ມີຫຼາຍກວ່າ 150 ຄົນ ເສຍຊີວິດໃນກໍາປູເຈຍແລະພາກໃຕ້ຫວຽດນາມຈາກໄພນໍ້າຖ້ວມ
ເລາະລຽບຕາມລຳແມ່ນໍ້າຂອງທີ່ຮ້າຍແຮງສຸດໃນຮອບ 11 ປີ.
ເຈົ້າໜ້າທີ່ຂອງສອງປະເທດກ່າວວ່າ ນໍ້າໄດ້ໄຫຼເຂົ້າຖ້ວມທົ່ງນາຫຼາຍພັນເຮັກຕາແລະ
ບ້ານເຮືອນຂອງຜູ້ຄົນ ພ້ອມທັງສຸເອົາຂົວໄປ ແລະບັງຄັບໃຫ້ຜູ້ຄົນຈໍານວນຫຼາຍພັນຄົນ
ໄດ້ຍົກຍ້າຍອອກຈາກບ້ານເຮືອນຂອງພວກເຂົາເຈົ້າ.
ສະພາບການແມ່ນຍັງຈະຮ້າຍແຮງລົງຕື່ມ ຖ້າລົມໄຕ້ຝຸ່ນ Nesat ທີ່ເຮັດໃຫ້ ມີຜູ້ເສຍຊີວິດ
ຢ່າງນ້ອຍ 150 ຄົນແລ້ວໃນຟິລິບປີນແລະ 3 ຄົນຈາກຈີນ ໃນສັບປະດາແລ້ວນີ້, ເຮັດໃຫ້
ຝົນຕົກໜັກເລິກເຂົ້າໄປຈາກເຂດແຄມຝັ່ງທະເລນັ້ນ ຍິ່ງຈະເຮັດໃຫ້ນໍ້າຂອງຖີບໂຕສູງຂຶ້ນ.
ໃນກໍາປູເຈຍ, ຮອງນາຍົກລັດຖະທົນຕີ ທ່ານ Yim Chhay Ly ໄດ້ກ່າວໃນວັນຈັນ
ວານນີ້ວ່າ ປະເທດຂອງທ່ານໄດ້ຮັບຜົນກະທົບຈາກສະພາວະປ່ຽນແປງຂອງດິນຟ້າອາກາດ
ໃນຮອບຫຼາຍໆປີຜ່ານມານີ້. ໄພນໍ້າຖ້ວມໄດ້ເອົາຊີວິດຜູ້ຄົນໄປແລ້ວ 150 ຄົນ ຕັ້ງແຕ່ເດືອນ
ສິງຫາເປັນຕົ້ນມາ.
ໃນຫວຽດນາມ ເຈົ້າໜ້າທີ່ກ່າວວ່າ ໄດ້ມີຢ່າງນ້ອຍ 18 ຄົນ ໄດ້ເສຍຊີວິດຈາກໄພພິບັດນີ້ໃນ
ໄລຍະ 10 ມື້ຜ່ານມານີ້.
ລັດຖະບານຂອງປະເທດເພື່ອນບ້ານຄືໃນປະເທດໄທໄດ້ກ່າວວ່າ ໄພນໍ້າຖ້ວມດັ່ງກ່າວນີ້ ໄດ້ເຮັດໃຫ້ມີຜູ້ເສຍຊີວິດໄປແລ້ວ 180 ຄົນນັບແຕ່ເດືອນສິງຫາເປັນຕົ້ນມາ.
