ທ່ານນາງ Melinda Gates ຜູ້ຮ່ວມກໍ່ຕັ້ງມູນນິທິ Bill and
Melinda Gates ພ້ອມທັງເປັນພັນລະຍາ ຂອງອະດີດຫົວໜ້າ
ໃຫຍ່ ບໍລິສັດ Microsoft ໄດ້ຮັບລາງວັນ Chatham House
ຊຶ່ງເປັນ ລາງວັນປະຈຳປີຂອງ ສະຖາບັນນະໂຍບາຍອັນມີກຽດ
ທີ່ມີຊື່ດຽວກັນນີ້. ສະຖາບັນ Chatham House ມອບລາງວັນ
ປະຈຳປີໃຫ້ແກ່ບຸກຄົນ ທີ່ຖືກຕັດສິນວ່າ ໄດ້ສ້າງຄຸນງາມຄວາມ
ດີອັນສຳຄັນທີ່ສຸດໃນການປະກອບສ່ວນ ເພື່ອປັບປຸງຄວາມສຳ
ພັນນາໆຊາດ ໃນຮອບປີທີ່ຜ່ານມາ. Henry Ridwell ມີລາຍ
ງານ ກ່ຽວກັບເລື້ອງນີ້ຈາກ ລອນດອນ ຊຶ່ງ ກິ່ງສະຫວັນ ຈະນຳ
ເອົາລາຍລະອຽດ ມາສະເໜີທ່ານ.
ທ່ານ Bill ແລະ ທ່ານນາງ Melinda Gates ໄດ້ເລີ້ມກໍ່ຕັ້ງມູນນິທິ ຂອງເຂົາເຈົ້າໃນປີ
2000 ໂດຍແນໃສ່ເພື່ອປັບປຸງຊີວິດການເປັນຢູ່ໃຫ້ ດີຂຶ້ນ ໂດຍຜ່ານການຮັກສາສຸຂະພາບ
ພ້ອມທັງເຂົ້າເຖິງການສຶກສາ ແລະເທັກໂນໂລຈີ.
ໃນພິທີ ທີ່ຈັດຂຶ້ນ ຢູ່ນະຄອນລອນດອນ ເມື່ອແລງວັນສຸກທີ 21 ພະຈິກຜ່ານມານີ້ ເຈົ້າຊາຍ
William ແຫ່ງປະເທດອັງກິດ ຊົງໃຫ້ການຮັບ ຮູ້ຕໍ່ວຽກງານຂອງທ່ານນາງ ຢ່າງເປັນການ
ເປີດເຜີຍ.
ເຈົ້າຊາຍ William Duke ແຫ່ງ Cambridge ຊົງກ່າວວ່າ “ພ້ອມພຽງຮຽງໜ້າ ດ້ວຍ
ສາມີທີ່ມີຄວາມໂດດເດັ່ນພໍໆກັນນັ້ນ ທ່ານ Bill ທ່ານນາງ Melinda ໄດ້ກໍ່ຕັ້ງມູນນິທິ
Gates ຂຶ້ນມາ ເພື່ອປ່ຽນແປງໂລກ ແລະໃນການປ່ຽນແປງໂລກນັ້ນ ທ່ານນາງໄດ້
ຫັນປ່ຽນຊີວິດຂອງບັນດາຜູ້ຍິງ ຄົນທຸກຍາກ ຄົນເຈັບປ່ວຍ ແລະຜູ້ທີ່ດ້ອຍໂອກາດ
ໃນອາຟຣິກາ ແລະແຫ່ງອື່ນໆ.”
ມູນນິທິດັ່ງກ່າວນີ້ ໄດ້ພົວພັນຢ່າງເລິກເຊິ່ງໃນການຕໍ່ສູ້ຕ້ານກັບອີໂບລາ. ທ່ານນາງ Melinda Gates ໄດ້ເຕືອນກ່ຽວກັບການເວົ້າໃນລັກສະນະ ທົ່ວໄປໂພດ.
