ຜູ້ຊາຍຄົນນຶ່ງ ນຸ່ງເຄື່ອງແບບທະຫານອັຟການິສຖານ ໄດ້ສັງຫານທະຫານອາເມຣິກາສາມ
ຄົນ ຢູ່່ໃນພາກຕາເວັນຕົກສຽງໃຕ້ຂອງອັຟການິສຖານ.
ອົງການ NATO ກ່າວວ່າ ພວກທະຫານທັງສາມ ໄດ້ຖືກສັງຫານໃນຕອນເຊົ້າຂອງວັນສຸກມື້
ນີ້ ທີ່ເມືອງ Sangin ໃນແຂວງ Helmand.
ເຈົ້າໜ້າທີ່ອັຟການິສຖານ ກ່າວວ່າ ມືປືນແມ່ນຜູ້ບັນຊາການຕໍາຫລວດ. ເຂົາເຈົ້າກ່າວວ່າ
ລາວໄດ້ເຊີນພວກທະຫານໄປກິນເຂົ້າ ບ່ອນທີ່ລາວເອົາປືນຍິງເຂົາເຈົ້າແລ້ວຫລົບໜີໄປ.
ການຍິງກັນໃນຄັ້ງນີ້ເປັນເຫດການຫຼ້າສຸດໃນການສັງຫານ ແລະໂຈມຕີຕິດຕໍ່ກັນມາເປັນລຳດັບ
ຕໍ່ທະຫານຕ່າງປະເທດ ໂດຍທະຫານອັຟການິສຖານ ຫລືພວກ ກະບົດທີ່ປອມຕົວໃສ່ເຄື່ອງ
ແບບທະຫານອັຟການິສຖານນັ້ນ.
ທະຫານອົງການເນໂຕ ໄດ້ສັງຫານທະຫານອັຟການິສຖານຄົນນຶ່ງ ໃນວັນພະຫັດວານນີ້
ເວລາລາວພະຍາຍາມທີ່ຈະຍິງສະມາຊິກກຳລັງປະສົມນາໆຊາດ ຢູ່ທີ່ຄ້າຍທະຫານແຫ່ງນຶ່ງ
ທາງພາກຕາເວັນອອກຂອງອັຟການິສຖານ.
ໃນວັນອັງຄານຜ່ານມານີ້ ອົງການເນໂຕກ່າວວ່າ ຜູ້ຊາຍສອງຄົນທີ່ນຸ່ງເຄື່ອງແບບທະຫານກອງ
ທັບແຫ່ງຊາດຂອງອັຟການິສຖານ ໄດ້ສັງຫານທະຫານຄົນ ນຶ່ງຂອງກຳລັງປະສົມນາໆຊາດ.
ພາຍໃນປີນີ້ ໄດ້ມີການໂຈມຕີຢ່າງໜ້ອຍ 25 ຄັ້ງທີ່ຮ້ອງວ່າ “ຂຽວສູ້ກັບຟ້າ” ຊຶ່ງໝາຍເຖິງສີ
ຂອງເຄື່ອງແບບທະຫານ.