ນັກສັງເກດການ ອາເມຣິກັນ ຄົນໜຶ່ງຈາກອົງການເພື່ອຄວາມປອດໄພ ແລະການຮ່ວມມື
ໃນ ຢູໂຣບ ຫຼື OSCE ໄດ້ເສຍຊີວິດ ແລະ ນັກສັງ ເກດການອື່ນໆຫຼາຍຄົນໄດ້ຮັບບາດ
ເຈັບ ໃນວັນອາທິດວານນີ້ ເມື່ອລົດຂອງພວກເຂົາເຈົ້າ ໄດ້ແລ່ນໄປຢຽບລະເບີດຝັງດິນໃກ້
ກັບເມືອງ Luhansk ທາງພາກຕາເວັນອອກຂອງປະເທດ ຢູເຄຣນ.
ກະຊວງການຕ່າງປະເທດ ຂອງ ອອສເຕຣຍ ໄດ້ຢືນຢັນວ່າ ເຫດການດັ່ງກ່າວເກີດຂຶ້ນໃກ້
ກັບບ້ານ Pryshyb. ປະຈຸບັນນີ້ ອອສເຕຣຍ ກຳ ລັງຮັບໜ້າທີ່ເປັນປະທານວຽນຂອງອົງ
ການ OSCE.
ລັດຖະມົນຕີການຕ່າງປະເທດ ອອສເຕຣຍ ທ່ານ Sebastian Kurz ໄດ້ຮຽກຮ້ອງໃຫ້ມີ
ການສືບສວນສອບສວນຢ່າງລະອຽດ, ແລະ ກ່າວເພີ່ມເຕີມວ່າ ພວກຜູ້ຮັບຜິດຊອບນັ້ນ ຄວນຖືກນຳມາລົງໂທດ.
ນັກສັງເກດການຄົນ ເຢຍຣະມັນ ແລະ ເຊັກ ກໍໄດ້ຮັບບາດເຈັບເຊັ່ນກັນ ແຕ່ໄດ້ຮັບການ
ປິ່ນປົວທີ່ໂຮງໝໍທ້ອງຖິ່ນ.
ອີງຕາມລາຍງານນັ້ນ, ລົດໄດ້ຢຽບລະເບີດຝັງດິນຢູ່ໃນເຂດຄວບຄຸມທີ່ໄດ້ປະກາດຕົນ
ເອງເປັນສາທາລະນະລັດປະຊາຊົນ Luhansk.
ຫົວໜ້າຄະນະຜູ້ສັງເກດການພິເສດຂອງອົງການ OSCE ທ່ານ Ertugrul Apakan ໄດ້
ກ່າວວ່າເພິ່ນຈະເດີນທາງໄປເມືອງ Luhansk ໃນວັນຈັນມື້ນີ້ເພື່ອໄປໃຫ້ກຳລັງໃຈຕໍ່ບັນ
ດານັກສັງເກດການ ແລະ ເພື່ອ ເຂົ້າໃຈສະຖານະການທີ່ດີກວ່າເກົ່າ.
ໃນຖະແຫຼງການສະບັບໜຶ່ງທ່ານ Apakan ໄດ້ກ່າວວ່າ ອົງການ OSCE ຍັງຄົງມີຄວາມໝັ້ນໝາຍ ທີ່ຈະປະຕິບັດພາລະກິດຂອງຕົນໃຫ້ສຳເລັດລຸລ່ວງ ແລະ ການປະກອບສ່ວນ
ເພື່ອນຳເອົາສັນຕິພາບມາສູ່ປະຊາຊົນຊາວ ຢູເຄຣນ.
