ສານຂອງມາເລເຊຍໄດ້ອະນຸຍາດ ໃຫ້ສົ່ງຊາຍຊາວອິຣ່ານຄົນນຶ່ງ ໄປໃຫ້ປະເທດໄທ ໃນຖານ
ເປັນຜູ້ຕ້ອງສົງໃສ ມີສ່ວນພົວພັນໃນຄະດີວາງລະເບີດໂຈມຕີນັກ ການທູດອິສຣາແອລ ໃນ
ປະເທດໄທ.
ນາຍ Masoud Sedaghatzadeh ໄດ້ຖືກຈັບກຸມ ຢູ່ສະໜາມບິນມາເລເຊຍໃນວັນທີ 14
ກຸມພາ ບໍ່ດົນຫຼັງຈາກໄດ້ເກີດເຫດລະເບີດແບບອຸບັດຕິເຫດ ຢູ່ເຮືອນຫລັງທີ່ບາງກອກ
ບ່ອນທີ່ເຈົ້າໜ້າທີ່ໄດ້ຄົ້ນພົບລະເບີດນັ້ນ. ຕໍາຫຼວດໄທກ່າວວ່າ ມີຄົນເຫັນ ນາຍ Sedag-
hatzadeh ແລະຊາຍຊາວອິຣ່ານອີກ 2 ຄົນ ທີ່ເວລານີ້ຖືກທາງການໄທຄວບຄຸມໂຕໄວ້ນັ້ນ
ອອກຈາກເຮືອນຫຼັງນັ້ນໄປ.
ທະນາຍຄວາມຂອງນາຍ Sedaghatzadeh ກ່າວວ່າ ລູກຄວາມຂອງຄົນ ບໍ່ມີຄວາມຜິດ
ແລະຈະອຸທອນຕໍ່ສານ.
ໄອຍະການ ທ່ານ Kamal Baharin Omar ກ່າວວ່າ ນາຍ Sedaghat-zadeh ຍັງສາມາດ
ທີ່ຈະຍື່ນອຸທອນທາງກົດໝາຍ ຕໍ່ການຕັດສິນຂອງສານໄດ້.
ພວກເຈົ້າໜ້າທີ່ໄທ ໄດ້ກ່າວວ່າ ບັນດາການທູດອິສຣາແອລ ໃນບາງກອກ ອາດໄດ້ເປັນ
ເປົ້າໝາຍຂອງແຜນການວາງລະເບີດ ທີ່ມີການກ່າວຫານັ້ນ.
