ລິ້ງ ສຳຫລັບເຂົ້າຫາ

ວັນຈັນ, ໑໕ ເມສາ ໒໐໒໔

ຜູ້ຊາຍຄົນນຶ່ງ ຖືກກ່າວຫາ ວາງແຜນກໍ່ການຮ້າຍ ໃນ ສຫລ


ທ້າວ Abdirahman Sheik Mohamud (ຊ້າຍ) ກຳລັງເວົ້າກັບ ທະນາຍຄວາມຂອງລາວ ທ່ານ Sam Shamansky.
ທ້າວ Abdirahman Sheik Mohamud (ຊ້າຍ) ກຳລັງເວົ້າກັບ ທະນາຍຄວາມຂອງລາວ ທ່ານ Sam Shamansky.

ຜູ້​ຊາຍຈາກ​ລັດ Ohio ຄົນ​ນຶ່ງ ທີ່​ໄດ້​ເດີນທາງ​ໄປປະ​ເທດຊີເຣຍ
​ໃນ​ປີ​ແລ້ວ​ນີ້ ປະ​ເຊີນ​ໜ້າກັບຂໍ້ຫາ​ກໍ່​ການ​ຮ້າຍ ໂດຍໄດ້​ຮັບ​ການ
​ເຝິກແອບ​ຄຽງບ່າ​ຄຽງ​ໄຫລ່​ກັບພວກ​ກໍ່​ການ​ຮ້າຍ​ໃນ​ຊີ​ເຣຍ ​ແລະ
​ກັບ​ຄືນ​ມາສະຫະລັດ ໂດຍມີ​ຈຸດປະສົງ​ ເພື່ອ​ທຳການໂຈມ​ຕີ​ຄຸກ
ທະຫານຂອງສະຫະລັດ.

ທ້າວ Abdirahman Sheik Mohamud ອາຍຸ​ຊາວ​ສາມ​ປີ ຈາກ​
ເມືອງ Columbus ລັດ Ohio ​ໄດ້​ຖືກ​ພົບເຫັນວ່າມີຄວາມຜິດ
ໂດຍຄະນະ​ຕຸລາການ ຂອງລັດຖະບານ​ກາງສະຫະລັດ ​ໃນ​ວັນ
​ພະຫັດ​ວານ​ນີ້.

ກະຊວງ​ຍຸຕິ​ທຳ ສະຫະລັດ ກ່າວ​ວ່າ ທ້າວ Mohamud ​ໄດ້​ກັບມາ​ຈາກຊີ​ເຣຍ ​ໂດຍ​ມີ​ຈຸດ
ປະສົງ​ທີ່​ຈະ​ທຳ​ການ​ໂຈມຕີ ຄ້າຍ​ທະຫານ ຢູ່​ລັດ Texas ​ແລະ “ສັງຫານທະຫານ ອາ​ເມ
ຣິກັນ ສາມ ຫລື​ສີ່​ຄົນ ດ້ວຍ​ວິ​ທີ​ຍິງ​ແບບ​ສັງຫານ.”

ສຳນວນຟ້ອງກ່າວວ່າ ທ້າວ Mohamud ​ໄດ້​ເດີນ​ທາງ​ໄປ​ຊີ​ເຣຍ ​ໃນ​ເດືອນ​ເມ​ສາ ປີ 2014
ບ່ອນ​ທີ່​ລາວ​ໄດ້​ຮັບ​ການ​ເຝິກ​ແອບ “ຍິງ​ປືນ ບຸກ​ເຂົ້າໄປໃນ​ເຮືອນ​ຊານ ວາງ​ລະ​ເບີດ ​ແລະ
​ການ​ຕໍ່ສູ້​ດ້ວຍ​ມື”

​ແຕ່່ວ່າ ກ່ອນການ​ໃຊ້​ການ​ເຝິກ​ແອບ ​ເພື່ອ​ເຂົ້າ​ຮ່ວມການ​ສູ້​ລົບ​ຢູ່​ໃນ​ຊີ​ເຣຍນັ້ນ ສຳນວນ
ຟ້ອງກ່າວ​ວ່າ ທ້າວ Mohamud ​ໄດ້​ແນະ​ນຳໂດຍນັກ​ສອນ​ສາສະໜາ​ຄົນ​ນຶ່ງ ​ໃຫ້​ກັບ​ຄືນ
​ມາສະຫະລັດ ລາວ​ໄດ້​ສົນທະນາ​ທີ່​ຈະ​ອອກ​ປະຕິບັດ​ງານ ຢູ່​ໃນສະຫະລັດ.”

ທ້າວ Mohamud ​ເກີດ​ຢູ່ Somali ແລະໄດ້ໂອນສັນຊາດ ​ເປັນອາ​ເມຣິກັນ. ອ້າຍ​ຂອງ​
ລາວ ທ້າວ Abdifatah Aden Mohamud ​ໄດ້​ຖືກ​ສັງຫານ​ໃນ ການ​ສູ້​ລົບໃຫ້ແກ່ກຸ່ມ
al-Nusra Front ຢູ່​ໃນ​ຊີ​ເຣຍ ​ໃນ​ເດືອນ​ມິຖຸນາ​ປີກາຍ.

US Terrorism
please wait
Embed

No media source currently available

0:00 0:00:19 0:00

XS
SM
MD
LG