ລັດຖະມົນຕີປ້ອງກັນປະເທດສະຫະລັດ ທ່ານ James Mattis ໄດ້ຕົບມືຊົມເຊີຍ ໃນ
ຄວາມພະຍາຍາມຂອງຈີນ ທີ່ຈະປະຕິບັດງານຮ່ວມກັບປະຊາຄົມສາກົນ ກ່ຽວກັບເກົາ
ຫຼີເໜືອ ຢູ່ທີ່ກອງປະຊຸມຄວາມໝັ້ນຄົງປະຈຳປີທີ່ສິງກະໂປໃນວັນເສົາມື້ນີ້. ແຕ່ວ່າເວ
ລາເວົ້າເຖິງເລື່ອງທະເລຈີນໃຕ້ແລ້ວ ທ່ານໄດ້ຮ້ອງການ ສ້າງເກາະທຽມໃຫ້ກາຍເປັນຄ້າຍທະຫານ ທີ່ຍັງດຳເນີນຢູ່ຕໍ່ມາ ຂອງຈີນທີ່ນັ້ນ ແລະການບໍ່ເຄົາລົບກົດລະບຽບສາ
ກົນນັ້ນວ່າ ເປັນທີ່ຮັບເອົາບໍ່ໄດ້.
ທ່ານ Mattis ກ່າວຢູ່ໃນຄຳປາໄສຕໍ່ບັນດາຜູ້ຕາງໜ້າ ແລະສື່ມວນຊົນຢູ່ທີ່ກອງ ປະຊຸມ
ຄວາມໝັ້ນຄົງ Shangri-La ວ່າ “ພວກເຮົາບໍ່ສາມາດຮັບເອົາໄດ້ ການກະທຳຂອງຈີນ
ທີ່ມີຜົນກະທົບ ຕໍ່ຜົນປະໂຫຍດຂອງປະຊາຄົມສາກົນ ບ່ອນທຳ ລາຍຕໍ່ພື້ນຖານກົດລະ
ບຽບທີ່ໃຫ້ຜົນປະໂຫຍດແກ່ທຸກໆປະເທດທີ່ເຂົ້າຮ່ວມໃນກອງປະຊຸມມື້ນີ້ ຮວມທັງແລະ
ໂດຍສະເພາະແລ້ວແມ່ນຈີນ.”
ທ່ານກ່າວວ່າ ໃນຂະນະທີ່ການແຂ່ງຂັນລະຫວ່າງ ສອງປະເທດທີ່ມີເສດຖະກິດໃຫຍ່
ສຸດຂອງໂລກກຳລັງທີ່ຈະເກີດຂຶ້ນນັ້ນ ເປັນການຂັດແຍ້ງບໍ່ແມ່ນວ່າຈະຫລີກລ່ຽງບໍ່ໄດ້.
ທ່ານກ່າວໂດຍໃຫ້ຂໍ້ສັງເກດ ກ່ຽວກັບການສ້າງຫົວຫາດທຽມ ຂອງກອງທັບຈີນແມ່ນ
ມີຄວາມແຕກຕ່າງໄປຈາກບັນດາປະເທດອື່ນໆທີ່ໄດ້ກະທຳມາຊຶ່ງທ່ານເວົ້າວ່າ “ການ
ກໍ່ສ້າງເກາະທຽມ ແລະການສ້າງສະຖານທີ່ທາງທະຫານ ທີ່ບໍ່ສາມາດໂຕ້ຖຽງໄດ້ຢູ່ໃນ
ເຂດນ່ານນ້ຳສາກົນ ແມ່ນບ່ອນທຳລາຍ ຕໍ່ຄວາມໝັ້ນຄົງຂອງຂົງເຂດ.”
ທ່ານ Mattis ກ່າວວ່າ ການປະຕິບັດຂອງປັກກິ່ງ ແມ່ນແຕກຕ່າງບໍ່ພຽງແຕ່ໃນ ກໍລະນີ
ການໃຊ້ທຳມະຊາດເປັນອາວຸດຍຸດ ຢູ່ເທິງບັນດາເກາະທຽມເທົ່ານັ້ນ ແຕ່ ຍັງເປັນການ
“ບໍ່ເຄົາລົບຕໍ່ກົດໝາຍສາກົນຂອງຈີນ ການບໍ່ນັບຖືຜົນປະໂຫຍດ ຂອງປະເທດອື່ນໆ
ແລະຄວາມພະຍາຍາມທີ່ຈະລົບລ້າງໃນການແກ້ໄຂຕໍ່ບັນຫາ ຕ່າງໆດ້ວຍຄວາມສັນຕິ.”
ນັບແຕ່ໄດ້ເຂົ້າກຳຕຳແໜ່ງ ປະທານາທິບໍດີດໍໂນລ ທຣໍາ ໄດ້ຖືເອົາບັນຫາເກົາຫຼີເໜືອ
ເປັນເລື່ອງທີ່ສຳຄັນສຸດ ແລະຢູ່ໃນຄໍາຖະແຫລງນັ້ນ ທ່ານ Mattis ກໍໄດ້ສະທ້ອນເຖິງ
ຄວາມເປັນຫ່ວງ ທີ່ລັດຖະບານສະຫະລັດມີ ກ່ຽວກັບໄພຂົ່ມຂູ່ແລະອັນຕະລາຍທີ່ຈະ
ແຈ້ງ ຈາກເກົາຫລີເໜືອ ທີ່ມີຕໍ່ຂົງເຂດ ແລະໄກໄປກວ່ານັ້ນ.
ທ່ານກ່າວວ່າ “ພ້ອມກັບການປະກາດ ທີ່ບໍ່ມີຄວາມຮັບຜິດຊອບ ໂຄງການຂອງເກົາ
ຫລີເໜືອໃນປັດຈຸບັນ ໃຫ້ສັນຍານເຖິງຄວາມຕັ້ງໃຈ ຢ່າງຈະແຈ້ງ ແມ່ນເພື່ອໃຫ້ໄດ້
ມາຊຶ່ງລູກສອນໄຟຂີປະນາວຸດ ຕິດຫົວລະເບີດນິວເຄລຍ ຮວມທັງບັນດາລູກສອນ
ໄຟໄລຍະຍາວຂ້າມທະວີບ ທີ່ເປັນໄພຂົ່ມຂູ່ໂດຍກົງ ແລະໃນທັນທີຕໍ່ບັນດາພັນທະ
ມິດໃນຂົງເຂດຂອງພວກເຮົາ ຕໍ່ພາຄີຂອງພວກເຮົາ ແລະຕໍ່ໂລກທັງມວນ.”
ຄຳປາໄສທີ່ໜັກແໜ້ນຂອງທ່ານ ແມ່ນໄດ້ກຳຈັດປັດເປົ່າ ການຄາດຄະເນຂອງຜູ້ຄົນ
ຈຳນວນນຶ່ງທີ່ວ່າ ລັດຖະບານທຣຳ ໄດ້ມິດງຽບກ່ຽວກັບທະເລຈີນໃຕ້ ເພື່ອແລກປ່ຽນ
ໃນການຮ່ວມມືຂອງຈີນຮັບມືກັບພຽງຢາງ. ທ່ານ Mattis ກ່າວວ່າຜົນປະໂຫຍດຂອງ
ພັນທະມິດສະຫະລັດ ຈະບໍ່ຖືກນຳໃຊ້ ເປັນເຄື່ອງຕໍ່ລອງ.
