ກອງປະຊຸມໃຫຍ່ແຫ່ງຊາດ ຂອງພັກຣີພັບບລິກັນ ໃນວັນອັງຄານມື້ນີ້ ຈະເຄື່ອນໄຫວ ແນ ໃສ່ເລື້ອງເສດຖະກິດ ນຶ່ງມື້ຫຼັງຈາກທ່ານນາງ Melania Trump ໄດ້ກ່າວຕໍ່ບັນດາຜູ້ເຂົ້າຮ່ວມກອງປະຊຸມແລະປະເທດຊາດຟັງວ່າ ສາມີຂອງທ່ານນາງຄືທ່ານ Donald Trump “ເປັນຜູ້ນຳ ທີ່ໜ້າງຶດງໍ້” ແລະເປັນພຽງຄົນດຽວເທົ່ານັ້ນ ທີ່ສາມາດພາໃຫ້ມີການປ່ຽນແປງ ສຳລັບສະຫະລັດ.
ພວກທີ່ຈະກ່າວຄຳປາໄສ ໃນຕອນແລງວັນອັງຄານມື້ນີ້ ທີ່ນະຄອນ Cleveland ລັດ Ohio ປະກອບດ້ວຍບັນດາບຸກຄົນສຳຄັນສຸດຂອງພັກຈຳນວນນຶ່ງ ຮວມທັງປະທານສະ ພາຕໍ່າ ທ່ານ Paul Ryan ແລະອະດີດຜູ້ສະໝັກປະທານາທິບໍດີ ທ່ານ Chris Christie ແລະ ທ່ານ Ben Carson.
ທ່ານນາງ Melania Trump ກ່າວວ່າ “ຖ້າຫາກທ່ານຕ້ອງການຜູ້ໃດຜູ້ນຶ່ງຕໍ່ສູ້ ໃຫ້ແກ່ທ່ານ ແລະ ປະເທດຂອງທ່ານແລ້ວ ຂ້າພະເຈົ້າຮັບປະກັນໄດ້ວ່າ ທ່ານແມ່ນບຸກຄົນຜູ້ນັ້ນ.”
ທ່ານນາງເປັນຄົນເຂົ້າເມືອງ ທີ່ມາຈາກປະເທດ Slovenia ຊຶ່ງສ່ວນໃຫຍ່ແລ້ວ ບໍ່ຄ່ອຍປາ ກົດຕົວ ໃນລະຫວ່າງການໂຄສະນາຫາສຽງແລະໄດ້ໃຊ້ບາງພາກສ່ວນ ຂອງຄຳປາໄສ ບອກເລົ່າເຖິງຄວາມເປັນມາສ່ວນຕົວຂອງທ່ານນາງ.
ແຕ່ວ່າຄຳປາໄສຂອງທ່ານນາງ ໄດ້ພາໃຫ້ເກີດມີຄຳຖາມ ກ່ຽວກັບຕົ້ນຕໍທີ່ມາອັນແທ້ຈິງ ຫລັງຈາກບັນດານັກຂ່າວໄດ້ໃຫ້ຂໍ້ສັງເກດວ່າ ມີຄວາມຄ້າຍຄືກັນຢູ່ໃນຂໍ້ ຄວາມຕອນນຶ່ງ ກັບຄຳຖະແຫລງຂອງທ່ານາງ Michelle Obama ທີ່ໄດ້ກ່າວຢູ່ກອງປະຊຸມໃຫຍ່ພັກເດໂມແຄຣັດໃນປີ 2008.
ທ່ານນາງ Melania Trump ກ່າວໃນວັນຈັນວານນີ້ວ່າ “ຈາກເວລາ ທີ່ມີອາຍຸຍັງນ້ອຍຢູ່ນັ້ນ ພໍ່ແມ່ຂອງຂ້າພະເຈົ້າ ໄດ້ມີຄວາມປະທັບໃຈ ໃນໂຕຂອງຂ້າພະເຈົ້າ ກ່ຽວກັບຄຸນຄ່າເຮັດໃນການເຮັດວຽກໜັກ ສຳລັບສິ່ງທີ່ຂ້າພະເຈົ້າຕ້ອງການໃນຊີວິດ. ທີ່ຄຳເວົ້າຂອງທ່ານໄດ້ຜູກມັດທ່ານ ແລະທ່ານຕ້ອງປະຕິບັດໃນສິ່ງທີ່ທ່ານເວົ້າ ແລະທ່ານຮັກສາຄໍາໝັ້ນສັນຍານັ້ນໄວ້. ທີ່ທ່ານໃຫ້ປະຕິບັດ ຕໍ່ຄົນອື່ນດ້ວຍຄວາມນັບຖື.”
ທ່ານນາງ Obama ກ່າວຢູ່ໃນຄຳປາໄສຂອງທ່ານນາງວ່າ “ແລະທ່ານ Barack ແລະຂ້າພະເຈົ້າໄດ້ຖືກລ້ຽງດູມາ ໂດຍມີຄຸນຄ່າຫຼາຍຢ່າງທີ່ຄ້າຍຄືກັນ ເຊັ່ນວ່າ ທ່ານເຮັດວຽກໜັກໃນສິ່ງທີ່ທ່ານຕ້ອງການໃນຊີວິດ ທີ່ຄຳເວົ້າຂອງທ່ານຜູກມັດທ່ານເອງ ແລະທ່ານເຮັດໃນສິ່ງທີ່ທ່ານເວົ້າວ່າ ທ່ານຈະປະຕິບັດ ທີ່ທ່ານປະຕິບັດຕໍ່ຄົນອື່ນດ້ວຍກຽດສັກສີ ແລະດ້ວຍຄວາມນັບຖື.”
ການໂຄສະນາຫາສຽງຂອງທ່ານ Trump ໄດ້ອອກຖະແຫລງການໃນຕອນເຊົ້າວັນອັງ ຄານມື້ນີ້ ຍຶດໝັ້ນຢູ່ໃນຄຳຖະແຫລງຕໍ່ກອງປະຊຸມໃຫຍ່ໂດຍກ່າວວ່າ “ໃນ ການຄຳປາໄສທີ່ງົດງາມຂອງທ່ານນາງ ທີມນັກຂຽນ ຂອງທ່ານນາງ Melania ໄດ້ໃຫ້ຂໍ້ສັງເກດກ່ຽວ ກັບຊີວິດ ທີ່ດົນໃຈຂອງທ່ານນາງ ແລະໃນຈຳນວນນຶ່ງແມ່ນ ຮວມທັງບາງສ່ວນຄວາມຄິດ ຂອງທ່ານນາງໃນທັນໃດ. ປະສົບການທ່ານນາງ Melina ຂອງການເປັນຄົນເຂົ້າເມືອງ ແລະຄວາມຮັກຕໍ່ອາເມຣິກາຜ່ານຢູ່ໃນຄຳ ປາໄສຂອງທ່ານນາງນັ້ນ ໄດ້ເຮັດໃຫ້ ເປັນຜົນສຳເລັດ.”
ອ່ານຂ່າວນີ້ເພີ້ມເປັນພາສາອັງກິດ
ມື້ທີ 1 ກອງປະຊຸມໃຫຍ່ ພັກຣີພັບບລີກັນ
