ລິ້ງ ສຳຫລັບເຂົ້າຫາ

ການທ່ອງທ່ຽວໃນເມັກຊິໂກ ຈະເລີນຮຸ່ງເຮືອງ ທ່າມກາງອາຊະຍາກໍາ (ວີດີໂອລາວ/ອັງກິດ)

  • ທອງປານ ເທບວົງສາ

​ຄວາມ​ຮຸນ​ແຮ​ງດ້ານ​ອາຊະຍາ​ກໍາ ທີ່​ກໍາລັງລະ​ບາດ​ໄປ​ທົ່ວ​ເມັກ​ຊິ​ໂກ ຢູ່​ໃນ​ຂະນະ​ນີ້ ​ໄດ້​ກະ​ຕຸ້ນ​ໃຫ້​ກະຊວງ​ຕ່າງປະ​ເທດ​ສະຫະລັດ ​ອອກ​ຄໍາເຕືອນ​ນັກທ່ອງ​ຊາວ​ອາ​ເມ​ຣິກັນ​ທັງຫຼາຍ​​ ໃຫ້ຫຼີກ​ລ່ຽງການ​ທ່ອງ​ທ່ຽວ​ໄປ​ໃນ​ບາງ​ເຂດຂອງ​ເມັກ​ຊິ​ໂກ ​ໂຮມ​ທັງ​ແຫຼ່ງທ່ອງ​ທ່ຽວທີ່​ມີ​ຊື່​ສຽງ ຄື​ເມືອງ Acapulco ​ແລະ Mazaltlan ນັ້ນນໍາ. ​ເຫດການ​ກໍ່​ຄວາມ​ຮຸນ​ແຮງ​ສ່ວນ​ໃຫຍ່​ແມ່ນ​ມາ​ຈາກ​ພວກແກ໊ງຄ້າ​ຢາ​ເສບ​ຕິດ ​ແຕ່​ພວກທີ່​ໄດ້​ຮັບ​ເຄາະ​ຮ້າຍ​ບາງ​ເທື່ອກໍ​ແມ່ນນັກ​ທ່ອງ​ທ່ຽວ​ຊາວ​ຕ່າງປະ​ເທດ. ​ແຕ່​ເຖິງ​ປານ​ນັ້ນການທ່ອງທ່ຽວກໍ ​ຍັງ​ຄົງ​ເປັນ​ອຸດສາຫະກໍາ​ໃຫຍ່​ທີ່​ສຸດ​ຂອງ​ເມັກ​ຊິ​ໂກຢູ່. ຜູ້​ສື່​ຂ່າວ​ວີ​ໂອ​ເອ Greg Flakus ລາຍ​ງານ​ຈາກ​ເມືອງ​ຕາກ​ອາກາດທີ່​ມີ​ຊື່ສຽງ​ Cabo San Lucas ຂອງເມັກ​ຊິ​ໂກ ຊຶ່ງ​ທອງ​ປານຈະ​ນໍາ​ເອົາ​ລາຍ​ລະ​ອຽດມາສະ​ເໜີ ​ທ່ານ​.

ເບິ່ງວີດີໂອພາສາລາວ:

ທີ່ກອງ​ປະຊຸມ​ສຸດ​ຍອດຂອງ​ກຸ່ມ ຈີ 20 ຢູ່​ເມືອງ​ຕາກ​ອາກາດ Los Cabos ປະ​ເທດເມັກ​ຊິ​ໂກ
​ເມື່ອ​ບໍ່ດົນ​ມາ​ນີ້ ທ່ານ​ນາງ Gloria Guevara ​ເລຂາ​ກົມ​ທ່ອງທ່ຽວ​ຂອງ​ເມັກ​ຊິ​ໂກ ​ໄດ້​ຊົມ​ເຊີຍ​
ບັນດາ​ຜູ້​ນໍາ​ໂລກ ທີ່​ໃຫ້​ການ​ຮັບຮູ້​ບົດ​ບາດຂອງການທ່ອງທ່ຽວ​ ໃນ​ການ​ຊຸກຍູ້​ສົ່ງ​ເສີມ​ການ
ພັດທະນາ​ເສດຖະ ກິດ​ ຊຶ່ງ​ທ່ານ​ນາງ​ກ່າວ​ວ່າ:

“ນຶ່ງ​ໃນ 12 ວຽກ​ໃດ​ຢູ່​ໃນ​ໂລກ ​ແມ່ນກ່ຽວ​ພັນ​ກັບ​ການ​ເດີນທາງ​ແລະ​ ການທ່ອງ​ທ່ຽວ.”

