ທະຫານມາລີ ເຂົ້າຍຶດເອົາ ຫົວເມືອງທີສອງ ຈາກກະບົດ (ວີດິໂອ)

ເຈົ້າໜ້າທີ່ໃນມາລີເວົ້າວ່າ ກໍາລັງທະຫານຂອງຕົນທີ່ໄດ້ຮັບ
ການໜຸນຫລັງ ໂດຍຝຣັ່ງໄດ້ເຂົ້າຍຶດເອົາຫົວເມືອງທີສອງທີ່
ຖືກພວກຫົວຮຸນແຮງອິສລາມ ຍຶດໄປນັ້ນຄືນໄດ້ແລ້ວ.

ພວກເຈົ້າໜ້າທີ່ທ້ອງຖິ່ນເວົ້າວ່າ ພວກຫົວຮຸນແຮງໄດ້ຖືກຂັບ
ໄລ່ອອກຈາກ ເມືອງ Diabaly ທີ່ຕັ້ງຢູ່ປະມານ 400 ກິໂລ
ແມັດຫ່າງຈາກນະຄອນຫຼວງ Bamako ໄປທາງພາກຕາເວັນ
ອອກສຽງເໜືອນັ້ນ. ໃນວັນພະຫັດຜ່ານມານີ້ ມີລາຍງານວ່າ ມີການຕໍ່ສູ້ກັນຢ່າງໜັກລະຫວ່າງທະຫານຝຣັ່ງ ແລະພວກ
ຫົວຮຸນແຮງຢູ່ທີ່ເມືອງ Diabaly ຊຶ່ງພວກຫົວຮຸນແຮງອິສລາມ
ໄດ້ເຂົ້າຍຶດເອົາໃນວັນຈັນຜ່ານມາ.

ຍັງບໍ່ໄດ້ຮັບການຢືນຢັນໃນທັນທີທັນໃດເທື່ອກ່ຽວກັບການເຂົ້າຍຶດເອົາເມືອງດັ່ງກ່າວຄືນ ຈາກກອງທັບມາລີ ຫລືກຳລັງຂອງຝຣັ່ງ.

ກ່ອນໜ້ານັ້ນ, ເຈົ້າໜ້າທີ່ມາລີ ແລະຝຣັ່ງເວົ້າວ່າ ກໍາລັງທະຫານມາລີໄດ້ ເຂົ້າຍຶດເອົາເມືອງ
Konna ທີ່ຢູ່ທາງຕາເວັນອອກຂອງເມືອງ Diabaly ນັ້ນຄືນແລ້ວ. ກອງທັບມາລີເວົ້າວ່າ
ຕົນໄດ້ “ຄວບຄຸມ” ຕົວເມືອງ Konna “ໄດ້ທັງໝົດ” ລຸນຫລັງໄດ້ສ້າງ “ຄວາມເສຍຫາຍ ຢ່າງໜັກ” ໃຫ້ແກ່ພວກກະບົດຫົວຮຸນ ແຮງອິສລາມຢູ່ທີ່ນັ້ນ.

ພວກຫົວຮຸນແຮງໄດ້ເຂົ້າຍຶດເອົາເມືອງດັ່ງກ່າວໃນອາທິດແລ້ວນີ້ ຊຶ່ງໄດ້ເຮັດໃຫ້ຝຣັ່ງສົ່ງ ທະຫານເຂົ້າໄປແຊກແຊງຢູ່ໃນມາລີ ຊຶ່ງເປັນ ອະດີດຫົວເມືອງຂຶ້ນຂອງຕົນນັ້ນ.

ເຖິງແມ່ນມີການສູ້ລົບກັນຢູ່ພາກເໜືອ ເມືອງຫລວງຂອງມາລີກໍຍັງມີສະພາບປົກກະຕິ: