ບັນດາກໍາມະກອນຫລາຍສິບພັນຄົນ ພາກັນເດີນຂະບວນຢູ່ຕາມຖະ ໜົນຫົນທາງ
ໃນຫົວເມືອງຕ່າງໆທົ່ວໂລກເພື່ອເປັນຂີີດໝາຍໃນການສະເຫຼີມສະຫຼອງວັນກໍາມະ
ກອນສາກົນ ແລະຮຽກຮ້ອງໃຫ້ມີສິດທິໃນການເຮັດວຽກດີຂື້ນກວ່າເກົ່າ.
ຢູ່ເອເຊຍ ຫລາຍພັນຄົນພາກັນເຕົ້າໂຮມກັນຢູ່ເມືອງຫຼວງຂອງປະເທດໄທ ບັງກລາ
ແດັສ ແລະອິນໂດເນເຊຍ ເພື່ອສະເຫຼີມສະຫຼອງ ວັນກໍາມະກອນສາກົນ ດ້ວຍການ
ໂຮມຊຸມນຸມເດີນຂະບວນທີ່ຈັດຂື້ນໂດຍ ສະ ຫະພັນກຳມະບານຕ່າງໆ. ອົງການ
ຂ່າວຝຣັ່ງລາຍງານວ່າການໂຮມຊຸມ ນຸມເດີນຂະບວນທີ່ກຸງຈາກາຕ້າ ເປັນບ່ອນໃຫ່ຍ
ທີ່ສຸດຢູ່ໃນທະວີບດັ່ງກ່າວ.
ທີ່ປະເທດຣັດເຊຍທ່ານ Vladimir Putin ປະທານາທິບໍດີທີ່ຖືກເລືອກໃໝ່ ໄດ້ເຂົ້າ
ຮ່ວມກັບຫລາຍສິບພັນຄົນ ເດີນຂະບວນທີ່ກຸງມົສກູ. ປະ ທານາທິບໍດີຣັດເຊຍ ທ່ານ
Dmitry Medvedev ກໍ່ໄດ້ເຂົ້າຮ່ວມການ ໂຮມຊຸມນຸມເຊ່ນດຽວກັນ ຂະນະທີ່ພວກ
ເດີນຂະບວນພາກັນຖືປ້າຍຂະ ໜາດໃຫ່ຍ ສະໜັບສະໜຸນສະຫະພັນກຳມະບານ
ແລະໂຮງງານຂອງ ພວກເຂົາເຈົ້າ.
ຊາວກຣິສອີກຫລາຍພັນຄົນກໍຄາດວ່າຈະພາກັນໄປຮ່ວມການປະທ້ວງຕໍ່ຕ້ານແຜນ
ການປະຍັດມັດທະຍັດຕັດຕັດງົບປະມານຂອງລັດຖະບານ ຊຶ່ງເປັນພາກສ່ວນນຶ່ງໃນ
ການເດີນຂະບວນເນື່ອງໃນວັນກໍາມະກອນສາ ກົນ ທີ່ກຸງເອເທນ ໃນວັນອັງຄານມື້ນີ້.
ທີ່ສະຫະລັດ ພວກປະທ້ວງຕໍ່ຕ້ານຕະຫຼາດຮຸ້ນ ກໍແຜນການທີ່ຈະຈັດ ການໂຮມຊຸມ
ນຸມປະທ້ວງຂຶ້ນ ທີ່ນະຄອນ New York ເພື່ອອັດຂົວທີ່ສໍາຄັນໆ ແລະປິດບາງອາຄານ
ຂອງຕະຫຼາດຄ້າຮຸ້ນສະຫະ
