ບັນດາເຈົ້າໜ້າທີ່ຄຸ້ມຄອງກົດໝາຍ ກ່າວວ່າ ຜູ້ຕ້ອງສົງໄສໃນການຍິງສັງຫານໝູ່ໃນ
ວັນສຸກຜ່ານມາ ທີ່ໂຮງສາຍຮູບເງົາໃນລັດ Colorado ນັ້ນ ໄດ້ສົ່ງຫໍ່ໆນຶ່ງໄປຫາຈິດ
ຕະແພດຄົນນຶ່ງທີ່ມະຫາວິທະຍາໄລ ລັດ Colorado ຊຶ່ງໃນນັ້ນ ມີປື້ມຂຽນທີ່ອະທິ
ບາຍເຖິງການໂຈມຕີດັ່ງກ່າວ.
ຫໍ່ດັ່ງກ່າວ ທີ່ລາຍງານຂ່າວເວົ້າວ່າ ມີຮວມທັງຮູບວາດພາບມືປືນຍິງໃສ່ຜູ້ຄົນນັ້ນ ແມ່ນ
ໄດ້ສົ່ງໄປ ກ່ອນເກີດເຫດການຍິງກັນ. ວັນທີ່ສົ່ງໄປແທ້ໆນັ້ນແມ່ນບໍ່ຊາບ.
ມະຫາວິທະຍາໄລລັດ Colorado ທີ່ Denver ໄດ້ກ່າວວ່າ ໄປສະນີໄດ້ເອົາຫໍ່ທີ່ໜ້າ
ສົງໄສນັ້ນໄປສົ່ງ ໃນວັນຈັນຜ່ານມານີ້ ແລະກໍໄດ້ນໍາໄປມອບໃຫ້ເຈົ້າໜ້າທີ່ຕໍາຫລວດ
ພາຍໃນບໍ່ເທົ່າໃດຊົ່ວໂມງ.
ນາຍ Holmes ຜູ້ຕ້ອງສົງໄສ ເປັນນັກສຶກສາປະລິນຍາເອກ ຂະແໜງ neuroscience
ໃນມະຫາວິທະຍາໄລດັ່ງກ່າວ ກ່ອນຈະຢຸດຮຽນໃນເດືອນແລ້ວນີ້.
ບັນດາໄອຍະການ ຄາດວ່າ ຈະທໍາການຟ້ອງຮ້ອງ ນາຍ Homes ຢ່າງເປັນທາງການ
ໃນວັນທີ 30 ກໍລະກົດນີ້. ຜູ້ກ່ຽວອາດໄດ້ຮັບໂທດທັນ ເຖິງຖືກປະຫານຊີວິດ ຖ້າຖືກຕັດ
ສິນວ່າມີຄວາມຜິດ.
ເຫດການຍິງກັນເມື່ອວັນທີ່ 20 ຜ່ານມານີ້ ໄດ້ສັງຫານ 12 ຄົນແລະເຮັດໃຫ້ບາດເຈັບ 58 ຄົນ.
ເບິ່ງສະໄລດ໌ຮູບກ່ຽວຂ້ອງກັບເລື້ອງນີ້