ພວກນັກສະໜຸກສະໜານຫາຄວາມມ່ວນຊື່ນໃນທົ່ວໂລກພາກັບສະເຫຼີມ ສະຫຼອງວັນ Mardi Gras ໃນວັນອັງຄານວານນີ້ ຫລືວັນອັງຄານ ອ້ວນພີ ຊຶ່ງເປັນວັນທີ່ມີການບໍລິການອາຫານທີ່ແຊບນົວຕ່າງໆ ການເດີນສວນສະໜາມ ທີ່ເຕັມໄປດ້ວຍສີສັນຕ່າງໆ ແລະງານກິນລ້ຽງດ້ວຍສຽງຟົດຟື້ນ ກ່ອນວັນເຂົ້າພັນສາ ອັນເປັນຊ່ວງເວລາ 40 ມື້ ແຫ່ງຄວາມສໍານຶກຜິດກ່ອນວັນບຸນ Easter ນັ້ນ.
ວັນເທດສະການດັ່ງກ່າວ ມີຂຶ້ນໃນຂະນະທີ່ພວກປະເທດໃນຢູໂຣບຈໍາ ນວນນຶ່ງກໍາລັງປະເຊີນໜີ້ສິນແຫ່ງຊາດຢ່າງຖ້ວມລົ້ນ ພາກັນຕັດງົບປະມານ ເງິນສົງເຄາະ ແລະໜ້າວຽກລົງ.
ແຕ່ທີ່ປະເທດ Portugal ພວກນັກສະໜຸກສະໜານຫາຄວາມມ່ວນຊື່ນ ບໍ່ຍອມປ່ອຍໃຫ້ຂ່າວເສດຖະກິດທີ່ຝືດເຄືອງນີ້ເປັນອຸບປະສັກສະກັດກັ້ນຈິດໃຈແຫ່ງການສະເຫຼີມສະຫຼອງຂອງເຂົາເຈົ້າ. ຊາວ Portugal ຫຼາຍ ໝື່ນຄົນພາກັນໃສ່ຊຸດແຕ່ງຕົວຢ່າງລະອຽດລະອໍແລະເຕັມໄປດ້ວຍສີສັນອັນງົດງາມສໍາລັບການເດີນສວນສະໜາມຕ່າງໆ ແລະການເຕັ້ນລໍາຈັງ ຫວະຊາມບາສໍາລັບເທດສະການດັ່ງກ່າວ.
ທີ່ນະຄອນ Rio di Janeiro ປະເທດ Brazil ງານກິນລ້ຽງໄດ້ເລີ້ມ ມາຕັ້ງແຕ່ວັນສຸກແລ້ວນີ້ ຊຶ່ງເປັນນຶ່ງຂອງການສະເຫຼີມສະຫຼອງທີ່ຜູ້ຄົນຮູ້ຈັກກັນຫລາຍທີ່ສຸດໃນໂລກນັ້ນ. ປະຊາຊົນໃນນະຄອນດັ່ງກ່າວ ແລະ ພວກນັກທ່ອງທ່ຽວຫລາຍແສນຄົນໄດ້ໄປເຕົ້າໂຮມກັນໃນງານກິນລ້ຽງທີ່ມີຂຶ້ນຕາມຖະໜົນຫົນທາງສາຍຕ່າງໆ. ບາງຄົນກໍພາກັນໃສ່ຊຸດແຕ່ງໂຕເປັນແມ່ຊີ ແລະເປັນພະສົງ ສະທ້ອນໃຫ້ເຫັນເຖິງທີ່ມາທາງສາສະໜາຂອງເທດສະການດັ່ງກ່າວ. ແຕ່ງານກິນລ້ຽງ ທີ່ບໍລິການເຫລົ້າ ໃນມື້ດັ່ງກ່າວນີ້ ເປັນກິດຈະການທີ່ນອກສາສະໜາໄປແລ້ວ.
ທີ່ນະຄອນ New Orleans ເມືອງໃນພາກໃຕ້ຂອງສະຫະລັດ ການຈັດແຈງຫ້າງຫາສໍາລັບການເດີນສວນສະໜາມ ໃນວັນອັງຄານວານນີ້ ໄດ້ເລີ້ມມາໄດ້ຫລາຍເດືອນແລ້ວ. ພວກກຸ່ມຕ່າງໆທີ່ເອີ້ນກັນວ່າ
“Krewes” ໄດ້ມີແນວຄິດຕ່າງໆຂຶ້ນມາສໍາລັບລົດແຫ່ຂະບວນຂອງເຂົາເຈົ້າ ແລະພວກນັກ
ສິນລະປິນພາກັນໃຊ້ເວລາຫລາຍເດືອນ ເພື່ອສ້າງແລະປະດັບຕົກແຕ່ງລົດຂອງເຂົາເຈົ້າ.
ເບິ່ງວີດີໂອ ກ່ຽວກັບຊາວນິວ ອໍລີນສ໌ ກຽມທໍາການສະຫລອງວັນ Mardi Gras
ຫລືວັນອັງຄານຕຸ້ຍ:
