອົາຊີວິດຂອງຜູ້ເຄາະຮ້າຍ
ຜູ້ນຶ່ງໄປຢູ່ເມືອງ Iguala, ທີ່ຕັ້ງຢູ່ລະຫວ່າງກາງຂອງເມືອງ Acapulco ແລະນະຄອນ
ຫລວງ Mexico city. ແລະອີກຜູ້ນຶ່ງ ໄດ້ເສຍຊີວິດໄປຢູ່ທາງດ່ວນທີ່ຕິດຕໍ່ລະຫວ່າງ
ສອງເມືອງນັ້ນ.
ຄວາມຮູ້ສຶກຈາກການສັ່ນສະເທືອນຂອງແຜ່ນດິນໄຫວ ແມ່ນໄດ້ມີໄປເຖິງນະຄອນຫລວງ
Mexico city. ແຕ່ກໍຍັງບໍ່ທັນໄດ້ມີການລາຍງານ ໃນທັນທີທັນໃດກ່ຽວກັບຈໍານວນ
ຄົນເສຍຊີວິດ ຫລືບາດເຈັບ. ແຕ່ພວກເຫັນເຫດການໄດ້ລາຍງານວ່າໄຟຟ້າໄດ້ດັບ ແລະ
ຜູ້ຄົນໄດ້ພາກັນແລ່ນອອກໄປຢູ່ຕາມຖະໜົນສາຍຕ່າງໆ ຂອງນະຄອນຫລວງແຫ່ງນັ້ນ.
ອົງການການສໍາຫລວດທໍລະນີວິທະຍາຂອງສະຫະລັດໄດ້ເວົ້າວ່າ ແຜ່ນດິນໄຫວຄັ້ງນີ້ແມ່ນ
ມີຈຸດສູນກາງ 166 ກິໂລແມັດ ຫ່າງຈາກນະຄອນຫຼວງຂອງແມັກຊິໂກ ໄປທາງໃຕ້ຫາຕາ
ເວັນອອກສຽງໃຕ້ ແລະຢູ່ເລິກຈາກໜ້າດິນ 65 ກິໂລແມັດ.
ພວກເຈົ້າໜ້າທີ່ ຍັງກໍາລັງປະເມີນຜົນເສຍຫາຍທີ່ອາດມີ ຢູ່ທົ່ວບ່ອນທີ່ໄດ້ຮັບຜົນກະທົບ
ຈາກເຫດແຜ່ນດິນໄຫວນີ້.
ໃນປີ 1985 ນັ້ນ ແຜ່ນດິນໄຫວທີ່ມີຄວາມແຮງ 8.1 ຣິກເກີ ໄດ້ເຮັດໃຫ້ມີຜູ້ເສຍຊີວິດຂອງ
ຢ່າງໜ້ອຍ 10 ພັນຄົນໃນນະຄອນຫລວງ Mexico city.
