ປະທານາທິບໍດີສະຫະລັດ ທ່ານບາຣັກ ໂອບາມາ ແລະຜູ້ນຳ
ສຽງຂ້າງຫຼາຍໃນສະພາສູງໃໝ່ຂອງພັກ Republican ໃຫ້
ຄຳໜັ້ນສັນຍາ ທີ່ຈະຮ່ວມມືກັນ ໃນການຮັບຜ່ານ ຮ່າງກົດ
ໝາຍຕ່າງໆ ໃນຂະນະດຽວກັນກໍຍອມຮັບວ່າການຮັບຜ່ານ
ຮ່າງກົດໝາຍຕ່າງໆນັ້ນ ຈະບໍ່ໄດ້ຮັບການຕົກລົງເຫັນດີນຳ
ກັນສະເໝີໄປ.
ນຶ່ງມື້ ຫຼັງຈາກພັກ Republican ໄດ້ຮັບໄຊຊະນະເຂົ້າຄວບ
ຄຸມທັງສອງສະພາເປັນເທື່ອທຳອິດນັບແຕ່ປີ 2007 ເປັນຕົ້ນ
ມາ ປະທານາທິບໍດີສັງກັດພັກເດໂມແກຣັດ ກ່າວໃນວັນພຸດ
ວານນີ້ວ່າ ທ່ານມີຄວາມໝັ້ນໃຈວ່າ ມີບາງເລື້ອງທີ່ພັກການ
ເມືອງສະຫະລັດມີຄວາມແຕກແຍກກັນນັ້ນ ສາມາດຕົກລົງກັນໄດ້.
ທ່ານໂອບາມາກ່າວວ່າ “ ຖ້າຫາກມີແນວຄິດໃດໆ ທີ່ພັກ Republican ທີ່ຂ້າພະ
ເຈົ້າມີຄວາມໝັ້ນໃຈວ່າ ຈະເຮັດໃຫ້ດີຂຶ້ນສຳລັບຄົນອະເມຣິກັນສາມັນ ທີ່ທາງພັກ Republican ສະເໜີມາ ທີ່ພັກເດໂມແກຣັດ ໄດ້ຄັດຄ້ານນັ້ນ ມັນຈະບໍ່ເປັນເລື້ອງທີ່ກ່ຽວພັນສຳລັບທ່ານ.ຂ້າພະເຈົ້າພຽງຢາກເຫັນແຕ່ສິ່ງໃດດຳເນີນງານໄປໄດ້ເທົ່ານັ້ນ. “
ໃນຂະນະດຽວກັນ ທ່ານ Mitch McConnell ທີ່ເຊື່ອວ່າຈະໄດ້ເປັນຜູ້ນຳສຽງຂ້າງຫຼາຍໃນສະພາສູງນັ້ນ ກ່າວວ່າ ທ່ານຈະດຳເນີນງານຮ່ວມກັນກັບທ່ານໂອບາມາ ເພື່ອໃຫ້ມີການຮັບຜ່ານສົນທິສັນຍາການຄ້າລະຫວ່າງຊາດ ແລະການປະຕິຮູບດ້ານພາສີ ແລະກ່າວຕໍ່ໄປວ່າ ພວກທ່ານໄດ້ຕົກລົງເຫັນດີໃນການໂອ້ລົມກັນທາງໂທລະສັບ ເພື່ອນຳເອົາເລື້ອງຕ່າງໆ ບ່ອນທີ່ພວກເຂົາເຈົ້າຈະສາມາດຕົກລົງກັນໄດ້ນັ້ນ.
ທ່ານ McConnell ກ່າວວ່າ ສານສະບັບນຶ່ງຂອງການເລືອກຕັ້ງ ກໍແມນວ່າ ລັດຖະບານທີ່ແຕກແຍກກັນທາງດ້ານການເມືອງ ບໍ່ຈຳເປັນຈະຕ້ອງເຮັດໃຫ້ການບໍ່ລົງລອຍກັນດຳເນີນສືບຕໍ່ໄປໃນວໍຊິງຕັນນັ້ນ ຊຶ່ງທ່ານ McConnell ກ່າວວ່າ “ ມີຫຼາຍຄົນທີ່ພາກັນເຊື່ອວ່າ ຍ້ອນພວກເຮົາມີລັດຖະບານທີ່ແຕກແຍກກັນນັ້ນ ບໍ່ໝາຍຄວາມວ່າ ພວກເຮົາຈະບໍ່ບັນລຸຜົນໃດໆ.”
ປ. ໂອບາມາ ແລະຜູ້ນຳ ສະພາສູງ ຄົນໃໝ່
ທ່ານໂອບາມາ ກ່າວທີ່ກອງປະຊຸມຕໍ່ນັກຂ່າວວ່າ ທ່ານກຳລັງພະຍາຍາມຊອກຫາທາງທຳການຕົກລົງກັນຢ່າງກວ້າງຂວາງ ກັບລັດຖະສະພາ ແຕ່ກໍຍອມຮັບຮູ້ວ່າ ສະພາທີ່ຄວບຄຸມໂດຍພັກ Republican ເບິ່ງຄືວ່າ ຈະຮັບຜ່ານຮ່າງກົດໝາຍທ່ີທ່ານບໍ່ສາມາດລົງນາມໄດ້. ທ່ານ McConnell ເຫັນດີນຳທີ່ວ່າປະທານາທິບໍດີຈະໃຊ້ສິດຍັບຍັ້ງຕໍ່ຮ່າງກົດໝາຍບາງຢ່າງຂອງພວກ Republican ນັ້ນ.
ຈຸດນຶ່ງຂອງຂໍ້ໂຕ້ແຍ້ງ ສາມາດໂຜ່ໂຕຂຶ້ນມາໄດ້ກ່ອນທ້າຍປີນີ້. ທ່ານໂອບາມາກ່າວຊ້ຳແລ້ວຊ້ຳອີກເຖິງຄຳໝັ້ນສັນຍາຕ່າງໆຂອງທ່ານກ່ຽວກັບການປ່ຽນແປງນະໂຍບາຍດ້ານການກວດຄົນເຂົ້າເມືອງຂອງປະເທດໂດຍຝ່າຍດຽວ ອັນເປັນການເຄື່ອນໄຫວອັນນຶ່ງທີ່ສາມາດອະນຸມັດໃຫ້ພວກ ອົບພະຍົບເຂົ້າເມືອງຫຼາຍລ້ານຄົນທີ່ໄດ້ເຂົ້າມາໃນປະເທດຢ່າງຜິດກົດ
ໝາຍນັ້ນ ຢູ່ໃນສະຫະລັດຕໍ່ໄປ. ທ່ານ McConnell ກ່າວວ່າ ທ່ານຫວັງວ່າ ປະທານາທິ
ບໍດີ ຄົງຈະບໍ່ດຳເນີນການໃນທຳນອງນັ້ນ. ແຕ່ທ່ານໂອບາມາ ເວົ້າວ່າ ທ່ານຈະທຳການເຄື່ອນໄຫວກ່ຽວກັບເລື້ອງນີ້ ເພາະວ່າ ສະພາຕໍ່າທີ່ຄວບຄຸມໂດຍພັກ Republican ນັ້ນ
ໄດ້ຄັດຄ້ານຕໍ່ການເອົາມາດຕະການຢ່າງຮອບດ້ານກ່ຽວກັບເລື້ອງກວດຄົນເຂົ້າເມືອງ ທີ່
ໄດ້ຮັບເຫັນດີຈາກສະພາສູງນັ້ນ.
