ທ່ານ Diocounda Traore ປະທານສະພາແຫ່ງຊາດມາລີ ເຂົ້າຮັບໜ້າທີ່ເປັນປະທານາ
ທິບໍດີຊົ່ວຄາວຄົນໃໝ່ຂອງປະເທດຫຼັງຈາກໄດ້ສາບານໂຕເຂົ້າຮັບຕໍາແໜ່ງໃນວັນພະຫັດມື້ນີ້.
ທ່ານ Traore ຈະມີເວລາເຖິງ 40 ມີ້ເພື່ອຈັດແຈງໃຫ້ມີການເລືອກຕັ້ງຂຶ້ນໃໝ່.
ທ່ານ Traore ເຂົ້າກໍາອໍານາດໃນຖານະເປັນພາກສ່ວນນຶ່ງຂອງຂໍ້ຕົກລົງໂອນອໍານາດລະ
ຫວ່າງປະຊາຄົມເສດຖະກິດຂອງພວກປະເທດໃນທະວີບອາຟຣິກາຕາເວັນຕົກ ຫຼື ECO-
WAS ແລະພວກທະຫານທໍລະຍົດ ຂອງມາລີ ທີ່ປົດອະດີດປະທານາທິບໍດີ Amadou
Toumani Toure ອອກຈາກຕຳແໜ່ງໃນເດືອນແລ້ວນີ້.
ຕັ້ງແຕ່ທະຫານໄດ້ກໍ່ລັດຖະປະຫານຂຶ້ນມາ ພວກກະບົດ Tuareg ທີ່ໄດ້ຮັບການຊ່ອຍເຫຼືອ
ຈາກພວກມຸສລິມຫົວຮຸນແຮງ ໄດ້ເຂົ້າຍຶດເອົາພື້ນທີ່ອັນກວ້າງໃຫຍ່ ໃນພາກເໜືອຂອງມາລີ
ແລະປະກາດເປັນປະເທດເອກະລາດທີ່ພວກເຂົາເອີ້ນວ່າ ປະເທດ Azawad.
ປະຊາຄົມ ECOWAS ໄດ້ໃຫ້ຄໍາໝັ້ນສັນຍາຈະຊ່ອຍມາລີ ທໍາການຕໍ່ສູ້ ກັບພວກກະບົດ
ນັ້ນ.
ເຈົ້າໜ້າທີ່ກຸ່ມ ECOWAS ທ່ານນຶ່ງກ່າວກັບວີໂອເອວ່າ ກຸ່ມຈະຮຽກກອງປະຊຸມສຸດຍອດສຸກ
ເສີນຂຶ້ນກ່ຽວກັບຄວາມໝັ້ນຄົງ ໃນພາກເໜືອມາລີໃນວັນພະຫັດມື້ນີ້ ທີ່ນະຄອນຫຼວງການຄ້າ
Abidjan ຂອງ Ivory Coast ນັ້ນ.
ທ່ານ Abdel-Fatau Musah ຫົວໜ້າດ້ານພົວພັນກັບຕ່າງປະເທດຂອງປະຊາຄົມ ECO-
WAS ກ່າວວ່າ ພວກເຮົາເກືອບວ່າຢູໃນຈຸດ ທີ່ຈະແກ້ໄຂເລື້ອງການກໍ່ລັດຖະປະຫານຂຶ້ນນີ້
ໄດ້ແລ້ວ ແລະນັ້ນກໍຄືການກັບຄືນໄປສູ່ການປົກຄອງດ້ວຍກົດໝາຍລັດຖະທໍາມະນູນ ຢູ່ໃນ
ປະເທດແລະທ່ານກ່າວຕື່ມວ່າ ຄວາມຕັ້ງໃຈຂອງພວກເຮົາໃນປັດຈຸບັນນີ້ແມ່ນພະຍາຍາມທີ່
ຈະບຸກໂຈມຕີເອົາພື້ນທີ່ທີພວກກະບົດຍຶດເອົານັ້ນຄືນ.
ພວກກະບົດ Tuareg ທີ່ເອີ້ນຕົນເອງວ່າ ຂະບວນການແຫ່ງຊາດເພື່ອປົດປ່ອຍ Azawad
ໄດ້ຄວບຄຸມພື້ນທີ່ສ່ວນຫຼາຍໃນພາກເໜືອຂອງມາລີຮວມທັງເມືອງ Gao ແລະເມືອງ Tim-
buktu.
ທ່ານ Musah ເຕືອນພວກກະບົດວ່າ ພວກເຂົາອາດສາມາດປະເຊີນໜ້າ ກັບການປະຕິ
ບັດງານທາງທະຫານຢ່າງຮ້າຍແຮງໄດ້ ຖ້າພວກເຂົາບໍ່ຍອມເຈລະຈາເພື່ອຍຸດຕິການກໍ່ການ
ກະບົດນີ້.