ນາຍົກລັດຖະມົນຕີເຢຍຣະມັນ ທ່ານນາງ Angela Merkel
ໄດ້ແຈ້ງໃຫ້ຜູ້ປົກຄອງ 16 ລັດຂອງປະເທດທ່ານນາງຊາບ
ກ່ຽວກັບການຕົກລົງຂອງຢູໂຣບຮັບເອົາແຜນໂຄຕ້າທີ່ຈະ
ຊ່ວຍເຫລືອພວກອົບພະຍົບ 120 ພັນຄົນນັ້ນວ່າ ເປັນຮ່ອງ
ຮອຍຂອງຄວາມສາມັກຄີ ແຕ່ກໍເຕືອນວ່າ ນີ້ແມ່ນພຽງບາດ
ກ້າວທຳອິດເທົ່ານັ້ນ.
ທ່ານນາງໄດ້ກ່າວວ່າ ທີ່ກອງປະຊຸມຢູ່ນະຄອນຫຼວງ Berlin
ໃນວັນພະຫັດມື້ນີ້ວ່າ ຢູໂຣບ“ຍັງຫ່າງໄກ” ຈາກຈຸດໝາຍ
”ປາຍທາງທີ່ຈຳເປັນ ໃນການແກ້ໄຂສະຖານະການ. ທ່ານນາງ
ໄດ້ກ່າວວ່າ ຄວາມຮຸນແຮງໃນຊິເຣຍທີ່ຍັງຜົນໃຫ້ມີການອົບພະຍົບຂອງພວກຜູ້ຄົນ ຈຳນວນ ຫຼວງຫຼາຍນີ້ ແມ່ນສາມາດແກ້ໄຂໄດ້ ຈາກພຽງແຕ່ການຊ່ວຍເຫລືອຂອງສະຫະລັດ ຣັດເຊຍ ແລະພາກຕາເວັນອອກກາງ ເທົ່ານັ້ນ.
ໃນວັນພຸດວານນີ້ ບັນດາຜູ້ນຳຂອງສະຫະພາບຢູໂຣບ ໄດ້ຕົກລົງທີ່ຈະໃຫ້ເງິນຊ່ອຍເຫຼືອ
1 ພັນ 100 ລ້ານໂດລ່າແກ່ອົງການຊ່ອຍເຫຼືອນາໆຊາດ ໃນການບັນເທົາທຸກພວກອົບພະຍົບໃນສູນຕ່າງທີ່ຢູ່ໃກ້ໆກັບປະເທດຂອງພວກເຂົາເຈົ້າ.
ວິກິດການ ອົບພະຍົບ ຢູໂຣບ 24 ກັນຍາ
ປະທານສະພາສະຫະພາບຢູໂຣບ ທ່ານ Donald Tusk ໄດ້ປະກາດກ່ຽວກັບເລື້ອງນີ້ ຫຼັງ ຈາກກອງປະຊຸມສຸກເສີນສຸດຍອດ ໃນນະຄອນ Brussels ທີ່ສິ້ນສຸດລົງໃນເຊົ້າວັນພະຫັດ
ມື້ນີ້.
ທ່ານໄດ້ກ່າວວ່າ ພວກຜູ້ນຳຈາກ 28 ປະເທດສະມາຊິກສະຫະພາບຢູໂຣບ ໄດ້ຕົກລົງເຫັນ
ດີ ເພີ້ມເງິນຊ່ອຍເຫຼືອໃຫ້ແກ່ປະເທດຕ່າງໆເຊັ່ນ Lebanon, Jordan ແລະເທີກີ ຊຶ່ງເປັນ ປະເທດທີ່ໃຫ້ການຊ່ອຍເຫຼືອພວກອົບພະຍົບຈຳນວນຫຼາຍລ້ານຄົນ ທີ່ຫລົບໜີໄພສົງຄາມ
ມາຈາກຊິເຣຍ.
ນອກນັ້ນ ທ່ານ Tusk ຍັງໄດ້ກ່າວວ່າ ບັນດາຜູ້ນຳຍັງໄດ້ຕົກລົງກັນ ທີ່ຈະ “ສ້າງຕັ້ງສະຖານ
ທີ່ຮີບດ່ວນ ຫຼື hotspots” ພາຍໃນທ້າຍ ເດືອນພະຈິກນີ້ ບ່ອນທີ່ຊ່ຽວຊານຢູໂຣບ ສາມາດ
ຈົດທະບຽນຜູ້ຄົນທີ່ຈັດວ່າເປັນພວກອົບພະຍົບ ຊຶ່ງຄວນຖືກຄຸ້ມຄອງນັ້ນ.”
ການເອົາບາດກ້າວທີ່ວ່ານີ້ ຍັງມີຈຸດປະສົງທີ່ຈະຄັດເລືອກພວກອົບພະຍົບທາງດ້ານເສດ
ຖະກິດອອກ ຊົງບໍ່ມີທ່າທາງວ່າ ຈະໄດ້ຮັບອະນຸຍາດ ໃຫ້ຂໍລີ້ໄພຢູ່ໃນຢູໂຣບໄດ້ນັ້ນ.