ທ່ານນາງ Melinda Gates ກ່າວວ່າ “ຜູ້ຄົນເວົ້າກ່ຽວກັບການແຜ່ລະ ບາດເຊື້ອອີໂບ
ລາ ທີ່ຄວບຄຸມບໍ່ໄດ້ ຊຶ່ງເປັນການສົນທະນາອັນສຳຄັນທີ່ສຸດທີ່ຕ້ອງເວົ້າເຖິງ ແລະ
ມັນໄດ້ກໍ່ໃຫ້ເກີດຄວາມເສຍຫາຍ ທີ່ຮ້າຍແຮງ. ແຕ່ພວກເຮົາຍັງນຳເອົາໄປພົວພັນ
ໃສ່ກັບບັນຫາອຶ່ນໆ ທີ່ເຮົາບໍ່ຄວນທຳ. ພວກເຮົາ ເວົ້າກ່ຽວກັບທະວີບທີ່ປົກຄອງ
ໂດຍພວກຜະເດັດການ ແລະສໍ້ລາດບັງຫລວງ. ພວກເຮົາເວົ້າກ່ຽວກັບ ອາຟຣິກາ
ຊຶ່ງໃນບາງຄັ້ງກໍບໍ່ມີຄວາມຫວັງຫຍັງເລີຍ ແລະຂ້າພະເຈົ້າ ມາທີ່ນີ້ເພື່ອບອກໃຫ້
ທ່ານຊາບວ່າ ມັນບໍ່ແມ່ນເລື້ອງດັ່ງກ່າວ.”
ຫວ່າງມໍ່ໆມານີ້ ທາງມູນນິທິ ໄດ້ມອບເງິນ 5 ລ້ານ 7 ແສນໂດລາໃຫ້ ແກ່ການທົດລອງນຳ
ໃຊ້ພລາສມາເລືອດ ເພື່ອປິ່ນປົວອີໂບລາ.
ໃນການນຳສະເໜີທີ່ ນະຄອນລອນດອນ ກ່ອນໜ້ານີ້ ທ່ານນາງ Melinda Gates ໄດ້
ເຕືອນວ່າ ພະຍາດດັ່ງກ່າວ ໄດ້ເຮັດໃຫ້ລະບົບຮັກສາສຸຂະພາບພັງລະລາຍລົງ ຢູ່ໃນບັນ
ດາ ປະເທດທີ່ໄດ້ຮັບຜົນກະທົບ ເຊັ່ນ ກີນີ ຊິແອຣາ ລິອອນ ແລະ ໄລບີເຣຍ.
ທ່ານນາງ Melinda Gates ກ່າວວ່າ “ໃນປີນີ້ ຈະມີເດັກນ້ອຍເກີດເກືອບ 800,000
ຄົນ ຢູ່ໃນບັນດາປະເທດເຫລົ່ານັ້ນ. ພວກຜູ້ຍິງ ຈະບໍ່ພາກັນໄປຫາຄລີນິກ ປັດຈຸບັນ
ນີ້ ເພາະວ່າ ນຶ່ງບັນດາຄລີນິກໄດ້ຮັບ ຄວາມເສຍຫາຍຮ້າຍແຮງ ແຕ່ ສອງ ພວກ
ເຂົາເຈົ້າ ຢ້ານກົວຫຼາຍທີ່ຈະໄປຫາຄລີນິກ ຍ້ອນເຂົາເຈົ້າຢ້ານວ່າຈະຕິດ ອີໂບລາ.
ແມ່ນຫຍັງຄືສາ ເຫດທີ່ໃຫຍ່ທີ່ສຸດທີ່ເອົາຊີວິດຜູ້ຍິງຊຶ່ງມີອາຍຸແຕ່ 15 ຫາ 29 ປີໃນ
ປັດ ຈຸບັນນີ້? ແມ່ນການເກີດລູກ.”
