ທີ່ປະເທດຈີນນັ້ນ ກໍໄດ້ເກີດເຫດການເສົ້າສະລົດໃຈຄ້າຍຄືກັນ.
ສື່ມວນຊົນຈີນກ່າວວ່າ ຜູ້ຊາຍຄົນນຶ່ງໄດ້ແທງເດັກນ້ອຍ 22 ຄົນ
ແລະຜູ້ໃຫຍ່ນຶ່ງຄົນ ຢູ່ໂຮງຮຽນປະຖົມແຫ່ງນຶ່ງ ທາງພາກກາງ
ຂອງປະເທດຈີນ ໃນວັນສຸກວານນີ້.
ອົງການຂ່າວ Xinhua ຂອງທາງການຈີນ ກ່າວວ່າ ຜູ້ຊາຍຖືມີດຄົນນັ້ນ ໄດ້ໂຈມຕີພວກເດັກນ້ອຍຢູ່ນອກໂຮງຮຽນທີ່ໝູ່ບ້ານ Chengpeng ໃນແຂວງ Henan. ຂ່າວເວົ້າວ່າ ພວກເດັກນ້ອຍ ທີ່ບໍ່ຊາບອາຍຸ ໄດ້ຮັບບາດເຈັບ ແຕ່ບໍ່ເຖິງຂັ້ນຂົ່ມຂູ່ຕໍ່ຊີວິດ.
ຕໍາຫລວດກ່າວວ່າ ຄົນຮ້າຍໄດ້ຖືກກັກໂຕໃນເວລາຕໍ່ມາ ແຕ່ບໍ່ໄດ້ບອກສາເຫດ ທີ່ເຮັດໃຫ້ເຂົາໄປແທງເດັກນ້ອຍ.
ບັນດາໂຮງຮຽນໃນປະເທດຈີນ ໄດ້ເພີ້ມການຮັກສາຄວາມປອດໄພຂຶ້ນ ຫລັງຈາກທີ່ໄດ້ມີການໂຈມຕີຕໍ່ເນື່ອງກັນຢ່າງຮ້າຍແຮງ ຕໍ່ພວກເດັກ ນ້ອຍໃນບໍ່ເທົ່າໃດປີຜ່ານມາ ຊຶ່ງຄົນຮ້າຍສ່ວນຫລາຍແມ່ນພວກຜູ້ຊາຍທີ່ມີບັນຫາໂຣກຈິດ.
ການໂຈມຕີເທື່ອຫລ້າສຸດແມ່ນເກີດຂຶ້ນໃນເດືອນສິງຫາປີນີ້ ເວລາຜູ້ຊາຍຄົນນຶ່ງ ບຸກເຂົ້າໄປໃນໂຮງຮຽນມັດທະຍົມແຫ່ງນຶ່ງ ໃນເມືອງ Nanchang ທາງພາກພາກໃຕ້ຂອງປະເທດ ແລະແທງນັກຮຽນສອງຄົນ.
ໃນເດືອນມີນາ ປີ 2010 ຜູ້ຊາຍຄົນນຶ່ງທີ່ກ່າວກັນວ່າ ເປັນດ້ອກເຕີ ໄວກາງຄົນ ທີ່ຫວ່າງງານ ໄດ້ສັງຫານເດັກນ້ອຍ 8 ຄົນດ້ວຍມີດ ທີ່ ເມືອງ Nanping ທາງພາກໃຕ້ຂອງຈີນ.
ສື່ມວນຊົນຈີນກ່າວວ່າ ຜູ້ຊາຍຄົນນຶ່ງໄດ້ແທງເດັກນ້ອຍ 22 ຄົນ
ແລະຜູ້ໃຫຍ່ນຶ່ງຄົນ ຢູ່ໂຮງຮຽນປະຖົມແຫ່ງນຶ່ງ ທາງພາກກາງ
ຂອງປະເທດຈີນ ໃນວັນສຸກວານນີ້.
ອົງການຂ່າວ Xinhua ຂອງທາງການຈີນ ກ່າວວ່າ ຜູ້ຊາຍຖືມີດຄົນນັ້ນ ໄດ້ໂຈມຕີພວກເດັກນ້ອຍຢູ່ນອກໂຮງຮຽນທີ່ໝູ່ບ້ານ Chengpeng ໃນແຂວງ Henan. ຂ່າວເວົ້າວ່າ ພວກເດັກນ້ອຍ ທີ່ບໍ່ຊາບອາຍຸ ໄດ້ຮັບບາດເຈັບ ແຕ່ບໍ່ເຖິງຂັ້ນຂົ່ມຂູ່ຕໍ່ຊີວິດ.
ຕໍາຫລວດກ່າວວ່າ ຄົນຮ້າຍໄດ້ຖືກກັກໂຕໃນເວລາຕໍ່ມາ ແຕ່ບໍ່ໄດ້ບອກສາເຫດ ທີ່ເຮັດໃຫ້ເຂົາໄປແທງເດັກນ້ອຍ.
ບັນດາໂຮງຮຽນໃນປະເທດຈີນ ໄດ້ເພີ້ມການຮັກສາຄວາມປອດໄພຂຶ້ນ ຫລັງຈາກທີ່ໄດ້ມີການໂຈມຕີຕໍ່ເນື່ອງກັນຢ່າງຮ້າຍແຮງ ຕໍ່ພວກເດັກ ນ້ອຍໃນບໍ່ເທົ່າໃດປີຜ່ານມາ ຊຶ່ງຄົນຮ້າຍສ່ວນຫລາຍແມ່ນພວກຜູ້ຊາຍທີ່ມີບັນຫາໂຣກຈິດ.
ການໂຈມຕີເທື່ອຫລ້າສຸດແມ່ນເກີດຂຶ້ນໃນເດືອນສິງຫາປີນີ້ ເວລາຜູ້ຊາຍຄົນນຶ່ງ ບຸກເຂົ້າໄປໃນໂຮງຮຽນມັດທະຍົມແຫ່ງນຶ່ງ ໃນເມືອງ Nanchang ທາງພາກພາກໃຕ້ຂອງປະເທດ ແລະແທງນັກຮຽນສອງຄົນ.
ໃນເດືອນມີນາ ປີ 2010 ຜູ້ຊາຍຄົນນຶ່ງທີ່ກ່າວກັນວ່າ ເປັນດ້ອກເຕີ ໄວກາງຄົນ ທີ່ຫວ່າງງານ ໄດ້ສັງຫານເດັກນ້ອຍ 8 ຄົນດ້ວຍມີດ ທີ່ ເມືອງ Nanping ທາງພາກໃຕ້ຂອງຈີນ.
