ຂ່າວນອງນັນທາງການເງິນ ທີ່ພົວພັນກັບນາຍົກລັດຖະມົນຕີມາເລເຊຍ ຍັງສືບຕໍ່ເປັນເງົາ ບົດບັງ ຕະຫລາດການເງິນ ແລະການເມືອງຂອງປະເທດ ນຶ່ງປີຫລັງຈາກໄດ້ມີການກ່າວ ຫາ ກ່ຽວກັບການໃຊ້ເງິນກອງທຶນໄປໃນທາງທີ່ບໍ່ຖືກຕ້ອງໄດ້ມີການຕັ້ງຄຳຖາມ.
ຄວາມສົນໃຈໄດ້ຫລຸດລົງຢ່າງຫຼວງຫລໍາຍສຳລັບບໍລິສັດການລົງທຶນຂອງລັດຖະບານມາ ເລເຊຍ ຄືບໍລິສັດມາເລເຊຍພັດທະນາ Berhad1 ຫລື 1MDB ຫລັງຈາກລາຍງານຂ່າວ ຂອງສຶ່ມວນຊົນໃນປີແລ້ວນີ້ ໄດ້ກ່າວຫາວ່າ ເງິນຫລາຍລ້ານໂດລາໄດ້ຖືກນຳໄປຝາກໄວ້ ຢູ່ໃນບັນຊີທະນາຄານສ່ວນໂຕ ຂອງນາຍົກລັດຖະມົນຕີມາເລເຊຍ ທ່ານ Najib Razak.
ທ່ານ Najib ໄດ້ປະຕິເສດຊໍ້າແລ້ວຊໍ້າອີກໃນການກະທຳຜິດໃດໆ ແລະອະທິໄອຍະການ ຂອງມາເລເຊຍກ່າວວ່າ ເງິນດັ່ງກ່າວເປັນທຶນສ່ວນໂຕບໍລິຈາກໂດຍຄອບຄົວຊາອຸດີ ອາ ຣາເບຍ.
ແຕ່ວ່າໃນອາທິດທີ່ຜ່ານມາ ກອງທຶນ Abu Dhabi ໄດ້ປະກາດວ່າ ບໍລິສັດ 1MDB ບໍໄດ້ ປະຕິບັດຕາມພັນທະຂອງຕົນຕໍ່ໜີ້ສິນ 1 ພັນ 1 ລ້ານ ໂດລາ ແລະດອກເບ້ຍ.
ກະຊວງການເງິນມາເລເຊຍຕອບໂຕ້ຢ່າງທັນທີວ່າ ຕົນຈະຮັບເອົາພັນທະທັງໝົດຢູ່ໃນຕະ ຫລາດການເງິນ ທີ່ພົວພັນກັບກອງທຶນແລະຈະ “ມີເງິນສົດພຽງພໍທີ່ຈະເຮັດໄດ້.”
ແຕ່ວ່າ ທ່ານ Bill Case ສາສະດາຈານ ລັດຖະສາດການເມືອງ ຢູ່ທີ່ມະຫາວິທະຍາໄລ Hong Kong ກ່າວວ່າ ຂ່າວນອງນັນນີ້ອາດຈະມີຜົນກະທົບຕໍ່ພາກສ່ວນການເງິນຂອງ ມາເລເຊຍ ແລະເສດຖະກິດ ໃນໄລຍະຫລາຍເດືອນຕໍ່ໜ້າ.