ທ່ານແບຣັດ ຄາແວນໍ ຜູ້ທີ່ປະທານາທິບໍດີ ສະຫະລັດ ທ່ານດໍໂນລ ທຣຳ ສະເໜີຊື່ແຕ່ງ
ຕັ້ງ ໃຫ້ເປັນຜູ້ພິພາກສາສານສູງສຸດຂອງສະຫະລັດ ທີ່ກຳລັງດີ້ນຮົນຢູ່ໃນຂະນະນີ້ ກ່າວ
ຕໍ່ໂທລະພາບຟັອກສນິວສ໌ ວ່າ ທ່ານຈະບໍ່ຍອມຖອນຊື່ຈາກການພິຈາລະນາ ທັງໆທີ່ຖືກ
ກ່າວຫາວ່າ ທ່ານໄດ້ລ່ວງລະເມີດທາງເພດ. ທ່ານໄດ້ຮຽກຮ້ອງ ໃຫ້ມີການດຳເນີນຂັ້ນ
ຕອນ ຢ່າງເປັນທຳ. ໃນຂະນະດຽວກັນ ສະມາຊິກຂອງພັກຣີພັບບລີກັນ ແລະ ພັກ
ເດໂມແຄຣັດ ພວມມີການໂຕ້ຖຽງກັນ ກ່ຽວກັບວ່າ ຈະຈັດການກ່ຽວກັບການກ່າວຫາ
ເຫຼົ່ານີ້ແບບໃດ.
ທ່ານແບຣັດ ຄາແວນໍ ຜູ້ທີ່ປະທານາທິບໍດີດໍໂນລ ທຣຳ ສະເໜີຊື່ ແຕ່ງຕັ້ງໃຫ້ເປັນຜູ້ພິ
ພາກສາສານສູງສຸດ ຂອງສະຫະລັດ ພວມທຳການຕໍ່ສູ້ຕ້ານຄືນ ການກ່າວຫາກ່ຽວກັບ
ການລ່ວງລະເມີດທາງເພດ. ໃນການໃຫ້ສຳພາດພິເສດ ໃນວັນຈັນວານນີ້ ຜູ້ພິພາກສາ
ຄາແວນໍ ໄດ້ກ່າວຕໍ່ໂທລະພາບ ຟັອກສນິວສ໌ ວ່າ “ຂ້າພະເຈົ້າຈະບໍ່ປ່ອຍໃຫ້ ການກ່າວ
ຫາທີ່ຜິດພາດ ກົດດັນໃຫ້ພວກເຮົາ ອອກຈາກຂັ້ນຕອນນີ້ໄປ.”
ການແຕ່ງຕັ້ງທ່ານຄາແວນໍ ໃຫ້ເປັນຜູ້ພິພາກສາສານສູງສຸດ ໄດ້ຖືກຂົ່ມຂູ່ຫວ່າງບໍ່ດົນ
ມານີ້ ໂດຍການກ່າວອ້າງ ຂອງທ່ານນາງ ຄຣິສຕິນ ແບລຊີ ຝອດ ທີ່ວ່າທ່ານຄາແວນໍ
ໄດ້ລວນລາມທາງເພດຕໍ່ທ່ານນາງ ເວລາພວກເພິ່ນເຂົ້າໂຮງຮຽນນຳກັນ. ແມ່ຍິງຄົນທີ
ສອງໄດ້ອອກມາ ໂດຍກ່າວອ້າງວ່າ ທ່ານຄາແວນໍໄດ້ເຜີຍແບໂຕລາວຕໍ່ນາງ ໃນຂະນະ
ທີ່ພວກເພິ່ນເປັນນັກສຶກສາຢູ່ມະຫາວິທະຍາໄລເຢລ.
ທ່ານຄາແວນໍ ໄດ້ປະຕິເສດຕໍ່ການກ່າວອ້າງທັງສອງ ໂດຍຂຽນໃນຈົດໝາຍໄປຫາ
ບັນດາຜູ້ນຳຂອງລັດຖະສະພາວ່າ ການກ່າວຫາເຫຼົ່ານັ້ນແມ່ນເປັນຄວາມພະຍາຍາມ
ທີ່ຈຳທຳລາຍ “ຊື່ສຽງ” ຂອງທ່ານ.
ຜູ້ພິພາກສາ ຄາແວນໍ ກ່າວຕໍ່ໂທລະພາບຟັອກສນິວສ໌ວ່າ “ຂ້າພະເຈົ້າບໍ່ເຄີຍລວນລາມ
ທາງເພດຕໍ່ຜູ້ໃດເລີຍ ບໍ່ວ່າຢູ່ມັດທະຍົມປາຍ ບໍ່ເຄີຍຈັກເທື່ອ.”
ປະທານາທິບໍດີທຣຳ ທີ່ໄປຖະແຫຼງຢູ່ອົງການສະຫະປະຊາຊາດ ທີ່ນະຄອນນິວ ຢອກ
ຍັງໄດ້ກ່າວປ້ອງກັນຜູ້ທີ່ທ່ານໄດ້ແຕ່ງຕັ້ງ ໂດຍເວົ້າວ່າ “ຜູ້ພິພາກສາຄາແວນໍ ເປັນບຸກ
ຄົນທີ່ດີເດັ່ນ ແລະຂ້າພະເຈົ້າ ແມ່ນສະໜັບສະໜຸນທ່ານ ຕະຫຼອດໄປ.”
ສຽງຮ້ອງດັງຂຶ້ນວ່າ “ພວກເຮົາຈະບໍ່ກັບຄືນໄປ”
ສ່ວນຢູ່ທີ່ນະຄອນຫຼວງ ວໍຊິງຕັນ ພວກປະທ້ວງຕໍ່ຕ້ານທ່ານຄາແວນໍໄດ້ຖືກຈັບ ແລະ
ຖືກນຳຕົວອອກໄປ ຂະນະທີ່ສຽງຮ້ອງໂຮຂອງພວກເຂົາເຈົ້າໄດ້ດັງກ້ອງທົ່ວຫ້ອງໂຖງ
ຂອງຕຶກລັດຖະສະພາ.
ສຽງຮ້ອງດັງຂຶ້ນອີກວ່າ “ສານຂອງໃຜ? ສານຂອງພວກເຮົາ?”
ພວກຜູ້ນຳຂອງພັກຣີພັບບລີກັນໄດ້ພາບກ່ຽວກັບການກ່າວຫານີ້ວ່າ ເປັນສ່ວນນຶ່ງ ໃນ
ການ “ປຸກລະດົມເພື່ອທຳລາຍຊື່ສຽງ” ໂດຍພັກເດໂມແຄຣັດ ທີ່ກຳລັງຕໍ່ສູ້ຄັດຄ້ານຕໍ່
ການແຕ່ງຕັ້ງທ່ານ ຕັ້ງແຕ່ເລີ້ມຕົ້ນມາແລ້ວນັ້ນ.