​ແຕ່​ພາບ​ພົດ​ຂອງ​ເມັກ​ຊິ​ໂກ ​ໃນ​ຖານະ​ເປັນແຫ​ລ່ງທ່ອງ​ທ່ຽວທີ່​ໜ້າ​ໄປ​ທ່ຽວ​ນັ້ນ ​ໄດ້​ຮັບ​ຄວາມ
ເສຍ​ຫາຍ​ຍ້ອນ​ຄື້ນ​ຟອງຂອງ​ອາ​ຊະ​ຍາ​ກໍາ ທີ່​ໄດ້​ກະຕຸ້​ນ​ໃຫ້ສອງປະ​ເທດ​ຕົ້ນ​ທາງ​ຂອງ​ນັກ
​ທ່ອງ​ທ່ຽວທີ່​ໄປ​ທ່ຽວ​ເມັກ​ຊິ​ໂກ​ຫລາຍ​ທີ່​ສຸດ ກໍ​ຄື​ສະຫະລັດ​ແລະ​ກາ​ນາ​ດາ​ ​ອອກ​ຄໍາ​ເຕືອນ
ໃຫ້​ພົນລະ​ເມືອງ​ຂອງ​ຕົນ ຫລີກ​ລ່ຽງຈາກ​ການເດີນທາງ ​ໄປ​ຍັງເມັກ​ຊິ​ໂກ.

​ແຕ່​ເຖິງ​ແມ່ນ​ກໍາລັງ​ປະສົບ​ກັບ​ຄວາມ​ຫຍຸ້ງຍາກດັ່ງ​ກ່າວ​ກໍ​ຕາມ ​ເມັກ​ຊິ​ໂກກໍ​ໄດ້ສ້າງ​ສະຖິຕິ
​ດ້ານການທ່ອງທ່ຽວ​ເມື່ອ​ປີຜ່ານມາ ​ໂດຍ​ມີ​ນັກ​ທ່ອງ​ທ່ຽວຈາກ​ນາໆຊາດ​ ຈໍານວນ​ຫຼາຍ​
ກວ່າ 22 ລ້ານ​ຄົນ​ ເຂົ້າ​ໄປ​ທ່ອງ​ທ່ຽວ​ໃນ​ເມັກ​ຊິ​ໂກ ຊຶ່ງຫຼາຍ​ເປັນ​ປະວັດ​ການ.

​ເມັກ​ຊິ​ໂກ​ເປັນ​ປະ​ເທດທີ່ກວ້າງ​ໃຫຍ່​ໄພສານ ​ແລະ​ເຖິງ​ແມ່ນ​ບາງ​ເຂດ​ຈະ​ເປັນ​ຄືດັ່ງແດນ​ສົງ
ຄາມ ​ແຕ່ເຂດ​ທີ່​ເປັນຈຸດທ່ອງ​ທ່ຽວກໍ​ມັກ​ຈະ​ປອດ​ໄພ​ ຫຼື​ປອດ​ໄພ​ກວ່າ​ໃນ​ພວກ​ຕົວ​ເມືອງ​ ທີ່
​ນັກ​ທ່ອງ​ທ່ຽວຫລາຍໆ​ຄົນ​ອາໄສ​ຢູ່ ໃນ​ປະ​ເທດ​ຂອງ​ເຂົາ​ເຈົ້າ​ດ້ວຍ​ຊໍ້າ.

ນັກ​ທຸລະ​ກິດທີ່​ອອກ​ກິນເບ້ຍ​ບໍານານ​ແລ້ວ Bob Gebo ​ແລະ​ພັນ​ລະ​ຍາ Christine ຈາ
ລັດ​ແຄ​ລິ​ຟໍ​ເນຍ ​ເດີນທາງ​ມາ​ຍັງເມືອງ​ຕາກ​ອາກາດ Cabo San Lucas ເມື່ອ​ 11 ປີ​ກ່ອນ
ນໍາ​ເຮືອ​ຫາ​ປາ ​ແລະ​ໄດ້ຕັດສິນ​ໃຈຖື​ເອົາ​ບ່ອນ​ນີ້​ເປັນ​ບ້ານ​ໄປ​ເລີຍ. ລາວ​ກ່າວ​ວ່າ:

“ຂ້ອຍ​ຄິດ​ວ່າ​ ບ່ອນ​ນີ້​ເປັນ​ບ່ອນ​ທີ່​ປອດ​ໄພ​ທີ່​ສຸດ​ ​ເທົ່າ​ທີ່​ເຄີຍ​ຢູ່​ມາ.

ຄອບຄົວ​ກີ​ໂບ ກໍ​ເປັນ​ນຶ່ງ​ໃນ​ບັນດາ​ຜູ້​ອອກ​ກິນ​ເບ້ຍ​ບໍານານ​ຊາວ​ອາ​ເມຣິກັນ ຫຼາຍ​ພັນ​ຄົນ ​
ທີ່ໄດ້​ມາອາໄສ​ໃຊ້​ຊີວິດບັ້ນ​ປາຍ ​ຢູ່​ໃນ​ເມັກ​ຊິ​ໂກ.

