ເຈົ້າໜ້າທີ່ໜ່ວຍຍາມຝັ່ງໃນລີເບຍ ກ່າວວ່າ ເຮືອລຳນຶ່ງທີ່ບັນທຸກ
ພວກ ຍ້າຍຖິ່ນຖານ ຢ່າງນ້ອຍ 200 ຄົນ ໄດ້ຂວ້ຳລົງຢູ່ໃນທະເລ
Mediterranean ໃກ້ໆກັບຝັ່ງທະເລຂອງລີເບຍ.
ເປັນທີ່ຢ້ານກັນວ່າ ສ່ວນໃຫຍ່ຂອງພວກຄົນສັນຊາດອາຟຣິກາ
ຢູ່ໃນເຮືອໄມ້ລຳດັ່ງກ່າວ ໄດ້ຈົມນ້ຳຕາຍ ໃນເວລາເຮືອຂວ້ຳ
ແລະຈົມລົງ ໃນຕອນແລງຂອງວັນສຸກຜ່ານມາ ຢູ່ທີ່ທາງທິດ
ຕາເວັນອອກຂອງນະຄອນ ຫລວງ ຕຣີໂປລີ. ໜ່ວຍຍາມຝັ່ງ
ຂອງລີເບຍ ກ່າວໃນວັນເສົາວານນີ້ວ່າ ໜ້ອຍກວ່າ 20 ຄົນ
ໄດ້ຖືກຊ່ວຍຊີວິດມາໄດ້.
ລີເບຍ ເປັນຈຸດຫຼັກສຳຫລັບເດີນທາງອອກຈາກອາຟຣິກາ ຂອງຊາວອາຟຣິກາ ທີ່ພະຍາ
ຍາມ ຈະໄປຍັງຢູໂຣບ ເພື່ອຊອກຫາວຽກເຮັດງານທຳ ແລະ ເພື່ອໜີຈາກສະພາບຄວາມຫຍຸ້ງຍາກ ຢູ່ໃນປະເທດຂອງພວກເຂົາເຈົ້າ. ອຸບັດຕິເຫດທາງທະເລ ທີ່ເກີດຂຶ້ນຢູ່ເລື້ອຍໆ
ໂດຍທົ່ວໄປແລ້ວ ແມ່ນຍ້ອນບັນທຸກຄົນເກີນກຳນົດ ແລະເຮືອທີ່ບໍ່ແໜ້ນໜາ ໄດ້ເຮັດໃຫ້
ຊາວອົບພະຍົບ ຫຼາຍຮ້ອຍຄົນ ຈາກອາຟຣິກາເໜືອ ເສຍຊີວິດໃນທຸກໆປີ.
ພວກລັກລອບຄ້າມະນຸດ ໄດ້ສວຍໂອກາດເອົາປະໂຫຍດ ຈາກຄວາມສັບສົນທາງການເມືອງຂອງລີເບຍ ແລະເຂດຊາຍແດນທີ່ປອດໂປ່ງ ຕັ້ງແຕ່ປີ 2011 ເວລາຜູ້ນຳຜະເດັດການ Moammar Gadhafi ໄດ້ຖືກໂຄ່ນລົ້ມ ແລະ ຖືກຂ້າຕາຍ ເປັນຕົ້ນມາ.