ສະຖາບັນ Chatham House ໄດ້ຍົກຍ້ອງການປະຕິບັດງານຂອງມູນນິທິ Gates ກ່ຽວ
ກັບການລຶບລ້າງໂປລີໂອ. ອົງການສະຫະປະຊາຊາດ ກ່າວວ່າ ທະວີບອາຟຣິກາ ຈະປອດ
ຈາກໂຣກໂປລີໂອ ພາຍໃນປີ 2015 ນີ້.
ມູນນິທິ Gates ໄດ້ລົງທຶນກ່ຽວກັບເທັກໂນໂລຈີເຄື່ອນທີ່ ຢູ່ໃນທົ່ວບັນດາປະເທດທີ່ກໍາລັງ
ພັດທະນາ ດັ່ງ app ໂທລະສັບເຄື່ອນທີ່ ຢູ່ໃນການາ ທີ່ໄດ້ຊ່ວຍພວກຊາວນາ ຕິດຕໍ່ຫາ
ບັນດາຜູ້ທີ່ຈະມາຊື້ ແລະຂາຍ.
See related video below:
ທ່ານນາງ Melinda Gates ໃນໄລຍະສອງສາມປີຜ່ານມານີ້ ໄດ້ເປັນ ຜູ້ສັ່ງການສ່ວນ
ໃຫຍ່ ກ່ຽວກັບການປະຕິບັດງານມູນນິທິ ຂອງທ່ານນາງ ໄປສູ່ການປັບປຸງສິດທິຂອງພວກ
ຜູ້ຍິງ ສຸຂະພາບ ແລະການສຶກສາ.
ທ່ານນາງ Melinda Gates ກ່າວວ່າ “ຖ້າຫາກ ຂ້າພະເຈົ້າ ກ່າວວ່າ ຂ້າພະເຈົ້າຈະ
ເຮັດຢ່າງໃດ ຈຶ່ງຈະສາມາດ ເພີ້ມຜົນການປະຕິບັດງານຂອງມູນນິທິ ຂຶ້ນເປັນສອງ
ເທົ່າ ໃນຊົ່ວຊີວິດຂອງຂ້າພະເຈົ້ານີ້ ກໍແມ່ນ ໂດຍຜ່ານ ແກ້ວເລັນທາງເພດນີ້ ໂດຍ
ເນັ້ນໜັກໃສ່ ບັນດາຜູ້ຍິງ ແລະເດັກນ້ອຍຜູ້ຍິງ.”
ການເຂົ້າເຖິງການຄຸມກຳເນີດ ເປັນສິ່ງສຳຄັນທີ່ສຸດ ຢູ່ໃນລາຍການຂອງມູນນິທິ.
ທ່ານນາງ Melinda Gates ກ່າວວ່າ “ພວກຜູ້ຍິງ ຈະບອກທ່ານ ຊ້ຳ ແລ້ວຊ້ຳອີກວ່າ
ຂ້ອບບໍ່ສາມາດເຈລະຈາ ກ່ຽວກັບເລື້ອງຖົງອະນາໄມ ແມ່ນແຕ່ໃນຄອບຄົວຂອງ
ຂ້ອຍເອງ. ເພາະສະນັ້ນ ມັນໝາຍຄວາມວ່າ ຂ້ອຍສະເໜີໃ ຫ້ຜົວຂອງຂ້ອຍຮູ້ວ່າ
ລາວຕິດເຊື້ອໂຣກ AIDS ຫລືວ່າ ຂ້ອຍຕິດເຊື້ອໂຣກ AIDS.”
ທ່ານນາງ Melinda Gates ແມ່ນຕິດຕາມບາດກ້າວຂອງ ສຸພາບສະຕີອາເມຣິກັນ ອີກຄົນ
ນຶ່ງ ທີ່ຮູ້ກັນດີຢູ່ໃນທົ່ວໂລກ ຊຶ່ງໃນປີແລ້ວນີ້ິ ກໍເປັນ ຜູ້ໄດ້ຮັບລາງວັນ Chatham House
ນັ້ນກໍໄດ້ແກ່ທ່ານນາງ Hillary Clinton.
