ລິ້ງ ສຳຫລັບເຂົ້າຫາ

ວັນຈັນ, ໒໒ ເມສາ ໒໐໒໔

ທ່ານແມັດຕິສ ຍ້ອງຍໍ ຄວາມສຳພັນ ອັນ ແໜ້ນແຟ້ນ ລະຫວ່າງ ສຫລ ແລະອີຈິບ


ລັດຖະມົນຕີປ້ອງກັນປະເທດສະຫະລັດ ທ່ານ ຈິມ ແມັດຕິສ ລົງຈາກເຮືອບິນ ໃນການເດີນທາງຢ້ຽມຢາມສີ່ປະເທດຄື ອິຈິບ ຈໍແດນ ຄູເວດ ແລະປາກິສຖານ.
ລັດຖະມົນຕີປ້ອງກັນປະເທດສະຫະລັດ ທ່ານ ຈິມ ແມັດຕິສ ລົງຈາກເຮືອບິນ ໃນການເດີນທາງຢ້ຽມຢາມສີ່ປະເທດຄື ອິຈິບ ຈໍແດນ ຄູເວດ ແລະປາກິສຖານ.

ຫົວໜ້າ​ກະຊວງ​ປ້ອງ​ກັນ​ປະ​ເທ​ດສະຫະລັດ ທ່ານ​ຈິ​ມ ​ແມັດ​ຕິ​ສ ກ່າວ​ວ່າ ການ​ຮ່ວມ​ມືຕໍ່​
ຕ້ານ​ການ​ກໍ່​ການ​ຮ້າຍ​ກັບອີ​ຈິບກຳລັງ​ເພີ້​ມທະວີຂຶ້ນ ​ແລະ​ສະຫະລັດ​ຍັງ​ສືບຕໍ່ໃຫ້ຄວາມ
ໝາຍ​ໝັ້ນ ​ຕໍ່ຄວາມ​ສຳພັນ​ອັນ​ແໜ້ນ​ແຟ້ນຕື່ມຂຶ້ນກັບ​ໄຄໂຣ​ເຖິງ​ແມ່ນໄດ້​ມີ​ການ​ຢຸດ​ເຊົາ
ໃນ​ການ​ໃຫ້ຄວາມຊ່ວ​ຍເຫຼືອທາງທະຫານບາງຢ່າງແກ່ ອີຈິບ ​ຍ້ອນຄວາມ​ເປັນ​ຫ່ວງ​
ກ່ຽວ​ກັບ​ສິດທິມະນຸດ​ໃນ​ຕົ້ນ​ປີ​ນີ້.“

ທ່ານ​ແມັດ​ຕິ​ສ ​ໃຫ້ຄວາມເຫັນດັ່ງກ່າວ ໃນ​ຂະນະ​ທີ່ທ່ານເດີນທາງ​ໄປຢ້ຽມຢາມ ນະຄອນ
ຫລວງ​ຂອງອີ​ຈິບ ຊຶ່ງເປັນບ່ອນ​ຢຸດ​ແວ່່​ແຫ່ງ​ທຳ​ອິດ​ໃນການ​ຢ້ຽມຢາມ​ສີ່​ປະ​ເທດ ທີ່​ຍັງ​ຈະ​
ນຳພາ​ທ່ານ ​ໄປຍັງປະເທດ​ຈໍ​ແດນ ຄູ​ເວດ ​ແລະ​ປາ​ກິ​ສຖານ.

ການ​ຢ້ຽມຢາມດັ່ງກ່າວ ມີ​ຂຶ້ນ​ໃນ​ຂະນະ​ທີ່​ກອງທັບ​ສະຫະລັດ ​ຫັນປ່ຽນຈຸດເພັ່ງເລັງ​ຢູ່​ໃນ
ພາກ​ຕາ​ເວັນ​ອອກ​ກາງ ຫຼັງ​ຈາກ​ໄດ້​ຂັບ​ໄລ່​ກຸ່ມ​ຫົວ​ຮຸນ​ແຮງ​ລັດ​ອິສລາມ ອອກຈາກ​ເມືອງ​
ຫລວງ ​ທີ່​ພວກເຂົາປະກາດຂຶ້ນ ຢູ່​ໃນ​ອີຣັກ ​ແລະ​ຊີ​ເຣຍ.

