ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຍານ Messenger ເຂົ້າສູ່ວົງໂຄຈອນ ຂອງດາວພະພຸດ


ຮູບແຕ້ມຂອງຍານສຳຫຼວດ Messenger ຢູ່ໃນວົງໂຄຈອນ ດາວພະພຸດ
ຮູບແຕ້ມຂອງຍານສຳຫຼວດ Messenger ຢູ່ໃນວົງໂຄຈອນ ດາວພະພຸດ

ມີກຳນົດວ່າ ຍານສຳຫຼວດ Messenger ຂອງອົງການ
ອະວະກາດສະຫະລັດ ຫຼື NASA ຈະເປັນຍານອະວະ
ກາດລຳທຳອິດໃນປະວັດສາດທີ່ສາມາດບິນເຂົ້າສູ່ວົງໂຄ
ຈອນຂອງດາວພະພຸດ ຊຶ່ງເປັນດາວທີ່ຢູ່ວົງໃນສຸດຂອງ
ລະບົບສຸລິຍະຈັກກະວານ.

ອົງການ NASA ກ່າວວ່າ 7 ປີລຸນຫຼັງທີ່ໄດ້ເດີນທາງ
ຈາກໂລກ ຍານສຳຫຼວດ Messenger ມີກຳນົດທີ່ຈະ
ເລີ້ມບິນເຂົ້າສູ່ວົງໂຄຈອນໃນວັນສຸກທີ 18 ມີນາໃນເວ
ລາ 12 ໂມງ 45 ນາທີຕາມເວລາມາດຕະຖານສາກົນ.
ຍານສຳຫຼວດດັ່ງກ່າວຈະຍິງເຄື່ອງຂັບດັນປະມານ 15
ນາທີເພື່ອໃຫ້ຍານຊ້າລົງພໍທີ່ແຮງດຶງດູດຈາກດາວພະ
ພຸດຈະສາມາດຖ່ວງເອົາຍານດັ່ງກ່າວໄວ້ແລ້ວກໍເຄື່ອນ
ເຂົ້າສູ່ວົງໂຄຈອນ ບ່ອນທີ່ຍານ Messenger ຈະສືບ
ຕໍ່ການປະຕິບັດງານ ເປັນເວລາຢ່າງນ້ອຍ 1 ປີ ເພື່ອ
ເກັບກຳຂໍ້ມູນຕ່າງໆ ແລະສະພາບແວດລ້ອມຂອງດາວ
ຂະໜາດນ້ອຍໆທີ່ຍັງເປັນປິດສະໜາໜ່ວຍນີ້.

ເມື່ອຍານ Messenger ເລີ້ມທຳການໂຄຈອນອ້ອມດາວພະພຸດແລ້ວທາງອົງການ
NASA ກໍຈະໃຊ້ເວລາສອງສາມອາທິດຂ້າງໜ້າ ເພື່ອທົດສອບຢ່າງລະອຽດຖີ່ຖ້ວນ
ເບິ່ງລະບົບ ແລະອຸບປະກອນຕ່າງໆຂອງຍານ. ອົງການອະວະກາດຂອງສະຫະ
ລັດຢາກໃຫ້ເປັນທີ່ແນ່ໃຈວ່າ ອຸບປະກອນທຸກຢ່າງຍັງສາມາດປະຕິບັດງານໄດ້ເປັນ
ຢ່າງດີ ທ່າມກາງສະພາບແວດລ້ອມທີ່ຮ້ອນຈັດໃກ້ໆດວງອາທິດກ່ອນທີ່ການປະ ຕິບັດງານທາງດ້ານວິທະຍາສາດຈະເລີ້ມໃນວັນຈັນທີ 4 ເມສາຈະມາ.

ພວກນັກວິທະຍາສາດມີຄວາມສົນໃຈຢາກຮຽນຮູ້ເພີ່ມຕື່ມກ່ຽວກັບປະວັດທໍລະນີວິ
ທະຍາ ແລະສະໜາມແມ່ເຫຼັກ ຕະຫຼອດທັງອົງປະກອບຂອງຈຸດແກນກາງແລະການ
ສຳຫຼວດເບິ່ງວ່າຂົ້ວຂອງດາວພະພຸດມີນໍ້າກ້ອນຫຼືບໍ່.

ເວລາການປະຕິບັດງານທັງໝົດສຳເລັດລຸລ່ວງແລ້ວ ຍານ Messenger ກໍຈະອອກ
ຈາກວົງໂຄຈອນ ແລະແລ່ນເຂົ້າຕຳກັບພື້ນຜິວຂອງດາວພະພຸດ.

XS
SM
MD
LG