ກອງທັບເຮືອມາເລເຊຍຖະແຫລງວ່າ ທາງກອງທັບໄດ້ກັກຂັງພວກໂຈນທະເລໂຊມາເລຍໄວ້ 7 ຄົນ ທີ່ພະຍາຍາມຈະຈີ້ເອົາກໍາປັ່ນບັນທຸກເຄມີລຳນຶ່ງຢູ່ໃນອ່າວ Aden.
ທາງການກອງທັບເຮືອຍັງເວົ້າອີກວ່າ ລູກເຮືອ 23 ຄົນຢູ່ໃນກຳປັ່ນ MT Bunga Laurel ໄດ້ຖືກຊ່ອຍເອົາຊີວິດໄວ້ໄດ້ ໃນວັນສຸກຜ່ານມານີ້ ລຸນຫລັງທີ່ພວກໂຈນທະເລທີ່ມີອາວຸດຄົບຊຸດ ໄດ້ພະຍາຍາມຢຶດເອົາກຳປັ່ນລຳດັ່ງກ່າວ. ພວກໂຈນທະເລສາມຄົນໄດ້ຮັບບາດເຈັບໃນລະຫວ່າງທີ່ມີການຍິງປືນຕໍ່ສູ້ກັນຢູ່ນັ້ນ ແຕ່ບໍ່ມີລາຍງານກ່ຽວກັບການບາດເຈັບຂອງພວກລູກເຮືອແຕ່ຢ່າງໃດ.
ໃນວັນສຸກຜ່ານມານີ້ ພວກໜ່ວຍກ້າຕາຍ ຫຼືກອມມັງໂດ
ຂອງເກົາຫຼີໃຕ້ ກໍໄດ້ບຸກເຂົ້າໄປຊ່ອຍພວກລູກເຮືອ 21
ຄົນ ໃນກຳປັ່ນບັນທຸກສິນຄ້າລຳນຶ່ງທີ່ຖືກຈີ້ໃນບໍລິເວນ
ທະເລອາເຣບຽນ ແລະໄດ້ສັງຫານພວກໂຈນທະເລໂຊ
ມາເລຍ 8 ຄົນໃນລະຫວ່າງການຕໍ່ສູ້ກັນຢູ່ນັ້ນ.
ໃນຊຸມປີໝໍ່ໆມານີ້ ພວກໂຈນທະເລໂຊມາເລຍຫາເງິນໄດ້ເປັນຫລາຍລ້ານໂດລາ ໂດຍການຈີ້
ເອົາກໍ່າປັ່ນບັນທຸກສິນຄ້າຕ່າງໆ. ສະຫະພາບຢູໂຣບທີ່ມີກອງກໍາລັງທະຫານຕໍ່ຕ້ານການປຸ້ນ
ສະດົມໃນທ້ອງທະເລ ເວົ້າວ່າ ເວລານີ້ພວກໂຈນທະເລກໍາລັງຢຶດກໍາປັ່ນໄວ້ຢ່າງໜ້ອຍ 25
ລຳ ພ້ອມກັບກັກລູກເຮືອໄວ້ເປັນໂຕປະກັນ ຫລາຍກວ່າ 600 ຄົນ.