ຈຳນວນຜູ້ເສຍຊີວິດ ຍ້ອນການລະບາດຂອງໂຣກລະບົບຫາຍ
ໃຈອັກເສບຮ້າຍແຮງຈາກພາກຕາເວັນອອກກາງ ຫລື MERS
ເພີ້ມຂຶ້ນເປັນ 23 ຄົນ ອີງຕາມເຈົ້າໜ້າທີ່ ນຶ່ງມື້ຫຼັງຈາກອົງການ
ສະຫະປະຊາຊາດ ກ່າວວ່າ ການຂາດຄວາມ ສາມາດພາໃຫ້ ເຊື້ອໄວຣັສດັ່ງກ່າວແຜ່ລະບາດ.
ນອກນັ້ນ ກະຊວງສາທາລະນະສຸກເກົາຫຼີໃຕ້ ຍັງກ່າວໃນວັນ
ພະຫັດມື້ນີ້ວ່າ ຕົນໃຫ້ການຢືນຢັນ ກ່ຽວກັບການຕິດເຊື້ອໄວ
ຣັສ MERS 3 ກໍລະນີໃໝ່ ເຮັດໃຫ້ຈຳນວນຜູ້ຕິດເຊື້ອທີ່ຮູ້ກັນ
ທັງໝົດເພີ້ມຂຶ້ນເປັນ 165 ຄົນ.
ເຈົ້າໜ້າທີ່ເກົາຫລີໃຕ້ຢືນຢັດວ່າ ເຊື້ອໄວຣັສນີ້ໄດ້ລະບາດສຸດຂີດແລ້ວ ແລະສ່ວນໃຫຍ່ກໍ
ສາມາດຄວບຄຸມໄວ້ໄດ້ຢູ່ແຕ່ພາຍໃນສະຖານທີ່ການແພດຕ່າງໆ ແຕ່ແນວໃດກໍຕາມ ຍັງ
ສືບຕໍ່ມີຄວາມກັງວົນເພີ້ມຂຶ້ນ ກ່ຽວກັບອັນທີ່ເປັນການລະບາດທີ່ໃຫຍ່ທີ່ສຸດຂອງ MERS
ຢູ່ນອກພາກຕາເວັນອອກກາງ.
ອົງການອະນາໄມໂລກ ກ່າວໃນວັນພຸດວານນີ້ວ່າ ເຈົ້າໜ້າທີ່ເກົາຫລີໃຕ້ ບໍ່ໄດ້ເອົາມາດຕະ
ການພຽງພໍ ເພື່ອປ້ອງກັນບໍ່ໃຫ້ມີການແຜ່ລະບາດຂອງເຊື້ອພະຍາດຊຶ່ງ ໃນປັດຈຸບັນຍັງບໍ່
ມີຢາຊະນິດໃດ ສາມາດປິ່ນປົວໃຫ້ຫາຍດີໄດ້ ຫລືຢາວັກຊີນປ້ອງກັນເທື່ອ.
ສາເຫດສຳຄັນ ທີ່ທາງອົງການອະນາໄມໂລກ ໄດ້ຍົກຂຶ້ນມາອ້າງວ່າ ຊ່ອຍໃນການແຜ່ລະ ບາດນັ້ນ ກໍຄືບໍ່ໄດ້ມີການເຕືອນໃຫ້ລະມັດລະວັງ ກ່ຽວກັບເຊື້ອພະຍາດດັ່ງກ່າວໃນໝູ່ເຈົ້າ ໜ້າທີ່ການແພດແລະການເອົາມາດຕະການປ້ອງກັນທີ່ບໍ່ພຽງພໍເພື່ອຄວບຄຸມການລະບາດ ຢູ່ຕາມໂຮງໝໍຕ່າງໆ.
ນອກນັ້ນອົງການອະນາໄມໂລກຍັງໄດ້ຕິຕຽນການຕິດຕໍ່ສຳຜັດທີ່ໃກ້ຊິດແລະແກ່ຍາວກັບ
ພວກຄົນເຈັບ ທີ່ເປັນ MERS ຢູ່ໃນຫ້ອງສຸກເສີນ ທີ່ແອອັດ ແລະມີຫຼາຍຕຽງ ຂອງໂຮງໝໍ ແລະການປະຕິບັດໜ້າທີ່ໃນການໃຫ້ການປິ່ນປົວຢູ່ຕາມໂຮງໝໍ ຫລາຍໆແຫ່ງ.
