ລິ້ງ ສຳຫລັບເຂົ້າຫາ

ຕໍາຫລວດ ມາເລເຊຍ ທັບມ້າງ ການປະທ້ວງ


ຜູ້ປະທ້ວງຄົນນຶ່ງແກ່ວງບັ້ງລະເບີດນໍ້າຕາຄືນໃສ່ ຕໍາຫລວດທີ່ກູງ ກົວລໍາເປີ ມາເລເຊຍ ວັນທີ່ 28 ເມສາ 2012.

ເຈົ້າ​ໜ້າ​ທີ່​ຕໍາຫລວດມາ​ເລ​ເຊຍ ໄດ້​ຍິງ​ລ​ະ​ເບີ​ດນໍ້າຕາ​ແລະໃຊ້​ທໍ່​ສີດ​ນໍ້າ​ຂະໜາດ​ໃຫຍ່
ສາດໃສ່​ພວກ​ປະ​ທ້ວງ​ຫລາຍ​ສິິບ​ພັນ​ຄົນ ທີ່​ພາກັນໂຮມ​ຊຸມນຸມໃນ​ເຂດ​ໃຈກາງນະຄອນ
ຫຼວງກົວ​ລາ​ລໍາ​ເປີ​ໃນ​ວັນ​ເສົາມື້ນີ້ ​ເພື່ອ​ຮຽກຮ້ອງໃຫ້​ມີ​ການປະຕິຮູ​ບ​ການ​ເລືອກ​ຕັ້ງ.

ພວກ​ປະ​ທ້ວງຢ່າງ​ນ້ອຍ 25.000 ​ຄົນ​ພາກັນ​ໄດ້​ຂ້າມຮົ້ວໜາມໝາກ​ຈັບທີ່​ກັ້ນເອົາໄວ້ ​
ໃນ​ຂະນະ​ທີ່​ເຂົາ​ເຈົ້າລຸ​ຫລັ່ງ​ເຂົ້າ​ໄປຍັງ​ຈະຕຸ​ລັດ​ເອກ ກະລາດ ​ທີ່​ມີ​ຍາມ​ຮັກສາ​ການຢ່າງ​
ໜາ​ແໜ້ນ ​ໂດຍ​ບໍ່​ເອົາ​ຫົວຊາ​ຕໍ່​ຄຳ ສັ່ງ​ຫ້າມ​ບໍ່​ໃຫ້​ໂຮມ​ຊຸມນຸມ​ປະ​ທ້ວງຢູ່​ສະຖານ​ທີ່​ດັ່ງ
ກ່າວຊຶ່ງ​ຕັ້ງຢູ່​ໃນ​ເຂດ ​ໃຈກາງ​ນະຄອນຫຼວງມາ​ເລ​ເຊຍ​ນັ້ນ.

ຕໍາຫລວດຍັງ​ໄດ້​ປິດ​ກັ້ນສະຖານ​ທີ່​ຫລາຍໆ​ແຫ່ງໃນ​ນະຄອນຫຼວງ ​ແຕ່​ທ່ານ Anwar
Ibrahim ຊຶ່ງ​ເປັນ​ຜູ້ນຳ​ຝ່າຍ​ຄ້ານ ກ່າວ​ກ່ອນໜ້ານີ້​ວ່າ ພວກ​ປະ​ທ້ວງ​ມີ​ຈຸດ​ປະສົງ​ທີ່​ຈະ​
ພາກັນ​ເດີນ​ຂະ​ບວນໄປ​ຫາ​ຈະຕຸ​ລັດ​ແຫ່ງນີ້.

ທ່ານ Anwar ​ເວົ້າວ່າ “​ດັ່ງນັ້ນ ຕໍາຫລວດ​ຈຶ່ງເຂົ້າ​ໃຈ ອະນຸຍາດ​ໃຫ້​ພວກ​ເຮົາເດີນ​
ຂະ​ບວນ​ໄດ້ ​ມັນ​ມີຢູ່​ຫ້າຈຸດທີ່​ເປັນແບບ​ນີ້. ພວກເຮົາ​ຕ້ອງໄດ້​ໄປ​ເຕົ້າ​ໂຮມ​ກັນ ຫລັງ​ຈາກ
ການ​ສວດ​ມົນ​ພາວະນາ​ແລ້ວ ​ພວກເຮົາ​ຕ້ອງ​ໄດ້ຍ້າຍ​ ​ແລະ​ເບິ່ງວ່າ ​ຈະ​ມີ​ຫຍັງ​ເກີດ​ຂື້ນ​
ອີກ. ​ແຕ່​ວ່າມັນ​ເປັນ​ສິ່ງ ສໍາຄັນ​ທີ່​ສຸດ ທີ່​ພວກເຮົາ​ມີ​ຊາວ​ມາ​ເລ​ເຊຍ ຈາກ​ທຸກໆ​ປະຊາ​ຄົມ
ທຸກກຸ່ມຜີວພັນ ເຂົ້າ​ເຕົ້າ​ໂຮມ​ກັນ ຮຽກຮ້ອງ​ໃຫ້​ມີ​ການເລື​ອກຕັ້ງ​ ທີ່​ຍຸຕິ​ທຳແລະເສຣີ ​
ແລະ​ຢຸດເຊົາ​ການ​ສໍ້​ໂກງຄະ​ແນນ​ສຽງ.

XS
SM
MD
LG