ລົດສຳຫຼວດດາວພະອັງຄານ Curiosity ຂອງສະຫະລັດ ໄດ້
ປະສົບຜົນສໍາເລັດ ໃນການອອກແລ່ນປະຕິບັດງານເປັນເທື່ອ
ທຳອິດ ຢູ່ເທິງດາວດັ່ງກ່າວ.
ນັກວິສະວະກອນ ອົງການ NASA ທ່ານ Matt Heverly ກ່າວ
ວ່າ ລົດສຳ ຫຼວດໄດ້ເຄື່ອນຍ້າຍໄປທາງໜ້າ 4 ແມັດເຄິ່ງ ໃນວັນ
ພຸດວານີ້ ຫຼັງຈາກນັ້ນ ກໍປິ່ນໄປປິ່ນມາ ແລະຖອຍຄືນຫລັງ 2 ແມັດ
ເຄິ່ງ. ທ່ານກ່າວວ່າ ການເຄື່ອນຍ້າຍທີ່ວ່ານີ້ ໄດ້ໃຫ້ການຢືນຢັນວ່າ ດິນຂອງດາວພະອັງຄານນັ້ນມີຄວາມແໜ້ນດີ.
ຮູບພາບຈາກລົດສຳຫຼວດດາວພະອັງຄານສະແດງໃຫ້ເຫັນຮອຍລົດໃນລະຫວ່າງ ທີ່ມີ ການເຄື່ອນຍ້າຍນັ້ນ. ອົງການອະວະກາດສະຫະລັດ ຫຼື NASA ກ່າວວ່າ ລົດສຳຫຼວດ ໄດ້ເສັດສີ້ນການເກັບກໍາເອົາດີນຕົວຢ່າງຈາກໜ້າດາວພະອັງຄານ ຂະນະທີ່ທຸກສິ່ງ ທຸກ ຢ່າງ “ດຳເນີນໄປ ດ້ວຍດີທີ່ສຸດ.”
ລົດສຳຫຼວດ Curiosity ມີອຸບປະກອນເຄື່ອງມືຫຼາຍໆຢ່າງ ເພື່ອສໍາຫລວດດ້ານທໍລະນີວິ ທະຍາ ອາກາດ ແລະລະດັບຂອງລັງສີເທິງດາວພະອັງຄານ. ມັນເປັນໂຄງການປະຕິບັດ ງານສອງປີທີ່ໃຊ້ເງິນ 2 ພັນ 500 ລ້ານໂດລາ ເພື່ອຊ່ວຍສຳ ຫຼວດເເບິ່ງວ່າ ດາວພະອັງ ຄານ ເຄີຍມີສິ່ງທີ່ຊີວິດມາກ່ອນ ຫລືສາມາດຈະມີສິ່ງທີ່ມີຊີວິດໄດ້ ໃນອະນາຄົດຫຼືບໍ່.
