ລິ້ງ ສຳຫລັບເຂົ້າຫາ

ໂຮງງານຕັດຫຍິບແຫ່ງນຶ່ງ ຂອງກຳປູເຈຍ ທີ່ແຂວງ Kampong
Speu ໄດ້ໄລ່ຄົນງານຂອງຕົນ 300 ຄົນອອກຈາກວຽກ ລຸນຫຼັງ ທີ່ໄດ້ມີການເດີນຂະບວນໃນມື້ວັນພຸດຜ່ານມາ ເພື່ອຮຽກຮ້ອງຂໍ ຂຶ້ນເງິນເດືອນ.

ວີໂອເອ ພະແນກພາສາຂະແມ ລາຍງານວ່າ ພວກຄົນງານຢູ່ທີ່
ໂຮງງານຕັດຫຍິບ Sabrina Cambodia Garment Manu-
facturing ພາກັນຮຽກຮ້ອງ ຂໍຂຶ້ນເງິນເດືອນເປັນ 74 ໂດລາຕໍ່
ເດືອນ ຄື 14 ໂດລາສູງກວ່າອັດຕາຄ່າຈ້າງໃນລະດັບຕໍ່າສຸດຢູ່
ໃນປະເທດດັ່ງກ່າວ.

ການໄລ່ພວກຄົນງານເປັນຈຳນວນຫຼວງຫຼາຍ ອອກຈາກການໃນຄັ້ງນີ້ ເຊື່ອວ່າ ເປັນການ
ໄລ່ພວກຄົນງານອອກຈາກວຽກຄັ້ງນຶ່ງທີ່ໃຫຍ່ທີ່ສຸດຂອງປະເທດ ແລະໄດ້ສະແດງໃຫ້ເຫັນ ເຖິງຄວາມຍຸ່ງຍາກ ທີ່ພວກຄົນງານກຳລັງປະເຊີນຢູ່ໃນອຸດສາຫະກຳດ້ານນີ້ ຊຶ່ງເປັນຜູ້ສະ ໜອງເສື້ອຜ້າ ແລະເກີບ ໃຫ້ແກ່ບໍລິສັດຜູ້ຈຳໜ່າຍ ທີ່ສຳຄັນຕ່າງໆຂອງສະຫະລັດແລະຢູ ໂຣບແລະໄດ້ວ່າຈ້າງຊາວກຳປູເຈຍຫຼາຍໆຮ້ອຍພັນຄົນນັ້ນ.

ມີຄົນງານຢ່າງໜ້ອຍ 10 ຄົນ ໄດ້ຮັບບາດເຈັບ ໃນການປະທະກັນລະຫວ່າງການປະທ້ວງ ໃນມື້ວັນພຸດຜ່ານມານີ້.
XS
SM
MD
LG