ລິ້ງ ສຳຫລັບເຂົ້າຫາ

ວັນພະຫັດ, 07 ກໍລະກົດ 2022

ຜູ້ຊາຍ ມາຣົກໂກ ຍອມຮັບຜິດ ໃນຂໍ້ຫາ ວາງແຜນໂຈມຕີ ຕືກສະພາ ສຫລ


ຮູບແຕ້ມຂອງນາຍ Amine El Khalifi ຢືນຢູ່ຕໍ່ໜ້າຜູ້ພິພາກສາ T. Rawles Jones Jor ທີ່ ສານ U.S. District ໃນເມືອງ Alexandria, Va. ໃນວັນສຸກ ທີ່ 17, 2012.

ຜູ້​ຊາ​ຍ ມາຣົກ​ໂກຄົນ​ນຶ່ງ ທີ່​ຖື​ກກ່າວ​ຫາ​ວ່າ ພະຍາຍາມທໍາການໂຈມ​ຕີສະລະຊີ​ບ ດ້ວຍ
ລະ​ເບີດ ​ຕໍ່​ຕຶກ​ລັດຖະສະພາ​ສະຫະລັດ ​ເມື່ອ​ຕົ້ນ​ປີ​ນີ້​ ໄດ້​ຍອມຮັບ​ຜິດ ​ແລະ​ປະເຊີນ​ກັບ​
ການ​ຕິດ​ຄຸກ​ ເປັນ​ເວລາດົນ​ເຖິງ 30 ປີ.

ນາຍ Amine El Khalifi ຄົນ​ເຂົ້າ​ເມືອງຜິດ​ກົດ​ໝາຍ ທີ່​ອາ​ໄສຢູ່​ທີ່​ລັດ Virginia ​ທາງ
​ພາກ​ຕາ​ເວັນ​ອອກ​ຂອງ​ສະຫະລັດ ໄດ້​ຍອມຮັບ​ຜິດ​ ຢູ່​ໃນ​ສານ​ຂອງລັດຖະບານ​ກາງ ​ຢູ່
​ລັດ​ດັ່ງກ່າວ ​ໃນ​ວັນ​ສຸກວານນີ້ ຊຶ່ງ​ເປັ​ນການ​ຕົກລົງ​ກັບຄະນະ​ໄອຍະ​ການ​ທີ່ໄຕ່​ສວນຄະດີ.

ນາຍ El Khalifi ອາຍຸ 29 ປີໄດ້​ຖືກ​ຈັບ​ໃນ​ເດືອນກຸ​ມພາຜ່ານ​ມາ ຢູ່​ບ່ອນ​ຈອດ​ລົດ​ຢູ່ໃກ້​
ກັບ​ຕຶກ​ລັດຖະສະພາ ຊຶ່ງ​ໄດ້​ໃສ່​ໃນ​ອັນ​ທີ່​ລາວ​ຄິດ​ວ່າ ​ເປັນ​ເສື້ອ​ໃຫຍ່​ບັນຈຸ​ລະ​ເບີດ ທີ່​
ມອບ​ໃຫ້​ໂດຍ​ກຸ່ມ​ກໍ່​ການ​ຮ້າຍ al-Qaida​. ຄວາມ​ຈິງ​ແລ້ວ ນາຍ El Khalifi ​ໄດ້​ຮັບ​ເສື້ອ​
ໃຫຍ່​ດັ່ງກ່າວ ແລະ​ປືນ ຈາກ​ເຈົ້າໜ້າ​ທີ່​ສື​ບລັບ​ຂອງສະຫ​ະລັດທີ່​ປອມ​ຕົວ​ເປັນໜ່ວຍ​ປະຕິ
ບັດ​ງານ​ຂອງ​ພວກ​ກໍ່​ການ​ຮ້າຍ al-Qaida.

ອົງການ​ສັນຕິ​ບານ​ກາງ FBI ກ່າວ​ວ່າ ທັງປືນ​ແລະ​ລະ​ເບີດແມ່ນ​ຂອງ​ປອມ ​ໃຊ້ການ​ບໍ່​ໄດ້
​ແລະ​ສາທາລະນະຊົນບໍ່​ໄດ້ຕົກຢູ່​ໃນອັນ​ຕະລາຍ​ແຕ່​ປະການ​ໃດ.

ນາຍ El Khalifi ​ໄດ້​ຖືກ​ຈັບ ຫຼັງຈາກ​ການ​ປະຕິບັດ​ງານ​ເປັນ​ເວລາຫລາຍ​ເດືອນ​ ທີ່​ພວກ
​ເຈົ້າໜ້າທີ່ FBI ​ກ່າວ​ວ່າ ລາວ​ໄດ້​ເວົ້າ​ກັບ​ບັນດາ​ນັກ​ສືບ​ທີ່​ປອມ​ຕົວ​ ກ່ຽວ​ກັບຄວາມ​ປາດ
​ຖະໜາ​ທີ່​ຈະ​ໂຈມ​ຕີ​ເປົ້າໝາຍ​ຫຼາຍແຫ່ງ ​ໃນເຂດນະຄອນຫລວງ ວໍ​ຊິງ​ຕັນ ​ເພື່ອ​ແກ້​ແຄ້ນ
ຕໍ່​ອັນທີ່​ລາວເຫັນ​ວ່າ ການ​ເຮັດ​ສົງຄາມ​ຂອງສະຫະລັດຕໍ່​ຊາວມຸສລີ​ມນັ້ນ.

ລາວ​ໄດ້​ຖືກ​ຂໍ້​ຫາວ່າ ພະຍາຍາມໃຊ້ອາວຸດທີ່​ມີ​ອະນຸ​ພາບ​ຮ້າຍ​ແຮງແລະ​ອາດ​ຈະໄດ້ຮັບ
ໂທດ​ຈຳຄຸ​ກຕະຫລອດ​ຊີວິດ ຖ້າ​ຫາກ​ຖືກ​ພົບ​ເຫັນ​ວ່າລາວ​ມີ​ຄວາມ​ຜິດ ​ຢູ່ໃນ​ການ​ດໍາ
ເນີນ​ຄະ​ດີ.

XS
SM
MD
LG