ປະທານາທິບໍດີ Chile ທ່ານນາງ Michelle Bachelet ກ່າວວ່າ ທ່ານນາງຈະເດີນທາງໄປຍັງເຂດແຄມຝັ່ງທະເລທີ່ໄດ້ຮັບຜົນ
ກະທົບຢ່າງແຮງຈາກແຜ່ນດິນໄຫວ ທີ່ແທກໄດ້ 8.3 ຣິກເຕີ ໃນ
ແລງວັນພຸດວານນີ້ ທີ່ເຮັດໃຫ້ມີຜູ້ຊີວິດ 5 ຄົນ ແລະໄດ້ມີການ
ເຕືອນໄພສຸນາມິ ຢ່າງກວ້າງຂວາງ.
ແຜນດິນໄຫວໃນແລງວັນພຸດວານນີ້ ມີຈຸດສູນກາງ ປະມານ 500 ກິໂລແມັດ ໄປທາງເໜືອ ຂອງນະຄອນຫຼວງ Santiago ແລະໄດ້ສັ່ນສະເທືອນໄປໄກເຖິງນະຄອນ Buenos Aires ທີ່ຢູ່ອີກກ້ຳນຶ່ງຂອງທະວີບ.
ແຜ່ນດິນໄຫວດັ່ງກ່າວແມ່ນໄດ້ຕິດຕາມມາໂດຍແຜ່ນດິນໄຫວຂະໜາດນ້ອຍ ຫຼື after-
shocks ອີກຈຳນວນນຶ່ງ ຊຶ່ງຍັງຜົນໃຫ້ມີຜູ້ຄົນຕ້ອງໄດ້ພາກັນຫລັບນອນຢູ່ຂ້າງນອກເພື່ອເປັນການລະ ມັດລະວັງ. ການເຕືອນໄພສຸນາມິ ຍັງມີຜົນບັງຄັບໃຊ້ຢູ່ ເປັນເວລາ
ຫຼາຍໆຊົ່ວໂມງ ຕາມເຂດແຄມຝັ່ງທະເລຂອງປະເທດ. ຂົງເຂດອື່ນທີ່ຢູ່ຫ່າງໄກ ເຊັ່ນ
ຍີ່ປຸ່ນແລະລັດຮາວາຍ ຂອງສະຫະ ລັດ ກໍກຽມພ້ອມເພື່ອຮັບມືກັບຄວາມເປັນໄປໄດ້ ທີ່ອາດຈະເກີດຟອງຍັກສຸນາມິ.
ປະທານາທິບໍດີ Bachelet ໄດ້ປະກົດຕົວທາງໂທລະພາບໃນແລງວັນພຸດວານນີ້ ຖະແຫຼງ
ກ່ຽວກັບເຫດແຜ່ນດິນໄຫວ ທີ່ໄດ້ຖະຫຼົ່ມຂົງເຂດ ໃນເວລາປະມານ 8 ໂມງແລງຕາມເວລາ
ທ້ອງຖິ່ນ.
ທ່ານນາງກ່າວວ່າ “ອີກຄັ້ງນຶ່ງ ພວກເຮົາຕ້ອງຮັບມືກັບໄພທຳມະຊາດ,” ແລະໄດ້ເອີ້ນເຫດ
ແຜ່ນດິນໄຫວ ປີ 2010 ທີ່ໄດ້ເອົາຊີວິດຜູ້ຄົນໄປ 500 ຄົນ ແລະເຮັດໃຫ້ບາງເຂດໃນເມືອງ Concepcion ຂອງ Chile ຮາບເປັນໜ້າກອງນັ້ນ.
ບ້ານເຮືອນຂອງຜູ້ຄົນ ໄດ້ພັງລົງທີ່ເມືອງ Illapel ຊຶ່ງຕັ້ງຢູ່ໃນເຂດແຄມຝັ່ງທະເລ ໃກ້ໆກັບຈຸດສູນກາງຂອງແຜ່ນດິນໄຫວ ແລະຍັງຜົນໃຫ້ໄຟຟ້າດັບ.
ເມືອງຫຼວງ Santiago ໄດ້ພາກັນຍົກຍ້າຍຜູ້ຄົນອອກຈາກສະໜາມບິນໃຫຍ່ຂອງປະເທດ.
