ສຸຂະພາບ ທ່ານ Mandela ດີຂຶ້ນ ແຕ່ກໍຍັງ ໜັກຢູ່ (ສະໄລດ໌/ວີດີໂອ)

ລັດຖະບານອາຟຣິກາໃຕ້ ກ່າວວ່າ ສຸຂະພາບຂອງທ່ານ Nelson Mandela ອະດີດປະທານາທິບໍດີແລະວິລະບຸລຸດໃນການຕໍ່ຕ້ານ ລະບົບແບ່ງແຍກເຊື້ອຊາດຜິວພັນອາພາເທ່ຍັງສືບຕໍ່ດີຂຶ້ນເປັນລຳ
ດັບມາ ຈາກການປ່ວຍເປັນປອດອັກເສບ ແຕ່ກໍເວົ້າວ່າ ອາການ ຂອງທ່ານຍັງຮ້າຍແຮງຢູ່.

ໃນຖະແຫຼງການສະບັບນຶ່ງ ທີ່ນຳອອກເຜີຍແຜ່ໃນວັນພະຫັດວານ
ນີ້ ປະທານາທິບໍດີ Jacob Zuma ຮຽກຮ້ອງໃຫ້ປະຊາຊົນຊາວອາ ຟຣິກາໃຕ້ແລະໄກອອກໄປກວ່ານັ້ນ ຂໍໃຫ້ທ່ານ Madiba ຊຶ່ງເປັນ
ຊື່ຂອງທ່ານ Mandela ຈາກເຜົ່າຂອງທ່ານນັ້ນ ຢູ່ໃນການສູດມົນ ພາວະນາຂອງພວກເຂົາເຈົ້າແລະອະທິຖານໃຫ້ທ່ານຫາຍດີໄວໆ.



ວີລະບຸລຸດ ອາຍຸ 94 ປີຂອງອາຟຣິກາໃຕ້ທ່ານນີ້ ໄດ້ເຂົ້າຮັບການປິ່ນປົວພະຍາບານທີ່ໂຮງ
ໝໍ ໃນນະຄອນຫຼວງປຣີໂຕເຣຍ ໃນອາທິດແລ້ວ ໂດຍມີອາການຮ້າຍແຮງແຕ່ກໍທຸ່ນທ່ຽງ. ນີ້ ແມ່ນການເຂົ້າໂຮງໝໍເທື່ອທີສີ່ຂອງທ່ານ ນັບແຕ່ເດືອນທັນ ວາເປັນຕົ້ນມາ.

ທ່ານ Mandela ເຄີຍມີປະຫວັດກ່ຽວກັບການມີບັນຫາເລື່ອງປອດນັບຕັ້ງແຕ່ສະໄໝທີ່ທ່ານ ເປັນວັນນະໂຣກ ໃນລະຫວ່າງທີ່ທ່ານຖືກຈຳຄຸກເປັນເວລາ 27 ປີພາຍໃຕ້ລະບອບການປົກ ຄອງແບ່ງແຍກເຊື້ອຊາດຜິວພັນອາພາເທ່ຂອງອາຟຣິກາໃຕ້.

ທ່ານໄດ້ຖືກປ່ອຍໃຫ້ເປັນອິດສະຫຼະໃນປີ 1990 ແລະ 4 ປີຫຼັງຈາກນັ້ນກໍໄດ້ຖືກເລືອກເປັນ ປະທານາທິບໍດີຄົນທຳອິດ ໃນການປ່ອນບັດເລືອກຕັ້ງແບບປະຊາທິປະໄຕ ຂອງອາຟຣິກາ ໃຕ້.