ເຈົ້າໜ້າທີ່ອະວຸໂສທ່ານນຶ່ງຂອງອົງການສະຫະປະຊາຊາດພວມຢູ່ໃນລະຫວ່າງການຢ້ຽມຢາມ
ເກາະ Maldives ໃນວັນສຸກມື້ນີ້ເພື່ອເຈລະຈາຫາລືກັບປະທານາທິບໍດີຄົນປັດຈຸບັນແລະອະ
ດີດປະທານາທິບໍດີໃນການຊອກຫາຊ່ອງທາງແກ້ໄຂສະຖານະການທາງດ້ານການເມືອງຢູ່ໃນ
ປະເທດເກາະດອນ ທີ່ຕັ້ງຢູ່ໃນເຂດມະຫາສະມຸດອິນເດຍດັ່ງກ່າວ ດ້ວຍຄວາມສັນຕິ.
ທ່ານ Oscar Fernandez-Taranco ໄດ້ຮຽກຮ້ອງໃຫ້ຜູ້ນຳການເມືອງທຸກໆຄົນຕັ້ງຢູ່ໃນ
ຄວາມສະຫງົບແລະປ້ອງກັນບໍ່ໃຫ້ເກີດຄວາມຮຸນແຮງໃດໆກໍຕາມ.
ໃນວັນພະຫັດວານນີ້ ໄດ້ມີການອອກໝາຍຈັບອະດີດປະທານາທິບໍດີ Moha-med Na-
sheed ນຶ່ງມື້ຫຼັງຈາກໄດ້ເກີີດການປະທະກັນຢ່າງຮຸນແຮງລະຫວ່າງຕຳຫຼວດແລະພວກສະ
ໜັບສະໜຸນທ່ານ ທີ່ໄດ້ແຜ່ລາມຈາກນະຄອນຫຼວງໄປສູ່ຫຼາຍດອນທີ່ຢູ່ອ້ອມແອ້ມ.
ທ່ານ Nasheed ຜູ້ນຳທີ່ໄດ້ຖືກເລືອກແບບປະຊາທິປະໄຕຄົນທຳອິດຂອງປະ ເທດກ່າວວ່າ
ທ່ານໄດ້ຖືກບັງຄັບໃຫ້ລາອອກຈາກຕຳແໜ່ງໃນການກໍ່ລັດຖະປະຫານແລະມີຄວາມຢ້ານກົວ
ວ່າ ປະທານາທິບໍດີຄົນໃໝ່ທ່ານ Mohammed Waheed Hassan ມີສ່ວນພົວພັນ ໃນ
ການພະຍາຍາມກໍ່ລັດຖະປະຫານດັ່ງກ່າວ. ທ່ານໄດ້ຮຽກຮ້ອງໃຫ້ຂະແໜງການຕຸລາການ
ຂອງປະເທດທຳການສືບສວນສອບສວນເບິ່ງພວກທີ່ຮັບຜິດຊອບໃນການຂັບໄລ່ທ່ານອອກ
ຈາກອຳນາດ.
ປະທານາທິບໍດີ Hassan ໄດ້ປະຕິເສດຕໍ່ການກ່າວຫາທີ່ວ່າທ່ານມີສ່ວນພົວພັນນຳການກໍ່
ລັດຖະປະຫານ. ທ່ານເວົ້າວ່າ ທ່ານບໍ່ໄດ້ກະກຽມທີ່ຈະຂຶ້ນປົກຄອງປະເທດແລະຈະແຕ່ງຕັ້ງ
ຄະນະລັດຖະບານສາມັກຄີຊາດໃນໄວໆນີ້.