ບອບ ກີ​ໂບ ກ່າວ​ອີກ​ວ່າ ລາວ​ແລະ​ພັນ​ລະ​ຍາ​ ມ່ວນ​ຊື່ນ​ນໍາການ​ພົວພັນ​ແລະ​ໃຊ້​ຊີວິດຢູ່​ຮ່ວມ
​ກັບ​ຊາວເມັກ​ຊິ​ໂກ​.

“ຖ້າ​​ເຈົ້າມາາ​​ໄສ​ຢູ່​ທີ່​ນີ້​ ຄື​ຂ້ອຍ​ແລ້ວ ​​ເຈົ້າກໍ​ຈະບໍ່ຢາກ​ໃຫ້​ມັນ​ເປັນ​ແບບ ພາກ​ໃຕ້ລັດ​ແຄ​ລິ
​ຟໍ​ເນຍ ​ບໍ່​ຢາກ​ໃຫ້​ເປັນ​ຄື​ເມືອງ​ແຊນ​ດິ​ເອ​ໂກ. ນີ້​ເປັນ​ບ່ອນ ທີ່​ສະຫງົບ​ງຽບ​ດີ ​ແລະ​ຄົນ​ກໍ​ບໍ່
​ຫຼາຍ​ເກີນ​ໄປ ​ແລະ​ຊາວ​ອາ​ເມຣິກັນ​ທີ່​
ມາອາ​​ໄສ​ຢູ່ທີ່​ນີ້ ກໍ​ແມ່ນ​ພວກ​ຄົນ​ປະ​ເພດທີ່​ມັກຜະຈົນ
​ໄພ​ ບໍ່​ຊັ້ນ​ພວກ​ເຂົາ​ເຈົ້າກໍ​
ຈະບໍ່​ລົງ​ມາ​ຮອດ​ພີ້​ດອກ.”

​ເຫດຜົນ​ສ່ວນ​ນຶ່ງ​ທີ່​ເຮັດ​ໃຫ້​ເມືອງ​ຕາກ​ອາກາດ​ຄາ​ໂບສ ມີ​ຄວາມ​ສະຫງົບ​ງຽບ​ປອດ​ໄພ​ດີ​ນັ້ນ
ກໍ​ຄື​ ​ກໍາລັງ​ຕໍາຫຼວດ​ທ້ອງ​ຖິ່ນ ທີ່​ໃຫ້​ຄວາມ​ຄຸ້ນ​ກັນ​ ທີ່​ທັງຊາວ​ເມືອງແລະ​ບັນດາ​ນັກ​ທ່ອງ​ທ່ຽວ
ສາມາດ​ກາງ​ຕໍ່​ໄດ້​.

Alejandro Hope ນັກວິ​ເຄາະ​ດ້ານ​ຄວາມ​ປອດ​ໄພ ກ່າວ​ວ່າ ນັ້ນ​ຄື​ປັດ​ໃຈ​ຫຼັກ​ ໃນ​ການ​ຄວບ​
ຄຸມ​ອາຊະຍາ​ກໍາ​. ລາວ​ກ່າວຕື່ມ​ວ່າ:

“​ເຖິງ​ແມ່ນ​ຈະ​ມີຄວາມ​ຂາດ​ຕົກ​ບົກພ່ອງ​ຫຼາຍໆ​ຢ່າງກໍ​ຕາມ ​ແຕ່ໜ່ວຍ​ຕໍາຫຼວດ​ນະຄອນ​ບານ ​
ກໍໄດ້ຫຼິ້ນ​ບົດບາດ​ທີ່​ຈະ​ທົດແທນໄດ້​ຍາກ​ຫລາຍ ຈາກ​ທາງ​ໄກ​.”

ທະຫານເມັກຊິໂກ ລາດຕະເວນ ຢູ່ຕາມຊາຍຫາດ San Jose del Cabo ໃນເຂດແຫລມ Baja ຂອງເມັກຊິໂກ.
ທະຫານເມັກຊິໂກ ລາດຕະເວນ ຢູ່ຕາມຊາຍຫາດ San Jose del Cabo ໃນເຂດແຫລມ Baja ຂອງເມັກຊິໂກ.

ຕໍາຫຼວດ​ແລະ​ທະຫານລັດຖະບານ​ກາງ
ເມັກ​ຊິ​ໂກ ​ທໍາ​ການລາດຕະ​ເວນ​ຢູ່ ​ໃນ​
ຫຼບາງ​ເຂດ ບ່ອນ​ທີ່ກໍາລັງ​ຕໍາຫຼວດ​ລັດ
ແລະເມືອງ ພາກັນ​ສໍ້​ລາດ​ບັງ​ຫຼວງ​ກັນ​
ຢ່າງ​ຄຶກ​ໂຄມ ຫລື​ປາບ​ພວກ​ແກ໊ງຢາ​
ເສບ​ຕິດ​ບໍ່​ໄດ້ ​ແຕ່​ທ່ານ Hope ກ່າວ​ວ່າ
ຄວາມ​ຮຸນ​ແຮງ​ທີ່​ໜັກໜ່ວງ​ທີ່​ສຸດເກີດ​
ຂຶ້ນ​ໄດ້ ​ເວລາ​ໃດ​ຫາກຂາດ​ການ​ເອົາ​ໃຈ
​ໃສ່​ຕິດຕາມ​ເບິ່ງ​ຂອງອໍານາດ​ທ້ອງ​ຖິ່ນ.
ທ່ານ​ກ່າວ​ຕໍ່​ໄປ​ວ່າ:

“ມັນບໍ່​ແມ່ນການ​ປະຕິບັດ​ການ​ ຂອງ​ຄົນວາງ​ແຜນ​ກໍ່ອາຊະຍາ​ກໍາ ​ແຕ່​ຂອງພວກອາຊະ​ຍາ
​ກອນ ຜູ້​ທີ່​ສາມາດ​ເຮັດ​ສິ່ງ​ເຫຼົ່ານັ້ນ​ໄດ້ ຍ້ອນ​ໄດ້​ຮັບ​ການ​ຍົກ ​ເວັ້ນ​ໂທດນັ້ນ​ຫຼາຍ​ກວ່າ.”

ທ່ານ Hopes ​ໃຫ້ຂໍ້​ສັງ​ເກດ​ວ່າ ການຈັດ​ຕັ້ງ​ກໍາລັງຕໍາຫຼວດ​ທ້ອງ​ຖິ່ນ​ທີ່​ເຂັ້ມ​ແຂງ​ຂຶ້ນ​ ເມື່ອ​ບໍ່​ດົນ
​ມາ​ນີ້ ທີ່​ເມືອງ​ຕິ​ຮົວນາ ​ໃກ້ຊາຍ​ແດນ​ລັດ​ແຄ​ລິ​ຟໍ​ເນ​ຍ ກັບ​ເມືອງ Ciudad Juarez ໃກ້​ຊາຍ
​ແດນ​ລັດ​ເທັກ​ຊັສນັ້ນ ​ໄດ້​ລົດຜ່ອນ​ອັດຕາ​ການ​ຄາດ​ຕະກໍາ​ລົງ​ໄປ​ຢ່າງ​ຫຼວງ​ຫຼາຍ ​ແລະນອກ​ນີ້​
ແລ້ວ​ ຍັງ​ລົດ​ຜ່ອນ​ກໍ​ລະ​ນີການ​ຖືກ​ບັງຄັບ​ຂູ່​ເຂັນ ການ​ລັກ​ພາ​ຕົວແລະ​ການປຸ້ນ​ຈີ້ນັ້ນ​ນໍາ ຊຶ່ງ​
ທ່ານ Hope ກ່າວ​ວ່າ:

​“ໃນເມື່ອຄວາມ​ຮຸນ​ແຮງ​ລົດ​ນ້ອຍລົງ​ໄປ​ນັ້ນ ອາຊະຍາ​ກໍາ​ໃນ​ຮູບ​ແບບ​ອື່ນໆເຫຼົ່ານີ້​ ກໍ​ຈະ​ເບົາ
ບາງ​ລົງ​ໄປ​ນໍາ.”

ທ່ານ Hope ກ່າວ​ວ່າ ​ຈະ​ຕ້ອງ​ໃຊ້​ເວລາ​ອີກ​ຫຼາຍ​ປີ ​ແລະ​ການ​ປະຕິບັດ​ງານ​ຢ່າງ​ໜັກໃນ​ເລື່ອງ
​ຕ່າງໆ ​ເຊ່ນ​ການ​ປະຕິ​ຮູບ​ດ້ານ​ຕຸລາການ ​ແລະການ​ເຝິກ​ອົບ​ລົມ​ເຈົ້າໜ້າ​ທີ່​ຕໍາຫຼວດ​ ເພື່ອທີ່​
ຈະໃຫ້​ບັນລຸ​ສັນຕິພາບ ​ແລະ​ຄວາມ​ເປັນ​ລະ​ບຽບຮຽບຮ້ອຍ ທີ່​ພົນລະ​ເມືອງ​ເມັກ​ຊິ​ໂກແລະ​ຜູ້
​ມາທ່ອງ​ທ່ຽວ​ປາດ​ຖະໜາ​ຢາກ​ໃຫ້​ມີ​ນັ້ນ.

ເບິ່ງວີດີໂອພາສາອັງກິດ:

XS
SM
MD
LG