ຈຸດເພັ່ງເລັງ​ທີ່​ສຳ​ຄັນ​ໃນການ​ເດີນທາງໄປຢ້ຽມຢາມຄັ້ງນີ້ ແມ່ນຈະ​ກົດ​ດັນ​ໃຫ້​ປາ​ກິ​ສຖານ​ ຍຸຕິໃນການຖືກ​ກ່າວ​ຫາ​ວ່າມີຄວາມສຳພັນ​ກັບ​ພວກ​ກຸ່ມ​ຫົວ​ຮຸນ​ແຮງ ທີ່​ໄດ້ໂຈມ​ຕີ​ສະຫະ
ລັດ ​ແລະ​ກຳລັງແນວ​ໂຮມຢູ່​ໃນ​ອັຟກາ​ນິສຖານ​.

ທ່ານ​ແມັດ​ຕິ​ສ ​ໄດ້​ກ່າວ​ຕໍ່​ບັນດາ​ນັກ​ຂ່າວ​ວ່າ “ພວກ​ເຮົາໄດ້​ຍິນ​ຈາກ​ບັນດາ​ຜູ້ນຳ​ປາ​ກິ​ສ
ຖານ​ວ່າ ​ເຂົາ​ເຈົ້າ​ບໍ່​ໄດ້​ໃຫ້ການ​ສະໜັບສະໜູນຕໍ່​ພວກກໍ່​ການ​ຮ້າຍ ​ເພາະສະ​ນັ້ນ ຂ້າພະ​
ເຈົ້າ​ຄາດ​ວ່າ ຈະໄດ້​ເຫັນ​ການ​ເອົາບາດກ້າວຢ່າງ​ໃດ​ຢ່າງ​ນຶ່ງ​ທີ່​ຈະ ສະທ້ອນ​ຢູ່​ໃນ​ນະ​ໂຍ
ບາຍ​ຂອງ​ພວກເຂົາ​ເຈົ້າ.”

ຄົນພາກັນຢືນຢູ່ນອກວັດມຸສລິມ ບ່ອນທີ່ມີລະເບີດແຕກຢູ່ເມືອງ Bir Al-Abed ປະເທດອີຈິບ.
ຄົນພາກັນຢືນຢູ່ນອກວັດມຸສລິມ ບ່ອນທີ່ມີລະເບີດແຕກຢູ່ເມືອງ Bir Al-Abed ປະເທດອີຈິບ.

​ໃນ​ເດືອນ​ຕຸລາ​ທີ່​ຜ່າ​ມນາ ທ່ານ​ແມັດ​ຕິ​ສກ່າວ​ວ່າ ສະຫະລັດ​ຈະ​ພະຍາຍາມ “ອີກ​ເທື່ອ
ນຶ່ງ” ​ເພື່ອ​ເຮັດ​ວຽກ​ກັບ​ອິສລາມາ​ບັດ ກ່ອນ​ຈະ​ “ເອົາບາດກ້າວ​ ​ທີ່ເຫັນວ່າມີຄວາມ​ຈຳ​
ເປັນ” ​ເພື່ອ​ແກ້ໄຂ​ຕໍ່ການຖືກ​ກ່າວ​ຫາ​ວ່າ ສະ​ໜັບສະ​ໜູນ​ພວກ​ຫົວ​ຮຸນ​ແຮງ.

​ແຕ່​ກ່ອນ​ອື່ນໝົດ​ ທ່ານ​ແມັດ​ຕິ​ສ ຈະ​ຈັດ​ກອງ​ປະຊຸມ​ສອງ​ຝ່າຍຂຶ້ນ ​ໃນ​ຕອນ​ເຊົ້າ​ວັນເສົາ
ມື້ນີ້ ທີ່​ນະຄອນຫຼວງ​ໄຄ​ໂຣ ກັບ​ປະທາ​ນາ​ທິບໍດີ​ອີ​ຈິບ ທ່ານ​ອັບ​ແດລ ຟາຕຕາ ​ແອ​ລ-ຊິ​ສ
ຊີ ​ແລະ​ລັດຖະມົນຕີ​ປ້ອງ​ກັນ​ປະ​ເທດ ທ່ານ​ເຊດກີ ໂຊພີ.

