ກຸ່ມຕາລີບານ ໄດ້ອ້າງເອົາຄວາມຮັບຜິດຊອບ ໃນການໂຈມຕີ
ດ້ວຍລະເບີດລົດ ແລະສຽງປືນທີ່ດັງຂຶ້ນ ໃນຄຸ້ມພວກນັກການ
ທູດ ຢູ່ນະຄອນຫຼວງກາບູລ ທີ່ເຮັດໃຫ້ມີຜູ້ເສຍຊີວິດຢ່າງໜ້ອຍ
6 ຄົນ ຮວມທັງຕຳຫຼວດ 4 ຄົນ.
ນອກນັ້ນ ຍັງມີອີກຫຼາຍໆຄົນໄດ້ຮັບບາດເຈັບ ໃນການໂຈມຕີ
ທີ່ເລີ້ມຂຶ້ນໃນວັນສຸກ ແລະແກ່ຍາວມາ ຈົນຮອດ ວັນເສົາມື້ນີ້.
ໂຮງໝໍແຫ່ງນຶ່ງທີ່ບໍລິຫານງານໂດຍອົງການໆກຸສົນຂອງອີຕາ
ລີລາຍງານວ່າ ຕົນໄດ້ປິ່ນປົວພວກເຄາະຮ້າຍຫຼາຍຄົນ.
ທ້າວ Zabihullah Mujahid ໂຄສົກຂອງກຸ່ມຕາລີບານ ກ່າວຕໍ່ວີໂອເອວ່າບ້ານພັກແຫ່ງ
ນຶ່ງ ໄດ້ຕົກເປັນເປົ້າໃນການໂຈມຕີ ຍ້ອນລາວເວົ້າວ່າ ມັນໄດ້ຖືກນຳໃຊ້ ເພື່ອກິດຈະການ
ທະຫານ ແລະການສືບລັບ.
ໂຄສົກຕາລີບານ ກ່າວວ່າ ພວກເຮົາໄດ້ຕິດຕາມສິ້ງຊອມເບິ່ງບ້ານພັກຫລັງນີ້ ມາດົນນານ
ແລ້ວ ແລະໃນທີ່ສຸດ ກໍທຳການໂຈມຕີໃນມື້ນີ້. ພວກນັກລົບ ມູຈາຮີດິນ ຂະໜາດໃຫຍ່ກຸ່ມ
ນຶ່ງຂອງພວກເຮົາໄດ້ບຸກເຂົ້າໂຈມຕີເປົ້າໝາຍທີ່ສຳຄັນດັ່ງກ່າວ. ມັນເລີ້ມຂຶ້ນດ້ວຍນັກລົບ
ຂອງເຮົາຄົນນຶ່ງ ບີບຄະນວນລະເບີດທີ່ຫ້າງໃສ່ລົດໃຫ້ແຕກຂຶ້ນເພື່ອອະນຸຍາດໃຫ້ບຸກຄົນ
ອື່ນໆໄດ້ເຂົ້າໄປໃນສະຖານທີ່ແຫ່ງນັ້ນພວກເຮົາໄດ້ພົບເຫັນຊາວຕ່າງປະເທດຈຳນວນນຶ່ງ
ຢູ່ໃນຕຶກອາຄານນີ້.
ພວກທີ່ເຫັນເຫດການກ່າວວ່າ ມີຢ່າງໜ້ອຍ 3 ຄົນ ພົວພັນໃນການໂຈມຕີດັ່ງກ່າວ.
ທີ່ນະຄອນຫຼວງວໍຊິງຕັນ ໂຄສົກກະຊວງການຕ່າງປະເທດສະຫະລັດ ທ່ານ John Kirby
ກ່າວວ່າ ເຖິງແມ່ນວ່າໄດ້ເກີດຄວາມຮຸນແຮງກໍຈິງ ແຕ່ສະຫະລັດກໍຍັງເຊື່ອວ່າ ຕົນຕ້ອງສືບ
ຕໍ່ປະຕິບັດງານເພື່ອສ້າງຄວາມປອງດອງຊາດ ລະຫວ່າງທຸກພັກຝ່າຍກ່ຽວຂ້ອງໃນອັຟກາ
ນິສຖານ.
ນ