ປະທານາທິບໍດີທຣໍາ ກ່າວລະຫວ່າງການພົບປະກັບ ປະທານາທິບໍດີອີຈິບ ທ່ານອັບແດລ ຟາຕຕາ ແອລ ຊີສຊີ ລະຫວ່າງກອງປະຊຸມສະມັດຊາໃຫຍ່ ສະຫະປະຊາຊາດ.
ປະທານາທິບໍດີທຣໍາ ກ່າວລະຫວ່າງການພົບປະກັບ ປະທານາທິບໍດີອີຈິບ ທ່ານອັບແດລ ຟາຕຕາ ແອລ ຊີສຊີ ລະຫວ່າງກອງປະຊຸມສະມັດຊາໃຫຍ່ ສະຫະປະຊາຊາດ.

​ອີ​ຈິບ ໃນ​ອາທິດ​ແລ້ວ​ນີ້ ​ໄດ້​ຮັບ​ຄວາມ​ເສຍ​ຫາຍ​ ຈາກອັນທີ່​ພວກ​ເຈົ້າ​ໜ້າ​ທີ່ຮ້ອງ​ວ່າ ​ເປັນ
ການ​ໂຈມ​ຕີ​ກໍ່​ການ​ຮ້າຍ​ທີ່​ຮ້າຍ​ແຮງ​ສຸດ​ໃນ​ປະຫວັດສາດ​ສະ​ໄໝ​ໃໝ່​ຂອງປະ​ເທດ ​ເວລາ
ພວກ​ຫົວ​ຮຸນ​ແຮງ 25 ຫາ 30 ຄົນ​ທີ່​ຖື​ທຸງ​ລັດ​ອິສລາມ ສັງຫານ​ພວກສູດ​ມົນ​ພາ​ວະນາ
ຫຼາຍກວ່າ 300 ຄົນຢູ່ໃນວັດ​ອິສລາມ ທີ່​ ​ພວກ​ສູ​ດມົນ​ນິ ກາຍຊູຟີ ມັກພາກັນໄປພາວະ
ນານັ້ນ.

ພວກກູ້ໄພ ກຳລັງຊ່ວຍເຫລືອນັກສຶກສາ ທີ່ຖືກຍິງຢູ່ ສະຖາບັນກະເສດສາດ ໃນເມືອງ Peshawar ປະເທດປາກິສຖານ
ພວກກູ້ໄພ ກຳລັງຊ່ວຍເຫລືອນັກສຶກສາ ທີ່ຖືກຍິງຢູ່ ສະຖາບັນກະເສດສາດ ໃນເມືອງ Peshawar ປະເທດປາກິສຖານ

ທ່ານ​ແມັດ​ຕິ​ສ ກ່າວ​ວ່າ ທ່ານ​ຈະເປັນຜູ້​ນຳພາ​ ສະ​ແດງ​ຄວາ​ມ​ເສົ້າ​ສະຫ​ລົດ​ໃຈ​ຕໍ່​ການ​
ໂຈມ​ຕີ ຊຶ່ງ​ໄດ້​ມີ​ຂຶ້ນ​ໃນເຂດ​ແຫລມໄຊນາຍ ທີ່ວຸ້ນວາຍຂອງອີຈິບນັ້ນ.

​ທ່ານ​ແມັດ​ຕິ​ສ​ໄດ້​ກ່າວວ່າ “ພວກ​ເຮົາ​ກຳລັງປະຕິບັດ​ງານ​ ຢ່າງ​ໃກ້ຊິດ ​ກັບ​ອີ​ຈິບ ກ່ຽວ
ວ່າເຂົາ​ເຈົ້າ​ຈະສາມາດ​ເອົາ​ໄຊຊະນະ ​ໄພ​ຂົ່ມຂູ່ນີ້ ໄດ້​ຢ່າງ​ໃດ” ແລະທ່ານ ກ່າວເພີີ້ມ​ເຕີມ
​ວ່າ ການ​ປະຕິບັດ​ງານ​ຮ່ວມມື ຕໍ່ຕ້ານພວກກໍ່ການຮ້າຍ ລະຫວ່າງ ສະຫະລັດກັບອີ​ຈິບ
​ໄດ້​ເພີ້​ມຂຶ້ນ ໃນລະຫວ່າງ​ທີ່​ທ່ານເປັນລັດຖະມົນຕີກະຊວງ​ປ້ອງ​ກັນ​ປະ​ເທດ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG